Yohana 1:49 - KITABU KITAKATIFU

⁴⁹ Natanaeli ya mu tivulira, Rabi, ive niye Mwana wa Nyasaye; ive nu Mwami wa Israeli.

Yohana 1:49 ပူးပေါင်းရင်းမြစ်များ

Zaburi 110:1

Yahova a volera Mwami wange, Wikale ha mukono gwange mulungi, Kuduka lwa mbika avasigu vovo kuva intebe yevirenge vivyo.

Zaburi 2:6

Navutswa mbiki mwami wange ku Zioni Kigulu kyange kitakatifu.

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Danyeli 9:25

Kunangwa u manye nokuhulira, kutwula inyinga yelihaana munwa kwirannya ubuhya, nokwombaka Yerusalemi, kuduka ku uyu u vakeywi, Munene, ga la va masidza gatano na gaviri, kandi masizda makumi gatano na lilala na tsisuvi tsiviri: li lombakwa kandi, halala netsinzira tsyalyo, nelugaga lwalyo, mu tsinyinga tsyekivi.

Hosea 3:5

na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.

Mika 5:2

Navutswa ive, Beth-lehemu Efaratha, u veye mukekeke mu tsielfu tsya Yuda, mulala a la twula ku ive a ladza ku inze u li duka kuva welyameha mu Israeli; litwula lilye ni lya kale, kutwula mihiga nemihiga.

Zefania 3:15

Yahova u mali kutwulidza likalagirwa lilyo, musigu wowo u tebeywi kyova: Mwami wa Israeli, uyu Yahova, a veye hagati hoho; si u la tia ubudamano kandi mba.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Matayo 14:33

Navo ava li mbwato, va mu sigamira, ni va vola, Ligali ive u veye Mwana wa Nyasaye.

Matayo 2:2

A veye haliki wivuywi Mwami wa Vayuda? Kigira kwa lola ing'ereng'ani yeye ivugwe, ku udzi kumsigamira.

Matayo 21:5

Mu volere mkana wa Zioni, Henza, Mwami wowo yadza ku ive, Muhooma, u nini kwisukiri, Noku kimoli kyesukiri.

Matayo 23:7

nokuchelidzwa mu vitu, nokulangwa Rabi

Matayo 23:8

Navutswa mwinye mu ta langwa Rabi mba: kigira mulala a veye mwegidzi wenyu, na mwinye vosi mu veye avamwavo navamwavo.

Matayo 27:11

Naye Yesu ya singira imbiri wa govuna: govuna ya mu teva, na a vola, Ive niye Mwami wa Vayuda? Yesu na a mu volera, Ive u voye.

Matayo 27:42

Ya honnya avandi si a nyala kwehonnya. A veye Mwami wa Israeli; yike kalunu ku musalaba na kwinye ku la mu suuvira.

Matayo 4:3

Ma, mugeridzi yadza na a mbolera, Ive nu u va nu u ve Mwana wa Nyasaye, u lage amagina yaga ga gwe ubu kima.

Marko 15:32

Kristo, Mwami wa Israeli, yike ku musalaba kalunu, ku lole kandi ku duke kusuuvira. Kandi ava bambwa naye halala va mu nyega.

Luka 1:35

Ingelosi ya tivula, na a mu volera, Roho Muta katifu a ladza ku ive, netsingulu tsya Uveye Igulu Ligali tsi la ku kinga kigira yaga Kitakatifu yikyo ki livulwa ku ive ki la langwa Mwana wa Nyasaye.

Luka 19:38

ni va vola, A veye nobugasu, Mugali yadza ku lieta lyo Mwami: mirembe migulu, nobukumi igulu ligali.

Yohana 1:18

Si ha li nomundu wa lola Nyasaye inyinga kali indala; Mwana wivulwa muderwa u veye mu kiritu kya Dada, u mu vuuye.

Yohana 1:34

Na inze mmali kulola, kandi mmali kulolekidza a veye Mwana wa Nyasaye.

Yohana 1:38

Yesu ya girunkana, na a va lola va mu londanga, na a va volera, Mwenya ki? Ni va mu volera, Rabi (litivula lyalyo li veye kuvola, Mwegidzi, u menya ha li ha?

Yohana 1:50

Yesu ya tivula na a mu volera, Kigira nda ku volera, nda ku lola isi mwomusala gwamakuyu, u suuvira? U la lola vindu vi vita yivi.

Yohana 18:37

Kunangwa Pilatu ya mu volera, Nkani u veye mwami? Yesu ya tivula, Ive mwene u voye mbeye mwami. Yiki ni kigira ndivulwa, kandi yiki ni kigira nda duka mu lirova, nduke kulolekidza ageligali. Ku vosi u veye ku luvega lwa geligali a hulira mwoyo gwange.

Yohana 4:31

Inyinga eana avegidzwi va mu gonya, ni va vola, Rabi, u lie: