Yakobo 5:5 - KITABU KITAKATIFU

⁵ Mu menyi nobwelemeridzi mu lirova, nokumenya noluyai; mu komeridzi myoyo gyenyu mu lidiku lyokuyaywa.

Yakobo 5:5 ပူးပေါင်းရင်းမြစ်များ

Zaburi 17:14

U mbonnye ku avandu, nomukono gugwo, O Yahova, U mbonnye ku avomu lirova aveliva lyavo li veye ku lirova, Avetsinda tsyavo ive wizulitsa nevyomu kidera kikyo: Va veye na avana vanyingi, Na vindu vyavo vi tigaye va lekeye avana vavo vadoto.

Zaburi 73:7

Va himbuki tsimoni tsyavo kigira likomera lyavo: Vya va veye navyo vi viti lyenya lyemyoyo gyavo.

Tsing'ano 17:1

Kitonge kikaya halala nobwehodzeridzi ki veye kilahi Kuvita inyumba yizuye lilia halala nelihing'ana.

Tsing'ano 7:14

Inze mbeye nevihaanwa vyemirembe; Lero ntungi vyelilagana lyange.

Kohelethu 11:9

O musoleli, sangala, mu busoleli bubwo, nomwoyo gugwo gu ku sangalidze mu madiku gobusoleli bubwo, na u gende mu tsinzira tsyomwoyo gugwo, nomu lilola lyetsimoni tsitsyo: navutswa u manye Nyasaye a la ku vika mu likalagirwa kigira vindu yivi vyosi.

Isaya 22:13

na vutswa henza, ubuyanzi nobusangali, nokwiita tsing'ombe nokwiita magondi, nokulia inyama nokunwa iwaini: Gendi ku lie nokunwa, kigira mugamba ku kudzanga.

Isaya 3:16

Kuvita yaga, Yahova a vola, Kigira avakana va Zioni vegingira, na va gendanga namagoti manyiriku, netsimoni tsinyumu, ni va genda ku litematema inzira, nokutuula muliviti gwetsinyambula tsyomu virenge vyavo;

Isaya 47:8

Kunangwa kalunu u hulire yaga, ive wevika mu vindu vi yanzanga, u menyanga bugira liganagana, u volanga mu mwoyo gugwo, Inze mbeye ho, si ha veye nowundi kuli inze; si ndikala kuli mukunzakali mba, kandi si nda manya likudzirwa lyavana:

Isaya 56:12

Va vola, Hambi nda leta iwaini nokulizulitsa myoyo gyetu lihambika, kandi mugamba i la va kuli lero, lidiku linene kuvita kigero.

Jeremia 12:3

Navutswa ive, O Yahova, u manya inze; u ndolanga, na u geridzanga mwoyo gwange kuli gu yeka ku ive: u va kwese kuli amagondi ga tsitsanga mu liitwa, u va tegeke ku lidiku lyokwiitwa.

Jeremia 25:34

Mu kupe tsikwili, mwinye avayi, mu lire; mu galagale mu ligoke, mwinye avobunyali vekyayo; kigira madiku geliitwa lyenyu ga duki ligali, na gelisalanywa lyenyu, na mu la gwa kuli kiju kyokuyanzidza.

Ezekieli 16:49

Henza, budamano bwamwavo wowo Sodoma ni yibu: luyai, nokwiguta vyokulia, neligasidzwa lya li muye, uyu nomu vakana veve; kandi si ya dinyeridza amakono gavadaka nava dambi.

Ezekieli 39:17

Na ive, mwana womundu, Mwami Nyasaye a vola ndi: Volera amanyonyi getsing'ano tsyosi, netsinyama tsyosi tsyomwigendanyama, Mwevungidze halala, mudze; mu vugane halala tsimbega tsyosi, mudze mu kihaanwa kyange kya nziitira mwinye, yee, ki veye kihaanwa kinene ku vigulu vya Israeli, mu duke kulia inyama nokunwa masahi.

Amosi 6:1

O bayaye kuvo avelemeridzanga mu Zioni, kandi ku yavo ava menyanga nemirembe mu kigulu kya Samaria, avasatsa ava manyekana avehiri inene ku tsyosi, avenyumba ya Israeli yadza kuvo

Luka 16:19

Ha li nomutugi mulala, kandi yivika ingubo yekiforosadi na ya katani indahi, na a menya mu lisangala kazozo.

Luka 16:25

Navutswa Abrahamu ya vola, Mwana wange, widzulitsa ive wa nyola vilahi lwa wa li mwoyo mu lirova, na Lazaro ya nyola vidamano: navutswa kalunu uyu u sosidzeywi hano, na ive u salira ligali.

Varumi 13:13

Ku gende nobuhokya, kuli mbasu; si ga li mu bukinu nomu lihambika, kandi si ga li mu buheyi nomu livolidza, si ga li mu mahangali nembodoka.

1 Timoteo 5:6

Navutswa u menyanga mu lilonda uluyai, u kudzi mu liva lya a veye mwoyo.

2 Timoteo 3:4

avazami, avahindagiridzi, avigingiri, ava yanzi lyeyanzidza kuvita liyanza Nyasaye;

2 Petro 2:13

ubudamano bu va gwira kuli amadanyi gelikola ubudamano, ava lolanga nu bulahi kulonda ubuhuvali mu mbasu, ubudondonye netsimbala, va londa ubuhuvali mu bugadi bwavo, inyinga va veye mu lilia halala nemwinye;

Yudasi 1:12

Yava va veye amagina gobuhimwa mu lilia lyenyu lyobuyanzi, inyinga va litsanga halala nemwinye, avayi aviyayanga avene bugira ubutii: kandi va veye amalesi ga ta veye namadzi, agembuudza i hilanga; kandi va veye misala gyenyinga amatu ga halulukanga, gyi ta veye namakuyu, misala gya kudza hali kaviri, nokwifwa ligali;

Likunula 18:7

Ku liidzominya lyalyo, noku limenya lyalyo bugira kwilinda, mu li he ubusaliri neliverera kule ng'ana na yaga: kigira livola mu mwoyo gwalyo, Inze mmenya mu bwami, kandi si mbeye mukunzakali, kandi si nda va neliverera kali hakuzu.

1 Samweli 25:36

Na Abigaili yirana ku Nabali; na, henza, ya lomba lilia mu inyumba yeye, kuli lilia lyomwami; nomwoyo gwa Nabali gwa li nobusangala muye, kigira ya hambika ligali: kigira yaga mukali wewe ya vula kumuvolera kindu, ku bukekeke kinga ku bunyingi, bwa luha bwa kya.

1 Samweli 25:6

na ndiyo mu la mbolera, u menyanga mbugasu, Mirembe gyi veye ku ive, nemirembe gyi veye ku inyumba yoyo, nemirembe gyi veye ku vyosi vya u veye navyo.