Yakobo 4:1 - KITABU KITAKATIFU

¹ Ubulwani bu twula ha li ha, kandi lihangalidzana li twula ha li ha mu mwinye? Si mu li mu likayirwa lyenyu li kolanga ubulwani mu vivero vyenyu?

Yakobo 4:1 ပူးပေါင်းရင်းမြစ်များ

Jeremia 17:9

Mwoyo yigwo nogwobugadi kuvita vindu vyosi, gu veye nobudekeranu buvitiriru: ni bwaha a nyala kugumanya?

Matayo 15:19

Kigira mmwoyo vi twula tsiganagani tsi ndamano, neliluminda, nobuheyi, nokutsia mbakana, nobwivi, nobugini, nobunyegi:

Yohana 8:44

Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.

Varumi 7:23

navutswa ndolanga lilaga lyo lugano lundi mu vivero vyange, li lwana nobugeeri, li mbilanga mu buhambe bwelilaga lyobwoni bu veye mu vivero vyange.

Varumi 7:5

Kigira lwa kwa li mu liva lyomubiri, likayirwa lyo bwoni lya li mu lilaga lya kola mu vivero vyetu kuduka kwama makuyu gelikudza.

Varumi 8:7

Kigira liganagana lyomubiri li veye ubusigu ku Nyasaye; kigira si lyegehidzira lilaga lya Nyasaye, kandi si li nyala kue blehidza:

Vagalatia 5:17

Kigira mubiri gu kayirangwa, ma gu tamana na Roho, kandi Roho a tamana nomubiri; kigira yivi vi tamana vyene na vyene; mbuli kukola vindu vya mwenya.

Vakolosai 3:5

Kunangwa mwiite vivero vyenyu vi veye vya hasi: navyo nokutsia mbakana, nekifwabwi, nelikayirwa lidamano, nelyegomba lidamano, nelikayirwa vyavene, li veye kusigamira misambwa.

2 Timoteo 2:23

Navutswa mateva gobusiru naga ta li nelimanya u sule, limanya u manya gyivulanga mahangali.

Tito 3:3

Kigira kwinye kandi ku matsyambiri kwa li bugira limanya, kwa vula kuhulira, kwa gadwa, kwa tumekira likayirwa lidamano nelyeyanzidza lidamano tsing'ano netsing'ano, kwa menya mu imbodoka nomu likendeka, avavihiriridzi, avavihiriranwi avene navene.

Tito 3:9

navutswa welehe ku mateva gobusiru, noku meta gamakula, noku mahangali, noku lihing'ana ku lilaga; kigira si vi veye nevyambeti kandi vi veye vya vutswa.

Yakobo 1:14

navutswa mundu sa mulala a geridzangwa lwa a ng'usangwa nokutegwa nelikayirwa lilye mwene.

Yakobo 4:3

Mu saalanga, si mu nyola, kigira mu saala nobudamano, mu duke kuvitumekira mu likayirwa lyenyu.

1 Petro 1:14

kuli avana avahuliri, mu tefwanannya nelikayirwa lyenyu lya kale lyenyinga yobusiru:

1 Petro 2:11

Avayanze, ng'oonya mwinye avamenyi kandi avageni, mwiyahule ku likayirwa lyomubiri, li hing'ana nomwoyo;

2 Petro 2:18

Kigira mu livola amakuva ga vimba ligali ga vutswa va goonya mu likayirwa lyomubiri nekifwabwi, yavo ava tanganga kwiruka kutwula ku yavo ava menya mu bugadi;

2 Petro 3:3

mu litanga kumanya likuva yili, mu madiku gekiheri avekihenyahenye va ladza nekihenyahenye ava gendanga kuli likayirwa lyavo avene,