Yohana 1:51 - KITABU KITAKATIFU

⁵¹ Kandi ya mu volera, Ligali, ligali, mmu volera, Mu la lola ligulu ligulika, netsingelosi va Nyasaye va nina ni vika ku Mwana wa Adamu.

Yohana 1:51 ပူးပေါင်းရင်းမြစ်များ

Litanga 28:12

Na ya lota maloto, na henza, ingasi i singeridzeywi ku lirova na isonga yayo i duka migulu: na henza, tsingelosi wa Nyasaye va ninanga nokwikira kuyo.

Ezekieli 1:1

Ma ga duka ku muhiga gwa makumi gavaka, mweli gwegyine, lidiku lya gatano lyomweli, lwa nda li hagati ha yavo avadikidzwa, ahimbi nomugera gwa Kebari, ligulu ligulika, na nda lola malola ga Nyasaye.

Zekaria 13:7

U vuke, O kivavi, ku mwayi wange, noku uyu u veye wakye wange, Yahova wa mahe a vola: kuya umwayi, na magondi ga la salannywa; na nda girunkannya mukono gwange kuhenza ku vakekeke.

Matayo 25:31

Navutswa inyinga Mwana wa Adamu a lidza mu bukumi bwibwe, netsingelosi vosi halala naye, hene yaho a likala ku intebe yobukumi bwibwe.

Matayo 26:24

Mwana wa Adamu a tsia kuli ga ng'odwa kuye: navutswa Bayaye bu veye ku mundu uyo wa zama Mwana wa Adamu bu va bulahi nkano mundu uyo si ya livulwa.

Matayo 3:16

Na Yesu, lwa ya batidzwa, ya twula mmadzi nonoho: kandi henza, ligulu lya mkunulirwa, na a lola Roho wa Nyasaye yika ni yadza kuye kuli likuulu;

Matayo 4:11

Ma Setani ya mu leka; kandi henza, tsingelosi vadza ni va mu tumekira.

Matayo 8:20

Yesu ya mbolera, Vibwe vi veye nebogo, na manyonyi ge igulu ga veye netsinyumba; navutswa Mwana wa Adamu si a veye na ha kugona mba.

Matayo 9:6

Navutswa mu duke kumanya Mwana wa Adamu a veye netsingulu mu lirova kusameha ubwoni (hene yaho ya volera wa fwogoya), Singira, u vugule kitali kikyo u tsie yengo wowo.

Marko 1:10

Lwa ya twula mu madzi, nonoho ya lola ligulu li gulika, na Roho kuli likuulu yika kuye:

Marko 14:62

Yesu ya vola, Inze niye: kandi mu la lola Mwana wa Adamu ni yikaye ha mukono mulungi gwo Wetsingulu, ni yidza mu malesi gegulu.

Luka 2:13

Nonoho ndi va li ho halala nengelosi kiduma kyelihe lya igulu, vidzominya Nyasaye, ni va vola.

Luka 2:9

Kandi ingelosi wo Mwami ya singira ha va li, nobukumi bwo Mwami bwa ng'ereng'ana kuvo tsimbega tsyosi: kandi va tia ligali.

Luka 22:43

Kandi ya loleka kuye ingelosi ya twula migulu, ya mu ha tsingulu.

Luka 22:69

Navutswa kutwula kalunu Mwana wa Adamu a likalidzwa ku mukono mulungi gwetsingulu tsya Nyasaye.

Luka 24:4

Lwa va genya yaga, henza, avandu vaviri va singira navo, vivika tsingubo tsing'ereng'anu:

Luka 3:21

Avandu vosi lwa va batidzwa, kandi Yesu lwa ya mala kubatidzwa, lwa ya li na a saala, ligulu li gulika,

Yohana 1:50

Yesu ya tivula na a mu volera, Kigira nda ku volera, nda ku lola isi mwomusala gwamakuyu, u suuvira? U la lola vindu vi vita yivi.

Yohana 10:1

Ligali, ligali, mmu volera, U vula kwingira mu kiliango kyekego kyamagondi, navutswa a tsia kuhudula ha luvega, uyu nu mwivi kandi nu mwiguliri.

Yohana 10:7

Kunangwa Yesu ya va volera kandi, Ligali, ligali, Inze mbeye kiliango kyamagondi.

Yohana 13:16

Ligali, ligali, mmu volera, Mutugwa si a veye munene kuvita wa mu tuga; kandi mutumwa si a veye munene kuvita wa mu tuma.

Yohana 13:38

Yesu ya tivula, Hene u la haana liva mwoyo lilyo kigira inze? Ligali, ligali, nku volera, Idaywa ni i ta lagula, ive u la nyambakana hali kavaka.

Yohana 14:12

Ligali, ligali mmu volera, Uyu u suuvira inze miyinzi gya nkolanga naye kandi a la gyi kola; kandi a la kola minene ku vita yigyi; kigira inze ntsitsa wa Dada.

Yohana 16:20

Ligali, ligali, mmu volera, mwinye mu la lira ni mu syoma, navutswa avomkivala va la sangala: mwinye mu la verera, navutswa ubuvereri bwenyu bu la girunkanywa bu ve ubuyanzi.

Yohana 16:23

Kandi ku lidiku yilyo si mu li teva inze likuva. Ligali, ligali, mmu volera, ni mu saala kindu ku Dada, a la mu ha ku lieta lyange.

Yohana 21:18

Ligali, ligali, nku volera, Lwa wa li muyai, weboha nu u tsia wa u yanza: navutswa lwa u li duka musakulu, u la nyira makono, nowundi a la ku boha, a ku hile wa u ta yanza.

Yohana 3:3

Yesu ya tivula na a mu volera, Ligali, ligali, nku volera Mundu na a tivulwa livulwa lyomigulu, si a nyala kulola ubwami bwa Nyasaye.

Yohana 3:5

Yesu ya tivula, Ligali, ligali, nku volera, Mundu na a tivulwa livulwa lyamadzi nelya Roho si a nyala kwingira mu bwami bwa Nyasaye.

Yohana 5:19

Kigira yaga Yesu ya tivula na a va volera, Ligali, ligali, mmu volera, Mwana si a nyala kukola kindu mwene, navutswa vya a lola Dada a kolanga: kigira ku vindu vyosi vya a kola, yivi kandi Mwana a kola ndiyo.

Yohana 5:27

kandi ya mu ha tsingulu kukola likalaga, kigira a veye Mwana wa Adamu.

Yohana 6:26

Yesu ya va tivulira na a vola, Ligali ligali, mmu volera, Si mu nyenyi kigira mwa lola vilolekidzu, navutswa kigira mwa lagira milango, ni mwiguta.

Yohana 6:32

Kigira yaga Yesu ya va volera, Ligali, ligali, mmu volera, Si ya li Musa wa mu ha ubukima bwomigulu; navutswa Dada wange a mu hedzanga ubukima bweligali bwo migulu.

Yohana 6:47

Ligali, ligali, mmu volera, Uyu u suuvira a veye nelivamwoyo li ta hera mba.

Yohana 6:53

Kigira yaga Yesu ya va volera, Ligali, ligali, mmu volera he, Ni mu ta lia inyama yomubiri yo Mwana wa Adamu nokunwa masahi gege si mu veye nelivamwoyo mu mwinye.

Yohana 8:34

Yesu ya va tivulira, Ligali, ligali, mmu volera, Ku vosi u kola ubwoni a veye mutugwa wobwoni.

Yohana 8:51

Ligali, ligali mmu volera, mundu na a gumira likuva lyange, si a li lola likudza mihiga nemihiga.

Yohana 8:58

Yesu ya va volera, Ligali, ligali, mmu volera, Abrahamu na a tivulwa, inze mbeye.

Vikolwa 10:11

na a lola ligulu li kunuka, nekindu kika ki fwana ingubo inene, yikidzwa netsinziga tsine kuduka hasi.

Vikolwa 7:56

na a vola, Henzi, ndola ligulu li kunulwa, no Mwana wa Adamu u singiye ha mukono mulungi gwa Nyasaye.

2 Vatesalonike 1:7

navutswa mwinye ava kupidzwa kivi li la va lyelemereridza halala nekwinye, mu lilang'aminywa lyo Mwami Yesu kutwula migulu halala netsingelosi avetsingulu tsitsye mu muliru gwetsimemo,

2 Vatesalonike 1:9

ava li hebwa amageli, nago ga veye lidividzwa mihiga nemihiga kutwula imbiri wo Mwami, kandi kutwula mu bukumi bwetsingulu tsitsye,

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

Vahebraina 1:14

Yavo vosi si va veye roho gyobutumwa, gyi tumangwa gyi duke kutumekira yava ava li lia miyandu gyobuhonnyi?

Yudasi 1:14

Kandi uyu Enoka, u kola katano na kaviri inyima wa Adamu, ya profeta kuvo, na a vola, Henza, Mwami yadza nelihe lilye lye tsielfu likumi litaka tifu,

Likunula 19:11

Kandi nda lola ligulu ni ligulika; kandi henza, iparasi indavu, na uyu wa nina ku a langwa Musuuvirifu no Weligali; kandi mu bulungi a kalaga nokukola lihe.

Likunula 4:1

Inyima wevindu yivi nda lola kandi henza, kiliango kigulika migulu, nomwoyo gwokutanga gwa nda hulira, kuli kisiliva gu volerana na inze, mulala a vola, Yanegira yino, na inze nda ku mannya ivindu vi la duka lwenyima.