Yakobo 5:20 - KITABU KITAKATIFU

²⁰ a manye uyu u girunkannya mwoni kutwula mu ligovera lyenzira yeye, a la honnya mwoyo gwomundu mu likudza, nokukunika ubwoni bunyingi.

Yakobo 5:20 ပူးပေါင်းရင်းမြစ်များ

Zaburi 32:1

A veye nobugasu uyu wamahyolo gege ga sameheywi, Wobwoni bwibwe bu kunikeywi.

Tsing'ano 10:12

Ubudunyirani bu vukidza amahing'ano; Navutswa ubuyanzi bu kunikanga mahyolo gosi.

Tsing'ano 10:2

Tsikiba tsyobudamano tsi veye tsya vutswa; Navutswa ubulungi bu honnyanga ku likudza.

Tsing'ano 11:30

Amakuyu gavalungi ga veye musala gwelivamwoyo; Uyu wobugeeri a nyolanga myoyo gyavandu.

Tsing'ano 11:4

Ubutugi si bu konya kindu mu lidiku lyobutima; Navutswa ubulungi bu honnyanga ku likudza.

Tsing'ano 17:9

Uyu u kunikanga lihyolo yenyanga ubuyanzi; Navutswa uyu u hongera kuvola inkuva, yavukannya avayanzani veligali.

Yohana 5:24

Ligali, ligali, mmu volera, U hulira likuva lyange, na a suuvire wa ntuma, a veye nelivamwoyo li ta hera mba, kandi si a li nyala kwingira mu likalagirwa, navutswa u mali kutwula mu likudza kuduka mu livamwoyo.

Varumi 11:14

mbula nduke ku vyosi kukendekidza avolulera lulala ninze, nokuhonnya avalala kuvo.

1 Vakorintho 1:21

Kigira mu bugeeri bwa Nyasaye, lirova, mu bugeeri bwalyo, si lya manya Nyasaye, Nyasaye ya yanza kuhonnyira avasuuvira mu busiru bwelilwadza.

1 Vakorintho 9:22

Ku vadedekere nda gwa mudedekere, nyole avadedekere: ku vandu vosi nda kolwa vyosi, ku vyosi nduke kuhonnya v alala.

1 Timoteo 4:16

Welinde mwene, kandi u linde lyegidza lilyo. U menye mu vindu yivi; kigira mu likola yaga u lehonnya mwene, kandi ava ku hulira.

Filemona 1:19

inze Paulo ng'oda nomu kono gwange mwene, nda tunga: mbuli kukuvolera kuli wa u veye neligovi lyange lyeliva lilyo mwene.

Yakobo 1:15

Kandi likayirwa zana lwa li mala kuvereka livulanga ubwoni: nobwoni lwa bu mala kukula bu letanga likudza.

Yakobo 1:21

Kigira yaga ku livika ha luvega kifwabwi kyosi, nobunyingi bwobudamano, mu vugule nobuhooma likuva li simikangwa li nyala kuhonnya myoyo gyenyu.

Yakobo 5:15

lisaala lyelisuuvira li la honnya uyu u veye mulwaye, na Mwami a la mu vukidza; na a va ni ya kola ubwoni, a la samefwa.

Yakobo 5:19

Avamitu, mulala ku mwinye na a gota nokuleka ageligali, na wundi na a mu girunkannya;

1 Petro 4:8

kuvita vindu vyosi mu ve neliyanzana ligali avene navene; kigira ubuyanzi bu kunika ubwoni bunyingi.

Likunula 20:6

A veye nobugasu nobutakatifu uyu u veye nelisanga mu lisimugukidzwa lyokutanga: ku yavo likudza lyakaviri si li veye netsingulu; navutswa va la va avasalisi va Nyasaye nava Kristo, kandi va lameha halala naye mihiga elfu.