Yakobo 5:11 - KITABU KITAKATIFU

¹¹ Henza, ku lola yava kuva nobugasu avikudzira: mu huliye amakuva gobwikudziri bwa Ayubu, kandi mu loli litwekidza lyo Mwami, kuli Mwami wizuye tsimbabasi, nelivererera.

Yakobo 5:11 ပူးပေါင်းရင်းမြစ်များ

1 Kyetsinyinga 21:13

Daudi ya volera Gadi, Henza mbeye mu kivi kinene: mwadza, leka ngwe mmukono gwa Yahova; kigira tsimbabasi tsitsye tsi veye tsinene: mbule kugwa mmu kono gwomundu.

2 Kyetsinyinga 30:9

Kigira ni mwirana ku Yahova, avamwavo venyu navana venyu va la verererwa imbiri wa yavo va va hila vahambe, kandi va lirana mu kivala yiki: kigira Yahova Nyasaye wenyu a veye neliverera netsimbabasi na si a la girunkannya mmoni mwi mwe kutwula ku mwinye mba, ni mu va ni mwirana kuye.

Nehemia 9:17

na va sula kugakola, kandi si va ganagana vyokugenya vya wa kola hagati havo, navutswa va kola amagoti gavo kuva madinyu, nomu bwebaali bwavo ve tovolera munyampara va duke kwira na mu butugwa bwavo. Navutswa h ive u veye Nyasaye wetegeki kusame ha, wetsimbabasi, na wizula liverere ra, wa galaha ku butima, nowobunyi ngi bwetsimbabasi, si wa va leka mba.

Nehemia 9:31

Navutswa mu tsimbabasi tsitsyo tsinene si wa va mala ligali mba, kandi si wa va leka; kigira u veye Nyasaye wetsimbabasi tsinene.

Ayubu 1:1

Ya li ho mundu mu kivala kya Uzu, wa langwa Ayubu; mundu uyu ya li mudukiru nomulungi, ya li mulala wa tia Nyasaye, nokwavukana nobudamano.

Ayubu 1:2

Na vivulwa kuye avana avayai vatano na vaviri, nava kana vavaka.

Ayubu 2:10

Na vutswa Ayubu ya volera mukali wewe, na a vola, Ive u volanga kuli mulala ku vakali vasiru a volanga. Ni ki ndiki? Ku nyole bulahi mmukono mwa Nyasaye, na ku vule kunyola ububi? Mmakuva yaga gosi Ayubu si ya kola bwoni neminwa gyigye mba.

Ayubu 23:10

Navutswa a manya inzira ya ntsitsa ku; Na a mali kungeridza nda twula kuli ithahabu.

Zaburi 103:13

Kuli dada a vererera avana veve, Ni ndiyo Yahova a verereranga ava mu tidzanga.

Zaburi 103:8

Yahova a veye wetsimbabasi na welivererera. Na wa galaha ku butima, na wobunyingi bwelivererera.

Zaburi 116:5

Yahova a veye netsimbabasi, na ubulungi; Yee, Nyasaye wetu a veye neliverera.

Zaburi 119:132

U henze ku inze, na u mbere tsimbabasi, Kuli wa nala kukolera yavo ava yanzanga lieta lilyo.

Zaburi 145:8

Yahova a veye mulahi na wetsimbabasi; A veye wa galaha ku ubutima, na wetsimbabasi tsinene.

Zaburi 37:37

U henze ligali mundu mudukiru, u lole mulungi; Kigira kiheri kyomundu uyu ki veye mirembe.

Zaburi 51:1

Umbere tsimbabasi, O Nyasaye, kuli tsimbabasi tsyobuyanzi bubwo: Kuli ubunyingi bwetsimbabasi tsitsyo u ntwulidze mahyolo gange.

Zaburi 78:38

Navutswa kigira a veye wetsimbabasi, ya sameha ubukyamu bu avo, na si ya vononnya mba: Yee, hali kanyingi ya twula ku ubutima bwibwe, Na si ya vukidza ubululu bwibwe bwosi.

Zaburi 86:15

Navutswa ive, O Mwami, u veye Nyasaye welivererera na tsimbabasi, Wa galaha ku butima, na munene wetsimbabasi na ageligali.

Zaburi 86:5

Kigira ive, Mwami, u veye mulahi, na mwangu kusameha, Na wobunyingi bwetsimbabasi ku vosi avanira ive.

Zaburi 94:12

A veye nobugasu mundu wa ive u hedzanga amageli, O Yahova, Na wa wegidzanga amalago gogo;

Kutwula 34:6

Na Yahova ya vita imbiri wewe, ni yilwadza, Yahova, Yahova, Nyasaye wetsimbabasi nowobugasu, umuhoma, wa galaha ku butima, nomuhinda wobuyanzi na ageligali;

Kohelethu 7:8

Kiheri kyekindu ni kilahi kuvita litanga lyakyo: na u veye mwekudziri mu mwoyo nomulahi kuvita u veye nomwoyo gwoluyai.

Isaya 63:7

Nda vola tsimbabasi tsyobuyanzi bwa Yahova, na lidzominywa lya Yahova, kuli gosi ga Yahova ya ku kolera, nobunyingi bwobulahi bwibwe ku inyumba ya Israeli, bwa ya vika kuvo kuli tsimbabasi tsitsye, na kuli bunyingi bwetsimbabasi tsyobuyanzi bwibwe.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Lisyoma lya Jeremia 3:22

Ga veye ku tsimbabasi tsya Yahova tsi kiranga ni ku vula kuheridzwa, kigira tsimbabasi tsi tsye si tsi gehanga mba.

Danyeli 9:9

Tsimbabasi nelisameha vi veye vyo Mwami wetu Nyasaye; kigira kwinye ku mwebaala:

Joeli 2:13

Mu tandule mwoyo, mu ta tandula tsingubo tsyenyu, mwirane ku Yahova Nyasaye wenyu; kigira uyu a veye netsimbabasi na livererera, si a vihirirangwa bwangu, a veye netsimbabasi tsinyingi, na yeganiranga ku kivi.

Jona 4:2

Naye ya saala Yahova, na a vola, Nku saalanga, O Yahova yili si li veye livola lyange, lwa nda li mu kivala kyange? Kigira yaga nda tanga kwiruka bwangu kutsia Tarshishi; kigira nda manya ive u veye Nyasaye wetsimbabasi, wizula livererera, mwikudziri ku butima, kandi wetsimbabasi tsinene, nowokugirunkana kuleka kivi.

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Livalidza 14:18

Yahova a veye wa galaha ku butima, na wobunyingi bwetsimbabasi, na wokusameha ubwoni na mahyolo; naye si a la kola uyu uekindu kuye kuva bugira kindu ku liva lyosi, u vikanga ubwoni bwavaguga ku avana vavo kuduka likula lya gavaka kandi lya gane.

Matayo 10:22

Avandu vosi va la mu dunyira kigira lieta lyange. Navutswa u dinya kuduka ku kiheri, uyu a la ka honnywe.

Luka 1:50

Kandi tsimbabasi tsyitsye tsi vedzanga ku makula namakula Kuvo ava mu tia

Luka 11:10

Kigira ku vosi u saala, a hebwa nowenya, a nyola; kandi wigulihidza, yigulirwa.

Luka 6:36

Mu ve netsimbabasi, kuli Dada uenyu a veye netsimbabasi.

Varumi 2:4

Naho u leganga ubutugi bwobugasu bwibwe nobwikudzihidzi bwibwe nobwikudziri bwibwe, si u manya ubulahi bwa Nyasaye bu ku letera lyeganira?

Vafeso 1:6

kuduka ku lidzominya lyobukumi bwetsimbabasi tsitsye, tsya ya ku kululira mu Muyanze

Vafeso 2:4

navutswa Nyasaye, kigira ya li netsimbabasi tsinene, kigira ubuyanzi bunene bwibwe bwa ya yanza kwinye,

Vahebraina 10:39

Navutswa kwinye si ku veye mu yavo avirana inyima kuduka mu budivi; navutswa ku veye mu yavo ava veye nelisuuvira kuduka mu buhonnyi bwomwoyo.

Vahebraina 3:14

Kigira ku gwiye avasangi ku Kristo, ni ku va ni ku gumira ligali li tanga lyobuluviriri bwetu kuduka ku kiheri.

Vahebraina 3:6

navutswa Kristo kuli mwana ku inyumba yeye; wenyumba yeye i veye kwinye, ni ku va ni ku gumira ubuluviriri bwetu nelidzominya lyelisuuviridzwa lyetu netsingulu, kuduka ku kiheri.

Yakobo 1:12

A veye nobugasu wikudziranga mu ligeridzwa: kigira na a mali kubugirirwa a la nyola itaji yelivamwoya yo Mwami ya lagira yavo ava mu yanzanga.

Yakobo 1:2

Mu lole bu veye ubuyanzi bwere, avamitu, inyinga mu gwa mu ligeridzwa tsing'ano netsing'ano.

1 Petro 1:13

Kigira yaga mu bohe vikenge vyemyoyo gyenyu, mu ve nobugeeri, mu vike lisuuvira lyenyu ligali ku tsimbabasi tsya mu li leterwa mu lilang'aminywa lya Yesu Kristo;

1 Petro 3:14

Navu tswa ni mu va ni mu saliridzwa kigira ubulungi, mu veye nobugasu: kandi mu ta tia litihidza lyavo, kandi mu ta henda myoyo;

2 Petro 2:9

Mwami a manya inzira yokuvahonnya mu ligeridzwa ava mu tia, nokuvika avadamano mu kivi kuduka ku lidiku lyelikalaga;