Yakobo 4:11 - KITABU KITAKATIFU

¹¹ Mu ta monyana avene navene, avamitu, Uyu u monya amwavo wewe, kinga kumukalagira, a monya malago, kandi a kalagira malago: navutswa ive nu u kalagira malago, si u veye mukoli wamalago, navutswa u veye mukalagi.

Yakobo 4:11 ပူးပေါင်းရင်းမြစ်များ

Zaburi 140:11

Wetsimbemba si a la dinyeridzwa mu lirova: Ububi bu la hima mundu wekirage kumudividza.

Luka 6:37

Mu ta kalagira, na mwinye si mu li kalagirwa mba: kandi mu ta kyaya, na mwinye si mu la kyaywa mba: mu sameha na mwinye mu la samefwa.

Varumi 2:1

Kigira yaga, ive mundu, ku vosi u kalaganga, si u veye nekyokutivula: kigira mu yaga aga u kalagira wundi wekalagiranga mwene; kigira ive u kalaganga, u londanga vindu zana.

Varumi 2:13

kigira si va li ava huliranga lilaga ava veye nobulungi imbiri wa Nyasaye, navutswa yavo ava kolanga lilaga nivo ava li volwa va veye nobulungi;

Varumi 7:7

Kunangwa ku la vola ki? Lilaga li veye bwoni? Ga ta va ndiyo. Navutswa si nda li manye bwoni bugira lilaga: kigira si nda li manye likayirwa bugira lilaga kuvola, U ta kayirwa mba.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

2 Vakorintho 12:20

Kigira ntidza gase ku gosi, lwa ndidza ku mwinye nda mu lola si mu veye neliva lya nyenya, na inze mwene nda loleka ku mwinye neliva lya mu ta yanza; gase ku gosi ga la va amahangali, nembodoka, nobutima, nelyavukana, nelihuudziridza, nelimonyana, nobwigingiri, nekivihiri;

Vafeso 4:31

Ubululu bwosi, nobutima, nelivihirirwa, neliyoga, namanyego, vi twu lidzwe ku mwinye, halala nembodoka yosi:

1 Timoteo 3:11

Kandi avakali ndiyo va ve nobugoosi, va ta va avagini, va ta li avavitiriru, kandi avasuuvirifu mu vindu vyosi.

2 Timoteo 3:3

ava ta li nobuyanzi bu dukananga, na va ta huliridzana, navahudziridzi, ava tegaya, avalulu, ava ta yanza ubulahi,

Tito 2:3

kandi avakali avakulundu va ve ndiyo, va ve neligenda li dukananga nobutakatifu, va ta va avahudziridzi, kinga avatugwa vewaini inyingi, va ve avegidzi avevindu vilahi;

Yakobo 1:16

Mu ta gadwa mba, avamitu avayanze.

Yakobo 1:19

Avamitu avayanze, mu manya likuva yili. Navutswa mundu sa mulala a ve mwangu kuhulira, nomwihuliridzi ku livola, mwikudziri ku butima:

Yakobo 1:25

Navutswa uyu u henzanga malago madukiru ageliboholola, nokumenya mu, uyu si a veye muhuliri wivirira navutswa mukoli wemiyinzi, mundu uyu a la va nobugasu ku likola lilye.

Yakobo 2:8

Navutswa ni mu dukidza malago gobwami kuli mang'oda, U yanze mutende wowo kuli weyanza mwene, mu koli bulahi:

Yakobo 5:10

Avamitu mu vugule avaprofeti ava vola ku lieta lyo Mwami, va ve kyokulolera ku lisaliridza lyobudamano bwa va gwira nokwikudzira kubwo.

Yakobo 5:7

Kunangwa mwikudzire, avamitu, kuduka lidza lyo Mwami. Henzi, mulimi a lindiriranga lyama lyelirova lilahi, kandi yikudziranga kulyo kuduka li luhe li nyole imbula yokutanga neyenyima.

Yakobo 5:9

Mu ta monyana avene navene, avamitu, mu duke kuvula kukalagirwa: henzi, mukalagi u singiye ku viliango.

1 Petro 2:1

Kunangwa ku li vika ha luvega ubudamano bwosi, nobusyemi bwosi nobugadi, nembodoka, nelivola lyosi lidamano,