Yohana 10:16 - KITABU KITAKATIFU

¹⁶ Kandi mbeye namagondi agandi, ga ta veye gomu kego yiki: nago kandi ga ndukira ndete, kandi yaga ga la hulira mwoyo gwange; ga la gwa kyayo kilala nomwayi mulala.

Yohana 10:16 ပူးပေါင်းရင်းမြစ်များ

Litanga 49:10

Impimbo yobwami si i la twula ku Yuda, Kandi impimbo yokwameha si i la twula hagati hevirenge vivye, Kuduka inyinga Shilo yadza; Na lihulira lyavandu li la va kuye.

Zaburi 86:9

Tsihiri tsyosi tsya wa lomba tsi la sigama imbiri wowo, O Mwami; Na va la kuminya lieta lilyo.

Kohelethu 12:11

Makuva gavageeri ga veye kuli makangu; kandi kuli misumari gya kubangirirwa navanene vamavugano, ga twula ku mwayi mulala.

Isaya 11:10

Ga la va ku lidiku yilyo, kitinya kya Jesse, ki singiranga kuva kilolekidzu kyavandu, tsihiri tsi la tsia ku uyu; na hokusosa hehe ha la va ho ubukumi.

Isaya 43:6

nda volera kasikasini, Haana; na kusini, U tigalira mba; leta avayai vange kutwula ihale, navakana vange kutwula ku kiheri kyelirova;

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 52:10

Yahova u vimbuye mukono gwigwe mutakatifu imbiri wetsimoni tsyetsihiri tsyosi; na tsindulu tsyosi tsyelirova tsi la lola ubuhonnyi bwa Nyasaye wetu.

Isaya 56:8

Yahova Nyasaye wa vungidza halala yavo avatebwa va Israeli, a vola, Halala na yaga nda vungidza avandu kuye, ukuvita yavo aveve va vungidzwa.

Ezekieli 34:12

Kuli mwayi yenyanga kyayo kikye mu lidiku lya ya li hagati ha magondi gege aga salannywa yiyi na yiyi, ni ndiyo ndenya amagondi gange; na nda ga honnya kutwula hosi ha ga salannywa mu lidiku lyamalesi nelyekisundi.

Ezekieli 34:23

Na nda singeridza kuvo mwayi mulala, naye a la gaya, uyu a veye mutumekiri wange Daudi, uyu a la gaya, na a la va mwayi wago.

Ezekieli 34:6

Amagondi gange ga vayavaya mu vigulu vyosi, noku kigulu sa kilala kitambi; yee, magondi gange ga li ni ga salannywa mu mmoni mwosi mwelirova; si ha li nomundu kali mulala kugateva kinga kugenya.

Ezekieli 37:22

na nda va kola kuva ihiri indala mu kivala yikyo, ku vigulu vya Israeli; na mwami mulala a la va mwami kuvo vosi: na si va la va tsihiri tsiviri kandi mba, kandi si va lavukana kuva ubwami buviri kandi mba kuduka mihiga nemihiga;

Ezekieli 37:24

Na mutumekiri wange Daudi a la va mwami kuvo; na vosi va la va nomwayi mulala: kandi va la genda mu miima gyange, na va la gumira amalago gange ku ga kola.

Hosea 1:10

Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Luka 15:8

Kinga ha veye nomukali ki wetsishilling likumi, neshilling indala ni i gota, si a hambidza itaya, ni yeya inyumba ni yenya budinyu a luhe a duke kuginyola?

Yohana 10:11

Inze mbeye mwa yi mulahi: mwayi mulahi a haana livamwoyo lilye kigira magondi.

Yohana 10:2

Navutswa wingirira mu kiliango nu mwayi wamagondi.

Yohana 10:27

Magondi gange ga hulira mwoyo gwange, kandi inze nga manya, kandi ga nonda:

Yohana 10:3

Mulindi a mwigulira kiliango; kandi magondi ga hulira mwoyo gwigwe: kandi a langa amagondi gege sa lilala lieta lyalyo, na a gimirira kutsia kyova.

Yohana 10:4

Lwa a mala kugahila agege gosi kyova, a gimirira imbiri wago, nago amagondi ga mu londa: kigira ga manya mwoyo gwigwe.

Yohana 10:5

Kandi si ga nyala kulonda mundu mgeni, navutswa ga la mwiruka: kigira si ga manya mwoyo gwavageni.

Yohana 11:52

kandi si ya kudzera ihiri yeng'ine, navutswa a duke kusannya halala avana va Nyasaye vosi ava salana.

Yohana 17:20

Kandi si nsaavira yava veng'ine navutswa nsaavira kandi yavo ava suuvira ku inze kigira likuva lyavo;

Yohana 6:37

Vyosi vya Dada a mbedza vi ladza ku inze; naye udza ku inze si nda mu kunga mba.

Vikolwa 15:14

Simeoni u mali kukuvuulira kuli Nyasaye ya tanga kuhenza Tsihiri, a duke kuvugula kuvo avandu ku lieta lilye.

Vikolwa 18:10

kigira mbeye nive halala, si ha veye nomundu u lidza ku ive kukwononnya: kigira mbeye navandu vanyingi mu lidala yili.

Vikolwa 22:14

Kandi ya vola, Nyasaye wavaguga vetu u mali kukutovola u duke kumanya ubulaliri bwibwe, nokulola Mulungi, nokuhulira mwoyo gu twula mmunwa gwigwe.

Varumi 11:25

Kigira si nyenyi, mwinye avamitu, mu vule kumanya kya viswa yiki, gase mu la va nobugeeri bwenyu avene; ubudinyu bulala bu gwiriye Israeli, kuduka inyinga yobudukidza bwe Tsihiri bu duka kwingira;

2 Vatesalonike 2:13

Navutswa ga dukira kwinye kusantidza Nyasaye kazozo kigira mwinye, avamitu avo Mwami a yanza, kigira Nyasaye ya tovola mwinye kutwula invinga yelitanga, mu nyole ubuhonnyi mu litakaswa lya Roho nomu lisuuvira ageligali:

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

1 Petro 2:10

mwinye ava vula kuva vandu mu matsyambiri, navutswa kalunu mu veye avandu va Nyasaye: ava vula ku verererwa, navutswa kalunu mu verereywi.

1 Petro 2:25

Kigira mwa li mwa gota kuli magondi; navutswa kalunu mwirani ku Mwayi no Muhenzi wemyoyo gyenyu.

1 Petro 5:4

Kandi Mwayi munene lwa a lang'aminywa, mu la vugula itaji yobukumi i ta kamuluka.

Likunula 3:20

Henza, nsingiye ha kiliango nzigulihidzanga: mundu ku vosi na a va na a hulira mwoyo gwange nokunzigulira kiliango, ndingira ha a veye, kandi nda lia halala naye, naye halala na inze.