Yohana 1:29 - KITABU KITAKATIFU

²⁹ Mugamba ya lola Yesu yadza kuye, na a vola, Henza Mwana weligondi wa Nyasaye, u hila ubwoni bwavomkivala

Yohana 1:29 ပူးပေါင်းရင်းမြစ်များ

Kutwula 28:38

Na ki la va mbweni bwa Haruni, na Haruni a la ginga ubudamano bwevindu vitakatifu, vya avana va Israeli va takasa mu vihaanwa vyavo; nakyo ki la va ku bweni bwibwe kazozo, va duke kubugirirwa imbiri wa Yahova.

Isaya 53:10

Navutswa ga yanzidza Yahova kumukuya; ya mu vereridza: lwa u kola mwoyo gwigwe kuva kyokusayasayira ubwoni, a la lola kisukululwi kikye, a la meda madiku gege, na ga Yahova a yanza ga la gasidzwa mmukono gwigwe.

Isaya 53:11

A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.

Isaya 53:7

Ya dambidzwa, navutswa lwa ya saliridzwa si ya kunula munwa gwigwe; kuli mwana weligondi ya hilwa kwiitwa, kandi kuli ligondi li kiring'ana imbiri wa yavo ava kalaganga bwoya, si ya kunula munwa gwigwe mba.

Hosea 14:2

Vugula ma kuva, u tsie nago, wirane ku Yahova: u mu volere, Twulidza budamano bwosi, u bugirire amalahi: ku la haana ndiyo vihaanwa vyeminwa gyetu kuli kuhaana tsigiriki.

Kyavalevi 10:17

Kigira ki mu vuli kulia kihaanwa kyobwoni hango hatakatifu, kigira ki veye kitakatifu, Naye ya mu ha mu duke kuginga lihyolo lyelivugana, kuvalombera kyokukunika kyobwoni imbiri wa Yahova?

Zekaria 13:1

Mu lidiku yilyo kisenukiru ki la senukira inyumba ya Daudi, nava menyi Yerusalemi, kigira ubwoni na kigira busamuku.

Livalidza 18:1

Na Yahova ya volera Haruni, Ive na avana vovo na inyumba ya vaguga vovo halala na ive, mu la ginga ubudamano bwa hatakatifu; na ive na avana vovo halala na ive mu la ginga ubudamano bwobusalisi bwenvu.

Livalidza 18:23

Navutswa Avalevi va la tumika ubutumiki bwelihema lyokuvuganira mu, navo va la ginga ubudamano bwavo: yili li la va lilaga lyemihiga nemihiga mu visukululwi vyenyu vyosi; navo si va la va nemiyandu mu avana va Israeli.

Livalidza 21:9

Na Musa ya lomba inzoka yomugasa, na a gi vika ku musala: na ga duka, inzoka ni i va ni i luma mundu ku vosi, lwa henza ku inzoka yomugasa zana, ma a va mwoyo.

Livalidza 7:27

nekimoli kilala kigiriki, neligondi lilala likole, nomwana weligondi mulala mukole womuhiga mulala, kuva kihaanwa kyokusambwa;

Livalidza 7:39

nekimoli kilala kigiriki, neligondi lilala likole, nomwana weligondi mulala mu'kole womuhiga mulala, kuva kihaanwa kyokusambwa;

Matayo 1:21

Naye a livula mwana muyai; na ive u la mu gulika lyeta lilye YESU; kigira uyu niye u li honnya avandu veve va twula mu bwoni bwavo.

Matayo 20:28

kuli Mwana wa Adamu si yadza kutumekirwa, navutswa kutumekira, nokuhaana liva mwoyo lilye li ve litungira lya vanyingi.

Yohana 1:35

Mugamba kandi Yohana ya singira, na vaviri ku vegidzwi veve;

Yohana 1:36

na a henza Yesu lwa ya genda, na a vola, Henza Mwana weligondi wa Nyasaye

Yohana 1:43

Mugamba yenya kutsia Galilaya, na a nyola Filipu: kandi Yesu ya mu volera, U nonde.

Yohana 2:1

Ku lidiku lya kola gavaka kya li ho kiserero mu Kana lya Galilaya, kandi mama wa Yesu ya li ho:

Yohana 3:16

Nyasaye ya yanza avomkivala ndi, ya va ha Mwana wewe muderwa, ku vosi u mu suuvira a ta diva mba, navutswa a ve nelivamwoyo li ta hera mba.

Yohana 4:42

Ni va volera mu kali, Kalunu si ku suuvira kigira livola lilyo: kigira kwinye avene ku mali kuhulira, kandi ku manya ligali uyu a veye Muhonnyi wavomkivala.

Yohana 6:51

Inze nibwo ubukima bwelivamwoyo bwa twula migulu: mundu na a lagira ku bukima yibu, a la va mwoyo mihiga nemihiga: yee kandi ubukima bwa ndi haanira livamwoyo lyavomukivala ni nyama yomubiri gwange.

Vikolwa 13:39

kandi ku uyu, vosi va mu suuvira va hebwa ubulungi ku litwulidzwa lya vyosi vyelilaga lya Musa li ta nyala kutwulidza.

Vikolwa 8:32

Amakuva gamang'oda ga ya soma ga li yaga: Yimirirwa kuli ligondi kutsia ha giitirangwa Kandi kuli mwana weligondi a kiring'ana imbiri wa uyu u kalaga ubwoya, Naye a veye ndi, si a kunula munwa gwigwe:

1 Vakorintho 15:3

Kigira mmali kumuha kutanga yaga aga nda vugula: kuli Kristo ya kudza kigira ubwoni bwetu kuli mang'oda;

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vagalatia 1:4

wehaana kigira ubwoni bwetu, a duke kukuhonnya mu inyinga ya kalunu indamano yiyi, kuli ubulaliri bwa Nyasaye wetu, Dada wetu:

Vagalatia 3:13

Kristo ya ku honnya mu vilaamu vyelilaga inyinga ya laamwa kigira kwinye; kigira ga ng'odwa, Ku vosi u sungangwa ku musala u laameywi:

1 Timoteo 2:6

wehaana a ve mutungu gwa vosi; lilolekidza li letangwa mu tsinyinga tsyalyo;

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 1:3

Uyu u veye bung'ering'anu bwobukumi bwibwe, nelifwana lyolugano lwilwe mwene, kandi u diranga vindu vyosi ku likuva lyetsingulu tsitsye, kandi lwa ya mala kulomba lyogidza lyobwoni, yikala ha mukono mulungi gwo Munene migulu;

Vahebraina 2:17

Kunangwa ga mu dukira kufwananywa navamwavo veve mu vindu vyosi, a duke kuva musalisi munene wetsimbabasi, musuuvirifu mu vindu vya Nyasaye, a lombe kyokwisayasayira kyobwoni bwavandu.

Vahebraina 9:28

kandi ndiyo Kristo u mali kuhaanwa inyinga indala a duke kuhila ubwoni bwavandu vanyingi, inyinga ya kaviri a la loleka ku yavo ava mu lindirira nobwizamiri, kuduka ku buhonnyi, ni yelehi ubwoni.

1 Petro 1:19

navutswa ku masahi malahi kuli agomwana weligondi, u ta li nekindu kuye kidamano, u ta li nembala, ga veye ga Kristo:

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.

1 Yohana 2:2

a veve kyowisayasayira ku bwoni bwetu; kandi si a veye ku bwoni bwetu bweng'ine, navutswa kandi ku bwoni bwavomkivala vosi.

1 Yohana 3:5

Kandi mu manya ya lolekidzwa kutwulidza ubwoni bwetu; kandi ubwoni si bu veye muye.

1 Yohana 4:10

Ubuyanzi bu veye ku yaga, kigira si kwa li kwinye kwa yanza Nyasaye, navutswa niye wa ku yanza, na a tuma Mwana wewe kuva kyokwisayasayira ku bwoni bwetu.

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,

Likunula 12:11

Navo va mu guutira masahi go Mwana Weligondi, kandi kigira likuva lyelilolekidza lyavo; kandi si va yanza livamwoyo lyavo kuduka kali likudza.

Likunula 13:8

Navo vosi ava menya mu lirova va la gi sigamira vosi avameta gavo ga vula kung'odwa mu kitabu kyelivamwoyo kyo Mwana Weligondi wiitwa, kutwula lwelirova lya lombwa muse.

Likunula 14:1

Kandi nda lola, henza, Mwana Weligondi na a singiye ku kigulu kya Zioni, kandi halala naye avandu tsielfu mia na makumi gane na tsine, ava li nelieta lilye kandi lieta lya Dada wewe li ng'odeywi mu bweni bwavo.

Likunula 14:10

uyu kandi a la nwa iwaini yobutima bwa Nyasaye, obwetegeki bugira kutsukanywa mu kikombe kyobutima bwibwe; kandi a la saliridzwa nomuliru nekibiridi imbiri wetsingelosi avatakatifu, kandi imbiri wo Mwana Weligondi:

Likunula 14:4

Yava nivo ava vula kukolwa avadamano na avakali; kigira va veye avagyima. Yava nivo ava londanga Mwana Weligondi hosi ha a tsitsanga. Yava va gulwa mu vandu, va ve ubuhya ku Nyasaye kandi ku Mwana Weligondi.

Likunula 15:3

Kandi vimba ulwimbo lwa Musa mutugwa wa Nyasaye, nolwa Mwana Weligondi, ni va vola, Minene nokugennya gyi veye miyinzi gyigyo, O Mwami Nyasaye, Wanyala Vyosi; tsi veye nobulungi nageligali tsinzira tsitsyo, Ive Mwami wemihiga.

Likunula 17:14

Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.

Likunula 19:7

Ku yanze nokusangala ligali, kandi ku mu kuminye: kigira kiserero kyo Mwana Weligondi ki duki, kandi mukali wewe wetegeki.

Likunula 19:9

Kandi ya mbolera, U ng'ode, Va veye nobugasu ava langeywi va tsie mu lilia lyekiserero kyo Mwana Weligondi. Kandi ya mbolera, Yaga ga veye amakuva ageligali ga Nyasaye.

Likunula 21:14

Kandi lidigi lyelidala zana lya li nemise likumi na gyiviri, kandi ku mise ga li ku ameta likumi na gaviri gavatumwa likumi na gaviri vo Mwana Weligondi.

Likunula 21:27

kandi ku vyosi ki veye kinyaviru, kandi uyu u kolanga livihiriridza nobubehi si va lingira mba: navutswa yava ava ng'odua mu kitabu kyelivamwoyo.

Likunula 21:9

Yadza mulala ku tsingelosi vatano na vaviri ava li nevituva vitano na viviri, vizula maduywa gatano na gaviri gekiheri; kandi ya volerana na inze, na a vola, Hamba yino, nda ku mannya mwiha, mukali wo Mwana Weligondi.

Likunula 5:6

Kandi nda lola hagati hentebe na hagati he vilombe vi veye mwoyo vine, na hagati havakulundu makumi gaviri na vane, Mwana Weligondi u singiranga, kuli wiiteywi, u veye netsinziga tsitano na tsiviri, netsimoni tsitano na tsiviri, tsi veye Roho vatano na vaviri va Nyasaye, va tumeywi va tsie mu lirova lyosi.

Likunula 5:8

Kandi lwa ya vugula kitabu zana, vilombe vi veye mwoyo vine navakulundu makumi gaviri na vane va gwa imbiri wo Mwana Weligondi, sa mulala ya li nobukana nevituva vyethahabu vizula kimuli, ki veye lisaala lyavatakatifu.

Likunula 6:1

Kandi nda lola inyinga Mwana Weligondi ya boholola mulala ku mihuri gyitano na gyiviri, kandi nda hulira kilala ku vilombe vi veye mwoyo vine ni ki vola nomwoyo gwenkupa, Hamba.

Likunula 6:16

navo va volera vigulu namagina, Ku gwiri nokukuvisa imbiri wa uyu wikaye ku intebe, kandi ku butima bwo Mwana Weligondi;

Likunula 7:14

Na inze nda mu volera, Mwami wange, ive u manya. Naye ya mbolera, Yava nivo va twula mu kivi kinene yikyo, navo vogidzi tsingubo tsyavo mu masahi go Mwana Weligondi, nokutsikola tsi ve tsindavu.

Likunula 7:17

kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.