Yohana 1:15 - KITABU KITAKATIFU

¹⁵ Yohana a lolekidza kuye, na a gamba, na a vola, Uyu niye wa nda mu volera, Uyu udzanga inyima wange u gwiye imbiri wange: kigira ya li imbiri wange.

Yohana 1:15 ပူးပေါင်းရင်းမြစ်များ

Tsing'ano 8:22

Yahova ya li ninze mu litanga lyenzira yeye, Imbiri wemiyinzi gyigye gya kale.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Mika 5:2

Navutswa ive, Beth-lehemu Efaratha, u veye mukekeke mu tsielfu tsya Yuda, mulala a la twula ku ive a ladza ku inze u li duka kuva welyameha mu Israeli; litwula lilye ni lya kale, kutwula mihiga nemihiga.

Matayo 3:11

Ligali inze mmu batidza mmadzi mu duke kweganira; navutswa u nonderera a veye netsingulu kuvita inze, vilatu vivye si ndukana kumugingira: uyu a la mu batidza mu Roho Mtakatifu nomu muliru.

Marko 1:7

Ni yilwadza, na a vola, U nondanga u veye netsingulu kuvita inze, wa nta du kana kwinama kuboholola tsinkova tsyevilatu vivye.

Luka 3:16

Yohana ya tivula na a va volera vosi, Inze ligali mmu batidza namadzi; navutswa udzanga a veye netsingulu kuvita inze, wa nta duka kuboholola tsinkova tsyevilatu vivye: uyu a la mu batidza na Roho Mutakatifu nomuliru.

Yohana 1:27

u londa inyima wange, wa nta dukana kuboholola lukova lwekilatu kikye.

Yohana 17:5

Nive kalunu u mbuminye, Dada, halala nive mwene nobukumi bwa nda li nabwo halala nive, lirova li kikiri kuva.

Yohana 8:58

Yesu ya va volera, Ligali, ligali, mmu volera, Abrahamu na a tivulwa, inze mbeye.

Vakolosai 1:17

Naye a veye imbiri wevindu vyosi, kandi vyosi vi hambana halala muye.

Vahebraina 13:8

Yesu Kristo a veye lero nolwave, yee, kuduka mihiga nemihiga, mulala mwere.

Likunula 1:11

gu vola, Vya u lolanga, u ng'ode mu kitabu u hilire mavugano gatano na gaviri: Efeso, na Simurina, na Perigamo, na Tuatera, na Saride, na Filadelfia, na Laodikia.

Likunula 2:8

Kandi u ng'odere ingelosi welivugana li veye mu Simurina. Yivi nivyo vya uyu u veye litanga nekiheri, wa gwa mukudzu, na a va mwoyo kandi a volanga: