Yakobo 4:9 - KITABU KITAKATIFU

⁹ Mu kupe kivi, mu verere, mu lire: liseka lyenyu li Kirunkanywe kuva liverera, lisangala lyenyu li ve liverera.

Yakobo 4:9 ပူးပေါင်းရင်းမြစ်များ

Nehemia 8:9

Na Nehemia, wa li mwamehi, na Ezara musalisi, mung'odi, na Valevi avegidzanga avandu, va volera ava ndu vosi, Lidiku lya lero yili li veye lidiku litakatifu lya Yahova Nyasaye wenyu; mu ta syoma, kinga kulira mba. Kigira avandu vosi va li ni va liranga, lwa va hulira makuva geli laga.

Ayubu 30:31

Kigira yaga ubukana bwange bu girunkannyeyui kuva lisyoma, Nelilere lyange li girunkannyeywi kuva mwoyo gwa yavo ava liranga.

Zaburi 119:136

Migera gyamadzi gyi gangulukanga mu tsimoni tsyange, Kigira va vula kubugirira itorati yoyo.

Zaburi 119:67

Lwa nkikiri kusaliridzwa nda gendagenda; Navutswa kalunu ng'umiranga likuva lilyo.

Zaburi 119:71

Ga veye malahi ku inze kusaliridzwa; Nduke kwegidzwa amalago gogo.

Tsing'ano 14:13

Kali mu liseka mwoyo gu veye nelivererera; Na kiheri ku busangali ki veye ubuliduhu.

Kohelethu 2:2

Mmakuva geliseka nda vola, Ga veye bulalu; nomu makuva gobusangali nda vola, Ga kola ki?

Jeremia 31:13

Hene yaho mukana mugima a la sangala mbukino, navayai vasoleli navakulundu halala; kigira nda girunkannya lisyoma lyavo kuva ubusangali, nokuleminya myoyo gyavo, nokuvasangalidza va leke ubuvereri bwavo.

Jeremia 31:9

Va ladza nelilira; na nda vimirira nelisaala: nda va gendidza himbi nemigera gyamadzi, ku inzira inungi ya va la vula kwikigitala ku; kigira inze mbeye dada wa Israeli, na Efiraim a veye wokutanga kwivulwa wange.

Lisyoma lya Jeremia 5:15

Ubuyanzi bwomwoyo gwetu bufweye; Ubukino bwetu bu girunkani kuva lisyoma.

Ezekieli 16:63

u duke kwidzulitsa, nokutimuka enkolo, u vule kukunula munwa gugwo kandi, kigira tsisoni tsya u veye natsyo, lwa nku sameha yaga gosi aga wa kola, Mwami Nyasaye a vola.

Ezekieli 7:16

Navutswa ku yavo ava li hona va la hona, na va la va mu vigulu kuli makuulu go mmavona, vosi va la va ni va liranga, sa mulala ku budamano bwibwe.

Matayo 21:41

Va mu volera, A lononnya muna avandu vadamano yavo, na a ha avalimi avandi mulimi gwigwe, ava li mu letera mazabibu mu mihiga gyago

Matayo 5:4

Va veye nobugasu ava veye neliverera: kigira va la leminnywa mmyoyo.

Luka 16:25

Navutswa Abrahamu ya vola, Mwana wange, widzulitsa ive wa nyola vilahi lwa wa li mwoyo mu lirova, na Lazaro ya nyola vidamano: navutswa kalunu uyu u sosidzeywi hano, na ive u salira ligali.

Luka 6:21

Mu veye nobugasu mwinye ava veye nenzala kalunu: kigira mu liguta. Mu veye nobugasu ava liranga kalunu; kigira mu la seka.

Luka 6:25

Mu la lola ubudamano mwinye, avahinda kalunu kigira mu la va nenzala. Mu la lola ubudamano, mwinye avaseka kalunu kigira mu la verera nokulira.