Yohana 10:27 - KITABU KITAKATIFU

²⁷ Magondi gange ga hulira mwoyo gwange, kandi inze nga manya, kandi ga nonda:

Yohana 10:27 ပူးပေါင်းရင်းမြစ်များ

1 Avami 18:21

Na Elija yisunda ku avandu yavo vosi, na a va volera, Mu la genda kuli avalema mu tsiganagani tsiviri kuduka inyinga ki? Yahova na a va na a veye Nyasaye mu mu londe navutswa na a va na a veye Baal mu londe uyu. Navandu yavo si va mu tivulira kindu kali kilala mba.

Isaya 66:22

Kigira kuli ligulu lihya nelirova Iihya, lya nda lomba, vi menya imbiri wange, Yahova a vola, ni ndiyo kisukululwi kyenyu ki la menya, ni lieta lyenyu.

Matayo 16:24

Hene yaho Yesu ya volera avegidzwi veve, Mundu wenya kunonda yigaye mwene, na a vugule musaiaba gwigwe, a nonde.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Matayo 25:12

Navutswa ya tivula na a vola, Ligali mmu volera, si mmu manya mba.

Matayo 7:23

Hene yaho nda va volera, Si nda mu manya mba, mu twule ku inze, ava kola kirage.

Marko 10:21

Yesu ya mu henza na a mu yanza, na a mu volera, U daki kindu kilala: tsia, u gule vindu vyosi vya u veye navyo, u he avadaka, na ive u la nyola akiba migulu: udze, u nonde.

Marko 8:34

Ya langa avandu navegidzwi veve, na a va volera, Mundu na a va ni yenya kunonda, yegaye, a ginge musalaba gwigwe a nonde.

Luka 13:27

Naye a la vola, Mmu volera, si mmu manya wa mu twula; mu twule hano, mwinye, ava kola ubudamano.

Luka 9:23

Kandi ya volera vosi, Uyu wenyanga kunonda, yigaye, a ginge musalaba gwigwe kazozo, a nonde.

Yohana 10:14

Inze mbeye mwayi mulahi; kandi nga manya aga veye agange, kandi agange ga mmanya,

Yohana 10:16

Kandi mbeye namagondi agandi, ga ta veye gomu kego yiki: nago kandi ga ndukira ndete, kandi yaga ga la hulira mwoyo gwange; ga la gwa kyayo kilala nomwayi mulala.

Yohana 10:8

Vosi avadza imbiri wange va li avivi kandi aviguliri: navutswa amagondi si ga va hulira.

Yohana 12:26

Mundu ni ya ntumekira, a nonde; inze ha mbeye, kandi mutumekiri wange a la va ho: mundu ni ya ntumekira, Dada wange a la mu ha ubukumi.

Yohana 21:22

Yesu ya mu volera, Inze ni nyenya a linde nduhe nduke, ki veye kindu ki ku ive? U nonde.

Yohana 5:25

Ligali, ligali, mmu volera, Isaa yidza, nayo i mali kuduka yavakudzi va la hulira mwoyo gwo Mwana wa Nyasaye, kandi ava hulira va la duka kuva mwoyo.

Yohana 8:12

Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.

Yohana 8:43

Kigira ki si mu manya livola lyange? Kigira si mu nyala kuhulira likuva lyange.

Vikolwa 3:23

Kandi ga la va, ku vandu vosi u li vula kuhulira muprofeti uyo a lononywa ligali a twulidzwe mu vandu.

1 Vakorintho 8:3

navutswa ku vosi mundu na a yanza Nyasaye, uyu a manyekana imbiri wewe.

Vagalatia 4:9

navutswa kalunu ni mu mali kumanya Nyasaye, navutswa kindu kinene Nyasaye na a mali kumanya mwinye, ga veye ndi mwinye kwirana kandi mu megidzo ku matsyambiri amadedekere agobudaka, aga mwenya kugwa avatugwa vago kandi?

2 Timoteo 2:19

Navutswa muse gwe tsingulu gwa Nyasaye gu singira, gu veye nekiloleru yiki: Mwami a manya yava ava veye aveve: kandi, Ku vosi u talanga lieta lyo Mwami yelehe ku budamano.

Vahebraina 3:7

Kunangwa kuli Roho Mutakatifu a volanga, Lero ni mu va ni mu hulira mwoyo gwigwe,

Likunula 14:4

Yava nivo ava vula kukolwa avadamano na avakali; kigira va veye avagyima. Yava nivo ava londanga Mwana Weligondi hosi ha a tsitsanga. Yava va gulwa mu vandu, va ve ubuhya ku Nyasaye kandi ku Mwana Weligondi.

Likunula 3:20

Henza, nsingiye ha kiliango nzigulihidzanga: mundu ku vosi na a va na a hulira mwoyo gwange nokunzigulira kiliango, ndingira ha a veye, kandi nda lia halala naye, naye halala na inze.