Yohana 10:14 - KITABU KITAKATIFU

¹⁴ Inze mbeye mwayi mulahi; kandi nga manya aga veye agange, kandi agange ga mmanya,

Yohana 10:14 ပူးပေါင်းရင်းမြစ်များ

Zaburi 1:6

Kigira Yahova a manya inzira ya avalungi; Navutswa inzira ya avoni i la diva.

Isaya 40:11

A laya kyayo kikye kuli mwayi, a la gumira avana vamagondi mmukono gwigwe, na a la va ginga ku kiritu kikye, na va nunanga a la vendereridza.

Isaya 53:11

A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.

Nahum 1:7

Yahova a veye mulahi, a veye impinga ku lidiku lyekivi; a manya yava ava suuvira kuye.

Yohana 10:11

Inze mbeye mwa yi mulahi: mwayi mulahi a haana livamwoyo lilye kigira magondi.

Yohana 10:13

yiruka kigira a veye mutungwi, kandi si a nyala kuganagana magondi.

Yohana 10:27

Magondi gange ga hulira mwoyo gwange, kandi inze nga manya, kandi ga nonda:

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Yohana 17:8

kigira amakuva ga wa mpa, inze mali kuvaha; navo va ga vugula, kandi va manya ligali nda twula ku ive, kandi va suuvira ni ive wa ntuma.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

Vafeso 1:17

Nyasaye wo Mwami wetu Yesu Kristo u veye Dada wobukumi, a he mwinye roho gwobugeeri nogwelivuula lyokumumanya;

Vafeso 3:19

nokumanya ubuyanzi bwa Kristo obu vita limanya, mu duke kwizulitswa kali kuduka ku lizula lyosi lya Nyasaye.

Vafilipi 3:8

Yee kandi inze ligali ndola vindu vyosi kuva ubugoti vutswa, kigira ubulahi kuvita bwelimanya lya Kristo Yesu Mwami wange: wa nda gotidzira ku, vindu vyosi, nokuvivalidza kuva amandu vutswa, nduke kunyola Kristo,

2 Timoteo 1:12

Kigira yaga nyolanga vindu yivi: navutswa si mbeye isoni; kigira mmanya uyu wa nsuuviranga, kandi mmanya ligali a nyala kulinda kya nda vika kuye kuduka ku lidiku yilyo.

2 Timoteo 2:19

Navutswa muse gwe tsingulu gwa Nyasaye gu singira, gu veye nekiloleru yiki: Mwami a manya yava ava veye aveve: kandi, Ku vosi u talanga lieta lyo Mwami yelehe ku budamano.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

Likunula 2:13

Mmanya ha u menya, ha veye ha intebe yobwami ya Setani i veye; na ive u gumira ligali lieta lyange, nokuvula kwambakana lisuuvira lyange, kali mu madiku ga Antipa mulolekidzi wange, musuuvirifu wange, wiitirwa hagati henyu ha Setani a menya.

Likunula 2:19

Mmanya mirinzi gyigyo, nobuyanzi bubwo, neisuuvira lilyo, nobukonyi bubwo, nobwekudziri bubwo, kandi miyinzi ryigyo gyenyima gyi viti gyembiri.

Likunula 2:2

Mmanya miyinzi gyigyo nelididikana lilyo, nobwikudziri bubwo, kandi mmanya si u nyala kwikudzira ku vandu vadamano, kandi wa geridza avelanganga avene avatumwa, ava ta li ndiyo, nokuvalola kuva avobubehi;

Likunula 2:9

Mmanya lidambidzwa lilyo, nobudaka bubwo (navutswa u veye mutugi), kandi mmanya linyega lya yavo avevolanga va veye Avayuda, navutswa si va li ndiyo, navutswa va veye avelivugana lya Setani.

Likunula 3:1

Kandi u ng'odere ingelosi welivugana li veye mu Saride. Yivi nivyo vya uyu u veye na Roho vatano na vaviri va Nyasaye, netsing'ereng'ani tsitano na tsiviri, a volanga: Mmanya miyinzi gyigyo, u veye nelieta lyokuva mwoyo, na ive u kudzi.

Likunula 3:15

Mmanya miyinzi gyigyo, si u veye nobukindu kinga kihyu: nkano wa li ubukindu kinga kihyu.

Likunula 3:8

Mmanya miyinzi gyigyo (henza, mmali kukuha kiliango kyalamu, kandi si ha veye no nyala kuhana), u veye netsingulu tsinkekeke, kandi wa linda likuva lyange, kandi wa vula kwambakana lieta lyange.