17 Navutswa ubugeeri bu twulanga igulu, mu litanga bu veye buniiu, nobwemirembe, nobwobuhokya, nobwobuhuliridzi, nobwezuye tsimbabasi na makuyu malahi, obu ta li nelyahulannya, obu ta li nobugadi.
henza, nkoli kuli livola lilyo: na mali kukuha mwoyo gwobugeeri nogwokumanyeridza; kuduka si ha veye nomundu wemira imbiri wowo wa li kuli ive, kinga inyima wowo si a la singira yo wundi kali mulala weliva kuli lilyo.
Na Israeli vosi va hulira makuva gelikalaga lyomwami ya kalaga; navo va mu tia: kigira va lola ubugeeri bwa Nyasaye bu veye halala naye, a duke kukola likalaga.
Henza, mwana muyai a livulwa ku ive, u li va mundu wokwelemeridza; na inze nda mu sosidza ku vasigu veve vosi tsimbega tsyosi; kigira lyeta lilye li la va Solomoni, na nda ha Israeli mirembe nobusosi mu madiku gege.
Kunangwa Musa ya langa Bezaleli na Oholiabu na vosi avomwoyo gwobugeeri, ava li va Yahova ya vika mu myoyo gyavo ubugeeri, kali vosi avomwoyo gwavo gu mu vukidza va tsie kukola miyinzi zana;
Naye a la kalaga hagati hetsihiri, nokuha tsihiri tsinyingi tsyavandu amageli; navo va la tuula vivavi vyavo kuvikola tsimbago, na matimu gavo va la ga lomba tsinkonono; ihiri yiyi i la vula kuginga kivavi ku ihiri yindi, kandi va la vula kwega ubulwani.
Kigira musiru a la vola agobusiru, nomwoyo gwigwe gu la kola vidamano, nokutumekira kirage, nokuvola bukyamu ku Yahova, kukola mwoyo gwa uyu u veye nenzala kuva vutswa, nokukola kyokunwa kya uyu u veye nobuluhu kukama.
Kunangwa ku makuva ga avasoleli vane yava, Nyasaye ya va ha limanya nobusidza mmegidzo gosi nomu bugeeri bwosi: kandi Danyeli ya li nelihulira mu malola gosi momu maloto.
Kigira yaga mmali kukolera mwinye avokulegwa na vahanzahanza imbiri wa avandu vosi, kuli mwinye mwa vula kulinda tsinzira tsyange, navutswa mwa li nelyelidza ku vandu mu malago.
a likala kuli muhenzeridzi nokusiiya ifetha, na a la siiya avana va Levi, nokuvalengeridza kuli ithahabu na ifetha; na va la haana ku Yahova vihaanwa mu bulungi.
Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.
Ya li mu Yopa mwegidzwi mulala wa langwa Tabitha, ligirunkanywa lyalyo ni Dorkasi, naho Kisusu: mukali uyu ya li ni yizula miyinzi milahi na gyetsimbabasi ya kola halala nokukonya vadaka.
Kidra mu henze, likuva zana yili, liverera lyenyu lyokuyeka ku Nyasaye, lya kola ku mwinye lyedinyiridza ki, yee nelyekinga ki yee nelidunya ki, yee nelitia ki, yee nelyegomba ki, yee nobugulu ki, yee nelivanza kisalia ki Mu gosi mweIolekidza kuva avaseredze mu inkuva yeyo.
Uyu u hedzanga mumidzi ubugutsa nobukima bwokulagira, a la ha mwinye bugutsa bwokumidza, kandi a la bu dasa, kandi a la kiridza makuyu gobulungi bwenyu:
Agatigaye, avamitu, gosi aga veye ageligali, gosi aga veye agelidzominywa, gosi aga veye gobulungi, gosi aga veye manifu, gosi aga yanzidzanga, gosi aga gohangwa; ni bu veye ho bulahi, ni li veye ho lidzominya, mu ganagane vindu yivi.
Nku laga imbiri wa Nyasaye, nembiri wa Kristo Yesu, nembiri wetsingelosi ava tovolwa, u linde vindu yivi bugira kuva nelikalaga lya bwangubwangu, kandi u ta kola kindu kali kilala nelyeridza.
Ku avanifu vindu vyosi vi veye vinifu: navutswa ku avadamano nava vula kusuuvira si ha li nekindu kinifu kuvo; navutswa ubugeeri bwavo nomwoyo gwavo gu gwiye mudamano.
Amageli gosi genyinga ya kalunu si ga fwana kuva nobuyanzi navutswa nobuvereri; navutswa inyima ga leteranga ava nalidzeywi mugo amakuyu gemirembe, na gobulungi.
Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.