Yakobo 4:4 - KITABU KITAKATIFU

⁴ Avobuheyi, si mu manya ubulina bwevyelirova bu veye ubusigu ku Nyasaye? Uyu wenya kuva mulina wevyelirova yekolanga musigu wa Nyasaye.

Yakobo 4:4 ပူးပေါင်းရင်းမြစ်များ

Litanga 3:15

kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

Zaburi 21:8

Mukono gugwo gu la duka ku avasigu vovo Vosi Mukono gugwo mulungi gu la duka ku vosi ava dunyiranga ive.

Zaburi 50:18

Lwa wa lola mwivi wa hambana naye, Na kidieli kikyo kya li halala na avaheyi.

Zaburi 73:27

Kigira, henza, yava ava veye ihale ku ive, va la diva: Ive u lononnya vosi ava leka ive kutsia mmalaya.

Isaya 57:3

Navutswa mwisunde himbi hano, mwinye avana vomukali musegetiri, lwivulu lwomuheyi nowamalaya.

Jeremia 2:2

Tsia, u hanzuke mu amatu ga Yerusalemi, kuvola, Yahova a volanga he, Ndzi dzulitsanga ku makuva gogo amalahi agobusoleli bubwo, nobuyanzi bweli kwebwa lilyo; kuli wa nonda mu kyangalangwi, mu kivala ki ta tagangwa mu ubugutsa.

Jeremia 9:2

Nkano mbeye na hokugona mu kyangalangwi ku avandu ve tsing'endo, nduke kuleka avandu vange, ntwule kuvo kigira va veye avaheyi vosi, li veye livugana lya vasatsa vagadi.

Ezekieli 16:32

Mukali u heyanga u vugulanga vasatsa vageni mbugono bwomusatsa wewe

Hosea 3:1

Na Yahova ya mbolera, Tsia kandi, u yanze mukali wa valina veve va yanzanga, naye a veye muheyi, kuli Yahova a yanzanga avana va Israeli, kali ni va girunkana nokulonda avanyasaye vandi, nokuyanza ubukima bwemizabibu myumu.

Matayo 12:39

Navutswa ya tivula na a va volera Likula lidamano nelyobuheyi lyenya kilolekidzu; navutswa si li hebwa kilolekidzu, navutswa kilolekidzu kyomprofeti Jona.

Matayo 16:4

Likula lidamano nelyobuheyi lyenya kyokuloiekidzira; navutswa si li la hebwa kyokulolekidzira mba, navutswa kyokulolekidzira kya Jona kyeng'ine. Ya va leka na a tsia.

Matayo 6:24

Si ha li nomundu a nyala kutumekira avami vaviri: kigira a la dunyira mulala, na a yanza wundi; kinga a la yanza mulala nowundi a mlega. Si mu nyala kutumekira Nyasaye nobutugi.

Luka 19:27

Navutswa avasigu vange yava ava ta yanza inze nzamihe kuvo, mu va lete hano, mu viitire imbiri wange.

Yohana 15:19

Ni mu va ku avomkivala, nkano avomkivala va yanza avavo: navutswa kigira si mu veye ku avo mkivala, navutswa inze nda mu tovola ku vomkivala, yiki ni kigira avomkivala va mu dunyira.

Yohana 17:14

Mmali kuvaha likuva lilyo; kandi avomki vala va va dunyira, kigira si va veye ku vomkivala, kuli inze si mbeye ku vomkivala.

Yohana 7:7

Avomkivala si va nyala kudunyira mwinye; navutswa inze, va ndunyira, kigira inze ndolekidza miyinzi gyavo ni midamano.

Varumi 5:10

Kigira ni i va lwa kwa li avasigu, kwa hambanywa na Nyasaye ku likudza lyo Mwana wewe, ligali kuvita, ni ku mali kuhambanywa ndi, ku la honnyirwa mu livamwoyo lilye.

Varumi 8:7

Kigira liganagana lyomubiri li veye ubusigu ku Nyasaye; kigira si lyegehidzira lilaga lya Nyasaye, kandi si li nyala kue blehidza:

1 Vakorintho 1:20

Umugeeri a veye haliha? Mung'odi a veye haliha? Umuhingi wenyinga yiyi a veye haliha? Nyasaye si ya kola ubugeeri bwelirova bu ve ubusiru?

1 Vakorintho 1:21

Kigira mu bugeeri bwa Nyasaye, lirova, mu bugeeri bwalyo, si lya manya Nyasaye, Nyasaye ya yanza kuhonnyira avasuuvira mu busiru bwelilwadza.

Vagalatia 1:10

Navutswa kalunu nyenya avandu va mbugirire, naho Nyasaye? Naho nyenya kuyanzidza avamlu? Kalunu ni mba ni nyanzidza avandu, si mbeye mutumwa wa Kristo.

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.