Yohana 11:11 - KITABU KITAKATIFU

¹¹ Ya vola vindu yivi: nenyima ya yivi ya va volera, Lazaro mulina wetu a gonanga tsindolo; navutswa inze ntsitsa kumuvukidza.

Yohana 11:11 ပူးပေါင်းရင်းမြစ်များ

2 Avami 4:31

Na Gehazi yimirira imbiri wavo, na ya vika impimbo ku mumoni mwomwana, navutswa si ha li nomwoyo, kinga lihulira. Hene yaho yirana kumwaganira, na a mu volera, na a vola, Mwana si a vuki mba.

2 Kyetsinyinga 20:7

Ive, Nyasaye wetu, si wa kunga ava menyanga mu kivala yiki imbiri wa vandu vovo Israeli, kandi si wa ki haana ku visukululwi vyomulina wowo Abrahamu mihiga nemihiga?

Kutwula 33:11

Na Yahova ya volerana na Musa moni na moni, kuli mundu a volerana nomulina wewe. Ma yirana hokusosa: navutswa mutumekiri wewe Joshua, mwana wa Nuni, musoleli, si ya twula ku Lihema mba.

Isaya 41:8

Navutswa ive, Israeli, mutumekiri wange, Yakobo wa ntovoye kisukululwi kya Abrahamu mulina wange,

Danyeli 12:2

Kandi avanyingi ku yavo ava gonanga mu lugukyi lwelirova va la vuka, avalala kuduka mu buhindiri bu ta hera mba na avandu kuduka mu tsisoni na liiegwa li ta hera mba.

Matayo 27:52

vilindwa vya kunuka; nemibiri minyingi gya vandu vatakatifu ava li ni va gona gya simugukidzwa;

Matayo 9:24

ya vola, Mwisunde: ki gira mkana si a kudzi mba navutswa a gona. Navo va mseka ni va mkolera kihenyahenye.

Marko 5:39

Lwa yingira, ya va volera, Kigira ki mu kolanga kivihiri na mu syoma? Mwana si a kudzi mba, navutswa a gonanga tsindolo.

Yohana 11:10

Navutswa na a genda ubudiku a likigitala, kigira ubulavu si bu veye muye.

Yohana 11:12

Kunangwa avegidzwi va mu volera, Mwami, na a va na a gonanga a la hona.

Yohana 11:13

Navutswa Yesu ya vola ku likudza lilye; navutswa navo va ganagana a volanga ku lisosa mu ligona tsindolo.

Yohana 11:3

Kunangwa avabotso veve va tuma mutumwa ni va vola, Mwami, uyu wa u yanza a lwala.

Yohana 3:29

U veye nomukana mwiha niye woserereywi: navutswa mulina woserereywi, u singira na a hulira mwoyo gwowoserereywi, a yanza muno kigira mwoyo gwowoserereywi: kunangwa ubuyanzi yibwo bwa mbeye nabwo bu duki.

Vikolwa 7:60

Kandi ya sigama na a hanzuka na a vola, Mwami, u ta vika kuvo ubwoni yibu. Kandi lwa ya mala kuvola yaga, ya gona.

1 Vakorintho 15:18

Kandi yava ava mali kugona mu Kristo va divi.

1 Vakorintho 15:34

Vuki bulahi, mu ta va mu lihambika, mu ta kola ubwoni; kigira avandi si va veye nelimanya Nyasaye: mbola yaga kumulegannya.

1 Vakorintho 15:51

Henzi, mbolera mwinye inkuva i viseywi: Kwinye si ku la gona vosi, navutswa ku la giru nkanywa vosi,

Vafeso 5:14

Kigira yaga a vola, Vuka, ive u gonanga, simuguka u twule mu vakudzu, na Kristo a la ku letera ubulavu.

Kwidzulitsa 31:16

Na Yahova ya volera Musa, Henza, ive u la gona navaguga vovo; navandu yava va la vuka, nokukola ubuheyi ku lilonda vanyasaye vageni avekivala, kya va tsitsanga yo kuva hagati havo, va la ndeka, nokwononya lilagana lyange lya nda kola halala navo.

1 Vatesalonike 5:10

wa ku kudzera ni ku va ni ku linda, kinga ni ku va ni ku gona, ku ve mwoyo halala naye.

Yakobo 2:23

kandi mang'oda ga kolwa madukiru aga vola, Abrahamu ya suuvira Nyasaye, kandi ga volwa kuye kuva ubuhlngi; kandi ya langwa mulina wa Nyasaye.