Yakobo 5:9 - KITABU KITAKATIFU

⁹ Mu ta monyana avene navene, avamitu, mu duke kuvula kukalagirwa: henzi, mukalagi u singiye ku viliango.

Yakobo 5:9 ပူးပေါင်းရင်းမြစ်များ

Litanga 4:7

Nu u va nu u kola bulahi, si u la bugirirwa? Kandi nu u ta kola bulahi kihaanwa kyobwoni ki gona ha kiliango. Na liyenya lyakyo li la va ku ive, nive u la va netsingulu kukyo.

Zaburi 59:15

Va la voyavoya, venyanga vyokulia, Va la linda ubudiku bwosi bei, ni va vula kwiguta.

Ezekieli 7:12

Inyinga i duki, lidiku li sundanga himbi: u gulanga a ta sangala, kinga mugulidzi a ta verera; kigira ubutima bu veye ku bunyingi bwavo bwosi.

Kyavalevi 19:18

U ta vanza kisalya, kandi u ta va nobusigu ku avana va avandu vovo; navutswa u la yanza mutende wowo kuli weyanza: inze mbeye Yahova.

Matayo 24:33

Ndiyo kandi mwinye inyinga mu lola vindu yivi vyosi, mu manye a veye himbi, kali ha kiliango.

Marko 13:29

Kandi ndiyo lwa mu lola vindu yivi vi dukanga, mwinye mu manye a veye himbi ligali, ha viliariiro.

Marko 6:19

Na Herodiya ya mu dunyira, ni yenya kumwiita; navutswa si ya nyala mba.

1 Vakorintho 10:11

Kunangwa vindu yivi vyosi vya va gwira vi ve viloleru; kandi vya ng'odwa kigira lyeganehidzwa lyetu, avekiheri kyenyinga ki dukira.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

2 Vakorintho 9:7

Mundu sa mulala a kole kuli a yanza: si ga li ku buvereri, kinga ku linigwa: kigira Nyasaye a yanza u haananga nobusangali.

Vagalatia 5:14

Kigira lilaga lyosi li dukidzireywi mu likuva lilala, nalyo ni yili, U yanze mutende kuli weyanza mwene.

Vagalatia 5:26

Ku tenya liidzominywa lya vutswa nokuhing'ana avene navene, nokukolerana imbodoka avene navene.

Yakobo 4:11

Mu ta monyana avene navene, avamitu, Uyu u monya amwavo wewe, kinga kumukalagira, a monya malago, kandi a kalagira malago: navutswa ive nu u kalagira malago, si u veye mukoli wamalago, navutswa u veye mukalagi.

Yakobo 4:12

Mulala weng'ine a veye mulombi wamalago nomukalagi, niye u nyalanga kuhonnya nokudividza: navutswa ive u veye ibwaha u kalagiranga mutende wowo?

Yakobo 5:10

Avamitu mu vugule avaprofeti ava vola ku lieta lyo Mwami, va ve kyokulolera ku lisaliridza lyobudamano bwa va gwira nokwikudzira kubwo.

Yakobo 5:7

Kunangwa mwikudzire, avamitu, kuduka lidza lyo Mwami. Henzi, mulimi a lindiriranga lyama lyelirova lilahi, kandi yikudziranga kulyo kuduka li luhe li nyole imbula yokutanga neyenyima.

1 Petro 4:5

ava li letera uyu, vya va kola, wetegeki kukalagira ava veye mwoyo navakudzi.

1 Petro 4:9

Mwingiridzane avene navene bugira limonya:

Likunula 3:20

Henza, nsingiye ha kiliango nzigulihidzanga: mundu ku vosi na a va na a hulira mwoyo gwange nokunzigulira kiliango, ndingira ha a veye, kandi nda lia halala naye, naye halala na inze.