Yohana 1:33 - KITABU KITAKATIFU

³³ Kandi si nda mu manya: navutswa uyu wa ntuma kubatidza mu madzi, ya mbolera, Wa u li lola Roho yika na a menya kuye, uyu niye a batidza mu Roho Mutakatifu.

Yohana 1:33 ပူးပေါင်းရင်းမြစ်များ

Matayo 3:11

Ligali inze mmu batidza mmadzi mu duke kweganira; navutswa u nonderera a veye netsingulu kuvita inze, vilatu vivye si ndukana kumugingira: uyu a la mu batidza mu Roho Mtakatifu nomu muliru.

Luka 3:16

Yohana ya tivula na a va volera vosi, Inze ligali mmu batidza namadzi; navutswa udzanga a veye netsingulu kuvita inze, wa nta duka kuboholola tsinkova tsyevilatu vivye: uyu a la mu batidza na Roho Mutakatifu nomuliru.

Yohana 1:31

Kandi inze si nda mu manya; navutswa a lolekane na Israeli, yiki ni kigira ndadza ni mbatidza mu madzi.

Yohana 14:26

Navutswa uyu Mukonyi, Roho Mutakatifu wa Dada a la tuma ku lieta lyange, a la mwegidza amakuva gosi, naye a la mwidzulitsa gosi ga nda mu volera.

Yohana 3:34

Kigira uyo wa Nyasaye ya tuma a vola amakuva ga Nyasaye: kigira Nyasaye si a mu ha Roho nekigero.

Yohana 3:5

Yesu ya tivula, Ligali, ligali, nku volera, Mundu na a tivulwa livulwa lyamadzi nelya Roho si a nyala kwingira mu bwami bwa Nyasaye.

Yohana 7:39

Navutswa yaga ya vola ku Roho, wa va li nyola, yava ava suuvira kuye: kigira Roho ya li na kikiri kuhaanwa; kigira Yesu ya li na a kikiri kuhebwa ubukumi.

Vikolwa 1:5

kigira Yohana ya batidza na madzi; navutswa mwinye mu la batidzwa mu Roho Mutakatifu inyima ya madiku makekeke.

Vikolwa 2:4

Kandi vizula vosi Roho Mutakatifu ni va tanga kuvola netsinimi lugano lugano, kuli Roho ya va ha livola.

1 Vakorintho 12:13

Kigira kwosi kwa bati dzwa mu Roho mulala ku duke kuva mubiri mulala, ni ku veye Avayuda naho Avagreki, naho avatugwa, naho avaboholole; kwosi kwa nwehidzwa ku Roho mulala.