Yakobo 3:2 - KITABU KITAKATIFU

² Kigira kwosi kwikigitala ku vindu vinyingi. Mundu u tikigitala ku livola a veye mudukiru, u nyalanga kwigalira nelijamu, mubiri gwosi.

Yakobo 3:2 ပူးပေါင်းရင်းမြစ်များ

1 Avami 8:46

Ni iva yavo va ku kolera ubwoni, (kigira si ha veye nomundu wa vula kukola ubwoni), na ive u va vihirirwa, nokuvavika ku vasigu, ni va va lanya, nokutsia navo mu kivala kyavasigu yavo, kivala kye ihale kinga kya ahimbi;

2 Kyetsinyinga 6:36

Lwa va kola mahyolo ku ive (kigira si ha veye nomundu wa vula kwona), na u va vihirirwa, nokuva vika ku vasigu, ni va va lanya kutsia navo mu kivala kye ihale kinga kya himbi;

Ayubu 15:13

U luhe u girunkannyi mwoyo gugwo kuhing'ana ku Nyasaye, Nokuleka makuva kuli yaga kutwula mu munwa gugwo?

Zaburi 34:13

Twulidza ululimi lulwo ku budamano, Na u gaye minwa gyigyo gyi ta vola ubugadi.

Zaburi 39:1

Nda vola, Nda henzeridza tsinzira tsyange, Mbule kwona nolulimi lwange: Nda gaya munwa gwange netsinkoba, Lwa avadamano va veye imbiri wange.

Tsing'ano 10:19

Mu bunyingi bwamakuva si ga vula kuva mu mahyolo Navutswa uyu u gayanga minwa gyigye, a veye wobugeeri.

Tsing'ano 13:3

Uyu u lindanga munwa gwigwe a lindanga livamwoyo lilye; Narutswa uyu u kunulanga minwa gyigye a la nyola lidiva.

Tsing'ano 20:9

Ni bwaha u nyala kuvola, Mmali kulavidzwa mwoyo gwange, Mbeye munifu ku ubwoni bwange?

Tsing'ano 21:23

Ku vosi uyu u gayanga munwa gwigwe na ululimi lwilwe Yelinda mwoyo gwigwe ku lidambidzwa.

Kohelethu 7:20

Ligali si ha veye nomundu wobu geeri mulala ku lirova, u kolanga bulahi, nokuvula kukola ubwoni.

Isaya 64:6

Kigira kwosi ku gwiye lugano lulala na uyu mudamano, vikolwa vyetu vyobulu ngi vi veye kuli ingubo yononywa: kwosi ku niala kuli litu; nobudamano bwetu bu ku hilanga kuli imbuudza.

Kyavalevi 13:39

hene yaho musalisi a la henza; na henza, ubufwiriru ni bu veye bulavu hakekeke, lu veye lwiyage, lu siruki ku ligodo; a veye mulahi.

Matayo 12:34

Mwinye lwivulo lwetsinzoka avadamano mu nyala ndi kuvola bulahi? Kigira aga veye mmwoyo munwa gu la vola.

Matayo 12:37

Kigira namakuva gogo u la nyola ubulungi, kandi namakuva gogo u la dividzwa.

Varumi 3:10

kuli ga ng'odwa, Si ha veye nomulungi, kali mulala;

Varumi 7:21

Kunangwa ndola lilaga yili, ku inze wenyanga kukola amalahi, ubudamano bu veye ho.

1 Vakorintho 9:27

navutswa nkindukidza mubiri gwange, nokugutuma: gase inyinga mmali kwilwadzira avandi inze mwene nda sulwa.

Vagalatia 3:22

Navutswa mang'oda ga boha vindu vyosi ku bwoni, ava suuvira va duke kuhebwa lisuuviridzwa li twulanga ku lisuuvira li veye ku Kristo.

Vagalatia 5:17

Kigira mubiri gu kayirangwa, ma gu tamana na Roho, kandi Roho a tamana nomubiri; kigira yivi vi tamana vyene na vyene; mbuli kukola vindu vya mwenya.

Vakolosai 1:28

Uyu wa kwilwadza, nokweganehidza avandu sa mulala, nokwegidza avandu sa mulala mu bugeeri bwosi, ku duke kusingeridza mundu sa malala a ve mudukiru mu Kristo.

Vakolosai 4:12

Epafara, u veye mulala ku mwinye, mutugwa wa Kristo Yesu, a mu chelidza, weguluhidzanga mu lisaala madiku gosi kigira mwinye, mu duke kusingira avadukiru navekilema mwoyo ligali mu bulaliri bwosi bwa Nyasaye.

Vahebraina 13:21

a mu kole mu ve ava dukiru mu vindu vyosi vilahi kukola ubulaliri bwibwe, nokukola mu mwinye ki yanzekanga imbiri wewe, ku Yesu Kristo; wobukumi bu ve kuye mihiga nemihiga. Amini.

Yakobo 1:26

Mundu ni yeganagana a veye wedini, naye na a ta boha lulimi lwilwe nelijamu, navutswa a gada mwoyo gwigwe, mundu uyu, idini yeye neya vutswa.

Yakobo 1:4

Mu leke ubwikudziri bu ve nemiyinzi gyabwo midukiru, mwinye mu duke kuva avadukiru, navagyima, ava ta daka kindu ku vyosi.

Yakobo 2:10

Kigira ku vosi wenya kugumira malago gosi, navutswa yikigitala ku likuva lilala, u gwiye u volwa muhyoli wa gosi.

1 Petro 3:10

Kigira, Uyu u li yanza livamwoyo, Nokulola madiku malahi A gaye lulimi lwilwe ku budamano, Kandi minwa gyigye ku livola ubugadi:

1 Petro 5:10

Kandi Nyasaye wetsimbabasi tsyosi wa langa mwinye mu duke kunyola ubukumi bwibwe bwemihiga nemihiga mu Kristo, lwa mu mali kusaliridzwa inyinga inkekeke, mwene a la mu kola avadukanu, nokumusingeridza, nokumuvika tsingulu.