Yohana 1:34 - KITABU KITAKATIFU

³⁴ Na inze mmali kulola, kandi mmali kulolekidza a veye Mwana wa Nyasaye.

Yohana 1:34 ပူးပေါင်းရင်းမြစ်များ

Zaburi 2:7

Nda singeridza likuva: Yahova ya mbolera, Ive u veye mwana wange; Lero inze nkwivuye.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Matayo 16:16

Simoni Petro ya tivula, na a vola, Ive u veye Kristo, Mwana wa Nyasaye weliva mwoyo.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Matayo 26:63

Navutswa Yesu ya kiring'ana. Musalisi munene ya mu volera, Nkwisuhidza Nyasaye weliva mwoyo u ku volere ive niye Kristo, Mwana wa Nyasaye.

Matayo 27:40

ni va vola, Ive wononnyanga litempeli, wombaka ku madiku gavaka, wehonnye mwene Ive nu u va nu u ve Mwana wa Nyasaye, wika ku musalaba.

Matayo 27:43

Ya suuvira Nyasaye; a mu honnye, kalunu na a va na a mu yanza: kigira ya vola, Inze mbeye Mwana wa Nyasaye.

Matayo 27:54

Kandi munyampara wavasikari, navo va linda Yesu halala naye, lwa va lola ubudegeri bwelirova nevindu vya kolwa, va tia muno, ni va vola, Ligali uyu ya li Mwana wa Nyasaye.

Matayo 3:17

kandi henza, munwa gwa twula mwigulu ni gu vola, Uyu no Mwana wange, muyanzi wange wa nyanza.

Matayo 4:3

Ma, mugeridzi yadza na a mbolera, Ive nu u va nu u ve Mwana wa Nyasaye, u lage amagina yaga ga gwe ubu kima.

Matayo 4:6

na a mbolera, Ive nu u va nu u ve Mwana wa Nyasaye, u tuume hasi: kigira ga ng'odeywi, A la ha tsingelosi veve munwa ku ive: Na kandi Va la ku ginga mmakono gavo, Gase u likigitala kirenge kikyo kwigina.

Matayo 8:29

Kandi henza, va hanzuka ni va vola, Ku veye ndi nive, Yesu, Mwana wa Nyasaye? Udzi hano kukukupidza kivi inyinga i kikiri kuduka?

Marko 1:1

Litanga lya ivangeli ya Yesu Kristo, Mwana wa Nyasaye.

Marko 1:11

na mwoyo gwa twula mu ligulu, Ive nu Mwana wange umyanze ku ive nyanza ligali.

Luka 1:35

Ingelosi ya tivula, na a mu volera, Roho Muta katifu a ladza ku ive, netsingulu tsya Uveye Igulu Ligali tsi la ku kinga kigira yaga Kitakatifu yikyo ki livulwa ku ive ki la langwa Mwana wa Nyasaye.

Luka 3:22

na Roho Mutakatifu yika kuye neligondo kuli mubiri gwelikuula, kandi mwoyo gwa twula migulu, gu vola, Ive u veye Mwana wange wa nyanza; nyanzeywi ligali ku ive.

Yohana 1:18

Si ha li nomundu wa lola Nyasaye inyinga kali indala; Mwana wivulwa muderwa u veye mu kiritu kya Dada, u mu vuuye.

Yohana 1:49

Natanaeli ya mu tivulira, Rabi, ive niye Mwana wa Nyasaye; ive nu Mwami wa Israeli.

Yohana 10:30

Inze na Dada ku veye kindu kilala.

Yohana 10:36

wa Dada ya tovola na a mu tuma kuudza mu kivala, mwinye mu vola kuye, U nyega; kigira nda vola, Inze mbeye Mwana wa Nyasaye?

Yohana 11:27

Ya mu volera, Yee, Mwami; inze nsuuviranga, ive u veye Kristo, Mwana wa Nyasaye, uudza mu lirova.

Yohana 19:7

Avayuda va mu tivulira, Kwinye ku veye nelilaga, kandi ku lilaga zana nu bulahi a kudze, kigira yekola Mwana wa Nyasaye.

Yohana 20:28

Tomasi ya mu tivula, na a mu volera, Mwami wange, kandi Nyasaye wange.

Yohana 20:31

navutswa yivi vi ng'odwa mu duke kusuuvira Yesu a veye Kristo, Mwana wa Nyasaye; kandi ku lisuuvira lyenyu mu ve nelivamwoyo mu lieta lilye.

Yohana 6:69

Kandi kwinye ku suuviye, na ku manyi, ive u veye Mutakatifu wa Nyasaye.

Varumi 1:4

kandi wa lang aminywa kuva Mwana wa Nyasaye netsingulu, ku lugano lwa roho wobutakatifu, nelisimuguka kutwula mu vakudzu; Yesu Kristo Mwami wetu.

2 Vakorintho 1:19

Kigira Mwana wa Nyasaye, Yesu Kristo, w a kwilwadza ku mwinye, inze na Silvano na Timoteo, si ya li yee na auwa, navutswa muye ga veye yee.

Vahebraina 7:3

si a veye na ise, si a veye na mama, si a veye nameta gavaguga, si a veye nelitanga lyamadiku gege, si a veye nekiheri kyelivamwoyo lilye, nawtswa ya fwananywa no Mwana wa Nyasaye), ya hindira kuva musalisi mihiga nemihiga.

1 Yohana 2:23

Ku vosi wambakana Mwana, uyu si a veye na Dada: uyu weyama Mwana a veye na Dada kandi.

1 Yohana 3:8

u kola ubwoni a twula ku Setani, kigira Setani a kola ubwoni kutwula mu litanga. Mwana wa Nyasaye ya lolekidzwa kigira yago, kwononnya miyinzi gya Setani.

1 Yohana 4:9

Ku yaga ubuyanzi bwa Nyasaye bwa loleka ku kwinye, kigira Nyasaye ya tuma Mwana wewe muderwa mu lirova, kwinye ku duke kuva mwoyo muye.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

2 Yohana 1:9

Ku vosi wimiriranga nokuvula kumenya mu megidzo ga Kristo, si a veye na Nyasaye: uyu u menya mu megidzo, a veye na Dada no Mwana.

Likunula 2:18

Kandi u ng'odere ingelosi welivugana li veye Tuatera. Yivi nivyo vyo Mwana wa Nyasaye uyu u veye netsimoni kuli lumemo lwomuliru, netsinduvatiru tsitsye kuli mugasa gu siyeywi igali, a volanga: