Yohana 10:11 - KITABU KITAKATIFU

¹¹ Inze mbeye mwa yi mulahi: mwayi mulahi a haana livamwoyo lilye kigira magondi.

Yohana 10:11 ပူးပေါင်းရင်းမြစ်များ

2 Samweli 24:17

Na Daudi, lwa ya lola ingelosi ya dividzanga avandu, ya volera Yahova, na a vola, Henza ni inze wa kola ubwoni, na nkoli ubukyamu; na vutswa magondi yaga, ga koli ki? Mwadza, mukono gugwo gu veye ku inze, noku inyumba ya dada wange.

Zaburi 23:1

Yahova a veye mwayi wange; si nyala kudaka mba.

Zaburi 80:1

U hulire, O Mwayi wa Israeli, Ive wimiranga Yosefa kuli kyayo kva magondi; Ive wikalanga igulu wa vakerubi u ng'ereng'ane.

Isaya 40:11

A laya kyayo kikye kuli mwayi, a la gumira avana vamagondi mmukono gwigwe, na a la va ginga ku kiritu kikye, na va nunanga a la vendereridza.

Isaya 53:6

Kwinye kwosi ku goti kuli magondi; ku girunkani sa mulala a londa inzira yeye; na Yahova a mu dwika ubudamano bwetu kwosi.

Ezekieli 34:2

Ivemwana womundu, profeta ku avayi va Israeli profeta, u va volere, kali ku avayi Mwami Nyasaye a vola ndi, O bayaye ku avayi va Israeli aveyayanga avene si ga dukiranga avayi kwaya magondi?

Ezekieli 34:23

Na nda singeridza kuvo mwayi mulala, naye a la gaya, uyu a veye mutumekiri wange Daudi, uyu a la gaya, na a la va mwayi wago.

Ezekieli 37:24

Na mutumekiri wange Daudi a la va mwami kuvo; na vosi va la va nomwayi mulala: kandi va la genda mu miima gyange, na va la gumira amalago gange ku ga kola.

Mika 5:4

Na a la singira nokwaya kyayo kikye netsingulu tsya Yahova, nobunene bwelieta lya Yahova Nyasaye wewe: na va la menya; kigira kalunu a la va munene kuduka ku viheri vyelirova.

Zekaria 13:7

U vuke, O kivavi, ku mwayi wange, noku uyu u veye wakye wange, Yahova wa mahe a vola: kuya umwayi, na magondi ga la salannywa; na nda girunkannya mukono gwange kuhenza ku vakekeke.

Matayo 20:28

kuli Mwana wa Adamu si yadza kutumekirwa, navutswa kutumekira, nokuhaana liva mwoyo lilye li ve litungira lya vanyingi.

Yohana 10:2

Navutswa wingirira mu kiliango nu mwayi wamagondi.

Yohana 15:13

Mundu si a veye nobuyanzi bunene kuvita yibu, mundu a haane livamwoyo lilye kigira avalina veve.

Vafeso 5:2

kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

1 Petro 5:4

Kandi Mwayi munene lwa a lang'aminywa, mu la vugula itaji yobukumi i ta kamuluka.

1 Yohana 3:16

Ku manya ndiyo ubuyanzi, kigira ya haana livamwoyo lilye kigira kwinye: nu bulahi kwinye ku haane livamwoyo lyetu kigira avamitu.

Likunula 7:17

kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.