Yohana 1:14 - KITABU KITAKATIFU

¹⁴ Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 1:14 ပူးပေါင်းရင်းမြစ်များ

Zaburi 2:7

Nda singeridza likuva: Yahova ya mbolera, Ive u veye mwana wange; Lero inze nkwivuye.

Zaburi 45:2

Ive u veye mulahi kuvita avana va avandu; Tsimbabasi tsi tsukeywi mu minwa gyigyo: Kigira yaga Nyasaye u ku gasidzi ubugasu bwemihiga nemihiga.

Zaburi 85:9

Ligali ubuhonyi bwibwe bu veye himbi kuvo ava mu tidzanga, Ubukumi bu duke kumenya mu kivala kyetu.

Isaya 40:5

nobukumi bwa Yahova bu la lang'aminywa, na vomubiri vosi halala va la bu lola: kigira munwa gwa Yahova gwa vola yaga.

Isaya 53:2

Kigira ya viruka imbiri wewe kuli kya simikwa kidoto, na kuli imiri gi sibukanga mu kivala kyumu: si a veye neligondo kinga bulahi; na lwa ku mu lola, si a veye nobulahi kwinye ku duke kumukayirwa.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Ezekieli 37:27

Lihema lyange li la va halala navo; na nda va Nyasaye wavo, navo va la va avandu vange.

Matayo 1:16

na Yakobo yivula Yosefa musatsa wa Maria, wivula Yesu wa gulikwa Kristo.

Luka 2:11

kigira lero Muho nnyi wenyu naye a veye Kristo Mwami, wivuleywi mu lidala lya Daudi.

Luka 2:7

Kandi yivula mwana muyai wewe wambiri; na a mu lingira mu tsingubo tsyomwana, na a mwalira ku mulinga gwetsing'ombe tsi lira ku, kigira si ha li nobugono mu inyumba yavageni.

Luka 9:32

Petro navo va li halala naye, tsindolo tsya va vuha: navutswa lwa va vuka ligali, va lola ubukumi bwibwe, navandu vaviri va li ni va singiye naye.

Yohana 1:1

Mu litanga ya li ho Inkuva, kandi Inkuva ya li ho halala na Nyasaye, kandi Inkuva ya li Nyasaye.

Yohana 11:40

Yesu ya mu volera Si nda ku volera, Nu u suuvira u la lola ubukumi bwa Nyasaye?

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 14:9

Yesu ya mu volera, Tsinyinga yitsi tsyosi mbeye halala ne mwinye, nive u ta manya inze, Filipu? U lola inze u loli Dada; kigira ki u vola, U ku mannye Dada?

Yohana 17:22

Kandi ubukumi bwa wa mpa, inze mmali kuvaha; va duke kuva kindu kilala, kuli kwinye ku veye kindu kilala;

Yohana 17:24

Yava ava wa mpa, Dada, ha mbeye inze nyenya yava va ve ho, va duke kulola ubukumi bwange, bwa wa mpa: kigira wa nyanza, lirova li kikiri kutemwa muse.

Yohana 18:37

Kunangwa Pilatu ya mu volera, Nkani u veye mwami? Yesu ya tivula, Ive mwene u voye mbeye mwami. Yiki ni kigira ndivulwa, kandi yiki ni kigira nda duka mu lirova, nduke kulolekidza ageligali. Ku vosi u veye ku luvega lwa geligali a hulira mwoyo gwange.

Yohana 2:11

Litanga yili lyevilolekidzu vivye, Yesu ya kola mu Kana lya Galilaya, na a mannya ubukumi bwibwe; kandi avegidzwi veve va mu suuvira.

Yohana 3:16

Nyasaye ya yanza avomkivala ndi, ya va ha Mwana wewe muderwa, ku vosi u mu suuvira a ta diva mba, navutswa a ve nelivamwoyo li ta hera mba.

Yohana 3:18

U mu suuvira si a kalagirwa: u vula kumusuuvira u mali kukalagirwa kigira a vula kusuuvira lieta lya Mwana muderwa wa Nyasaye.

Yohana 6:51

Inze nibwo ubukima bwelivamwoyo bwa twula migulu: mundu na a lagira ku bukima yibu, a la va mwoyo mihiga nemihiga: yee kandi ubukima bwa ndi haanira livamwoyo lyavomukivala ni nyama yomubiri gwange.

Yohana 8:32

kandi mu la manya ageligali, nago ageligali ga la mu boholola.

Vikolwa 13:33

kuli Nyasaye ya dukidza lisuuriridza zana ku vana vetu, ku lisimugukidza lya Yesu; kuli ga ng'odwa kandi mu zaburi yetsiviri, Ive u veye Mwana wange, lero mmali kukwivula.

Varumi 8:3

Kigira agelilaga lya vula kunyala kukola, kigira lya li lidede kere kigira liva lyomubiri, Nyasaye ya tuma Mwana wewe ligali na a fwana mubiri gwobwoni, kandi kigira ubwoni, na a kalaga ubwoni mu mubiri:

Varumi 9:5

na vaguga va veye vavo, avn Kristo ya twula kuvo ku lugano lwomubiri, u veye igulu ku vyosi, Nyasaye u veye nobugasu mihiga nemihiga. Amini.

1 Vakorintho 15:47

Mundu wembiri ya twula mu lirova, a veye wamarova: mundu wa kaviri ya twula migulu.

2 Vakorintho 12:9

Naye ya mbolera, Tsimba basi tsyange tsi ku duki: kigira tsingulu tsyange tsi dukidzeywi mu budedekere. Kunangwa ndiidzominya mu budedekere bwange nobuyanzi ligali, tsingulu tsya Kristo tsi menye ku inze.

Vagalatia 4:4

navutswa liduka lyenyinga lwa lya duka, Nyasaye ya tuma Mwana wewe, yivulwa mu wekikali, yivulwa na a bofwa mu lilaga,

Vafeso 3:8

Inze, u veye mukekeke ku mutakatifu u veye mukekeke ku vosi, nda hebwa tsimbabasi yitsi nzilwadzire Avetsihiri ubunyingi bwobutugi bwa Kristo obu ta manyekana bwosi;

Vakolosai 1:19

Kigira Dada ya yanza ubudukiru bwosi bu ve mu uyu;

Vakolosai 2:3

wobutugi bwosi bwobugeeri nobwelimanya bu viseywi mu.

Vakolosai 2:9

Kigira ubudukiru bwosi Obwanyasaye bu menya muye ku mubiri,

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

Vahebraina 1:3

Uyu u veye bung'ering'anu bwobukumi bwibwe, nelifwana lyolugano lwilwe mwene, kandi u diranga vindu vyosi ku likuva lyetsingulu tsitsye, kandi lwa ya mala kulomba lyogidza lyobwoni, yikala ha mukono mulungi gwo Munene migulu;

Vahebraina 1:5

Kigira ya volera ingelosi u li ha tsinyinga tsyosi, Ive u veye Mwana wange, Inze lero nkwivuye? Kandi, Inze nda va Dada wewe Naye a la va Mwana wange?

Vahebraina 10:5

Kigira yaga inyinga yingira mu lirova, a vola, Visyuviriru nevihaanwa si wenya, Navutswa wa nombera mubiri;

Vahebraina 2:11

Kigira uyu u takasanga kandi yava ava takasangwa va twula mu mulala: kigira yaga si a la v a isoni kuvalanga avamitu,

Vahebraina 5:5

Kandi ndiyo Kristo si yiidzominya mwene a kolwe musalisi munene, navutswa uyu wa mu volera, Ive u veye Mwana wange, Lero nkwivuye;

1 Yohana 4:14

Na kwinye kwa lola kandi ku lolekidza, Dada ya tuma Mwana wewe a ve Muhonnyi wavomkivala.

1 Yohana 4:9

Ku yaga ubuyanzi bwa Nyasaye bwa loleka ku kwinye, kigira Nyasaye ya tuma Mwana wewe muderwa mu lirova, kwinye ku duke kuva mwoyo muye.

2 Yohana 1:7

Kigira avagadi avanyingi va loleki mu lirova, ava vula kweyama Yesu Kristo u dukive mu mubiri. Uyu niye mugadi nohing'ana Kristo.

Likunula 19:13

Kandi u vikeywi ingubo yuhirwa masahi: nelieta lilye li langwa Inkuva ya Nyasaye.

Likunula 21:3

Kandi nda hulira mwoyo munene gu twula mu intebe, ni gu vola, Henza, ubumenyo bwa Nyasaye bu veye halala navandu, kandi a la menya navo, navo va la va avandu veve, kandi Nyasaye mwene a la va halala navo, Nyasaye wavo: