Yakobo 4:12 - KITABU KITAKATIFU

¹² Mulala weng'ine a veye mulombi wamalago nomukalagi, niye u nyalanga kuhonnya nokudividza: navutswa ive u veye ibwaha u kalagiranga mutende wowo?

Yakobo 4:12 ပူးပေါင်းရင်းမြစ်များ

Ayubu 38:2

Ni bwaha u vikanga kisundi ku makuva Ku makuva ga ta li nelimanya?

Isaya 33:22

Kigira Yahova a veye mukalagi wetu, Yahova a veye wa haana amalago wetu, Yahova a veye mwami wetu; a la ku honnya.

Matayo 10:28

Kandi mu ta tia aviitanga mubiri mba, navu tswa si va nyala kwiita mwoyo: nu bulahi mu tie u nyala kudividza mwoyo kandi mubiri mu gehena.

Luka 12:5

Navutswa nda mu gelihidza ku uyu wa mu li tia: Mu tie uyu, na a mala kwiita, a veye netsingulu kuta mu igehena; yee, mmu volera, Mu tie uyu.

Varumi 14:13

Na ndiyo li ta va mu kwinye likalagirana avene navene: navutswa nu bulahi mu kalage yaga, mundu kali mulala a ta vikira amwavo wewe kyokumwikigitalidza, kinga kyokumuzoma hasi.

Varumi 14:4

Ive u veye bwaha u kalagira mutumwa wowundi? Ku mwami wewe mwene a singiranga kinga a gwidza. Ligali a la singiridzwa; kigira Mwami a veye netsingulu kumusingiridza.

Varumi 2:1

Kigira yaga, ive mundu, ku vosi u kalaganga, si u veye nekyokutivula: kigira mu yaga aga u kalagira wundi wekalagiranga mwene; kigira ive u kalaganga, u londanga vindu zana.

Varumi 9:20

Ga ta va ndiyo, navutswa, ive mundu, u veye ibwaha u tivulira Nyasaye? Kindu kya lombwa ki nyala kuvolera uyu wa ki lomba, Kigira ki wa nomba ndi?

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

Yakobo 5:9

Mu ta monyana avene navene, avamitu, mu duke kuvula kukalagirwa: henzi, mukalagi u singiye ku viliango.

1 Samweli 25:10

Na Nabali ya tivulira vatumekiri va Daudi, na ya vola, Daudi ni bwaha? Nomwana wa Jesse ni bwaha? Va veye ho avatumekiri vanyingi madiku ga lero, avirukanga sa mulala kutwula ku vanene vavo.