Yakobo 3:5 - KITABU KITAKATIFU

⁵ Kandi ndiyo ululimi lu veye kivero kikekeke, nalwo lwiidzominya ku vindu vinene. Muhenze kuli tsinku tsi veye tsinyingi tsyaakidzangwa nomuliru mukekeke

Yakobo 3:5 ပူးပေါင်းရင်းမြစ်များ

Ayubu 22:17

Ava volera Nyasaye, Twula u ku leke; Na, Wanyala Vyosi a nyala kukukolera ki?

Zaburi 10:3

Kigira mudamano yiidzominya ku likayirwa lyomwoyo gwigwe, Nokugasidza wemoni yokukayirwa, yee, a legannya Yahova.

Zaburi 17:10

Mwoyo gwavo mudamano va hani ligali: Nomunwa gwavo va vola agobuhaga.

Zaburi 39:1

Nda vola, Nda henzeridza tsinzira tsyange, Mbule kwona nolulimi lwange: Nda gaya munwa gwange netsinkoba, Lwa avadamano va veye imbiri wange.

Kutwula 15:9

Musigu ya vola, Nda londerera, nda nyola, nda gavanya vilanye; Lyenya lyange li la yanzidzwa kuvo; Nda somola kivavi kyange, mukono gwange gu la va dividza.

Kutwula 5:2

Na Farao ya vola, Yahova ni bwaha, inze nduke kuhulira mwoyo gwigwe, nokuha Israeli munwa kutsia? Inze si mmanya Yahova, na kandi si nda a ha Israeli munwa kutsia.

Tsing'ano 12:18

Ha veye welivola bugira liganagana, kuli litumita lyekivavi; Navutswa ululirni lwomugeeri lu veye nobulamu.

Tsing'ano 15:2

Ululimi lwomugeeri lu volanga limanya lilungi; Navutswa munwa gwomusiru gu sundulanga ubusiru.

Tsing'ano 18:21

Likudza na livamwoyo vi veye mu tsingulu tsyolulimi; Navo ava lu yanza va la lia makuyu galwo.

Tsing'ano 26:20

Kigira budaka bwetsinku muliru gu simanga; Kandi ha mugemehidzi a ta veye, lihing'ana li heranga.

Jeremia 18:18

Hene yaho va vola, Genda, ku tsie kusaavira lisaava ku Jeremia; kigira lilaga yili si li la vula kuva ku musalisi; kandi amakuva si ga la vula kuva ku vageeri, kinga livola ku mprofeti. Hamba, ku mu kuye netsinimi tsyetu, ku vule kuvika amakuva gege kali lilala mu myoyo.

Ezekieli 28:2

Ive mwana womundu, u volere munene wa Turo, Mwami Nyasaye a vola ndi: Kigira mwoyo gugwo gwegingi, na wa vola, Inze mbeye munyasaye, nzikaye ku intebe ya Nyasaye, hagati hetsinyanza; navutswa u veye mu ndu, si u veye Nyasaye mba, kali ni wa vika mwoyo gugwo kuli mwoyo gwa Nyasaye;

Ezekieli 29:3

moloma, u vole, Mwami Nyasaye a vola ndi Henza, mbeye musigu ku ive, Ive Farao mwami wa Egepeti, guyoka gunene ogu gonekanga hagati hemigera gyigye, wa vola, Mugera gwange gu veye gwange inze mwene, nda gu lomba kigira inze mwene.

Danyeli 3:15

Kalunu ni mu va ni mwetegeki inyinga mu hulira mwoyo gwekisiliva, nogwelilere, nogweiidienyi, nogwekinang'oli, nogwobukana, nogwekidulere, nogwetsing'ano tsyosi tsyevikupangwa, mu gwe hasi nokusigamira kifwananyi kya nombi, nu bulahi: navutswa ni mu vula kukisigamira, mu la tebwa isaa zana yeyo, mu kisambiru kyaakanga muliru ligali; na munyasaye zana u nyala kumutwulidza mu makono gange, ni bwaha?

Danyeli 4:30

Mwami ya moloma na a vola, Yili si li veye Babuloni linene, lya nyombaki netsingulu tsyange kuva inyumba yobwami, kandi kuva lyelidzominywa lyobunene bwobukumi bwange?

Yakobo 3:4

Henza bwato kandi, kali bu veye bunene ndi nokuhilwa nembuudza inene, navutswa bu girunkannyangwa nesukani inkekeke, kutsia hosi hobulaliri bwomuhili bwenya.

2 Petro 2:18

Kigira mu livola amakuva ga vimba ligali ga vutswa va goonya mu likayirwa lyomubiri nekifwabwi, yavo ava tanganga kwiruka kutwula ku yavo ava menya mu bugadi;

Yudasi 1:16

Yava nivo avamonyi naviliriri, ava gendanga kuli likayirwa lyavo avene (minwa gyavo gyi volanga amakuva manene naga vimbanga), velidzanga avandu kigira linyola kindu.