Yakobo 3:1 - KITABU KITAKATIFU

¹ Mu ta va avegidzi vanyingi, avamitu, mu manya ku la nyola likalagirwa linene kuvita.

Yakobo 3:1 ပူးပေါင်းရင်းမြစ်များ

Kyavalevi 10:3

Hene yaho Musa ya volera Haruni, Yiyi ni inkuva ya Yahova ya vola, na a vola, Nda takaswa mu yava avisunda himbi ku inze, na nda kuminywa imbiri wa avandu vosi. Na Haruni ya kiring'ana.

Malaki 2:12

Ku uyu u kolanga vindu yivi, Yahova a la twulidza mwegidzi nomwegidzwi, ku mahema ga Yakobo, na uyu u haananga kihaanwa ku Yahova wa mahe.

Matayo 10:24

Mwegidzwi si a nyala kuvita u mwegidzanga, kinga mtugwa si a nyala kuvita wa mtuga.

Matayo 23:13

Navutswa O Bayaye bu veye ku mwinye, avang'odi na Vafarisayo, avagadi kigira mwigalira avandu mu bwami bwomigulu: kigira mwinye si mwingira mba, kandi si mu va leka avingiranga, vingire.

Matayo 23:14

O Bayaye bu veye ku mwinye, avang'odi na Vafarisayo, avagadi kigira mu mira tsinyumba tsya vakunzakali, nokwelolekidza mu saala masaala matambi: kigira yaga likalagirwa lyenyu li la va budinyu kuvita vya avandi.

Matayo 9:11

Avafarisayo lwa va lola yaga va volera avegidzwi veve, Kigira ki Mwegidzi wenyu a lia halala navasololi vobu shutu navoni?

Luka 16:2

Ya mu langa na a mu volera, Amakuva ki ga mbulira ku ive? Tivula hesabu yobulindi bubwo; kigira ive si u nyala kandi kuva mulindi.

Luka 6:37

Mu ta kalagira, na mwinye si mu li kalagirwa mba: kandi mu ta kyaya, na mwinye si mu la kyaywa mba: mu sameha na mwinye mu la samefwa.

Yohana 3:10

Yesu ya tivula na a mu volera Ive u veye mwegidzi wa Israeli na vindu yivi si u hulira mba?

Vikolwa 13:1

Va li ho mu livugana lya li mu Antiokia, avaprofeti navegidzi, Baranaba na Simeoni wa li na a langwa Nigeri, na Lukio wa Kurene, na Manaeni wa nyunnywa na Herodi mwami u kola vavaka, kandi Saulo.

1 Vakorintho 12:28

Kandi Nyasaye ya vika avalala mu livugana, vokutanga avatumwa, avakaviri navaprofeta, avakavaka va veye avegidzi, kandi likola miyinzi gyokugenya, kandi vihaanwa vyokuhonnya avalwaye, kandi ubukonyani, kandi lya meha, kandi tsing'ano tsyetsinimi.

2 Vakorintho 5:10

Kigira ga ku dukira kwinye kwosi kulang'aminywa imbiri wekisako kyelikalaga kya Kristo; ku vosi sa mulala a hebwe kuli kya ya kola ku mubiri kuli ga ya kola, ni ki va kilahi kinga kidamano.

Vafeso 4:11

Naye ya ha avalala va ve avatumwa; navandi, avaprofeti; navandi, avilwadzi vevangeli; navandi, avayi navegidzi;

1 Timoteo 1:7

venyanga va ve avegidzi velilaga kali ni va ta manyi ga va volanga, kandi aga va vola nobuluviriri.

1 Timoteo 2:7

lya inze nda vikwa kuva mwilwadzi kandi kuva mutumwa walyo (mbola ageligali, si mbehanga) mwegidzi we Tsihiri mu lisuuvira nomu ageligali.

2 Timoteo 1:11

Ku yiyi nda vikwa kuva mwilwadzi nomu tumwa, nomwegidzi.

Vahebraina 13:17

Mu hulire ava mwimiriranga, mwegehidze kuvo; kigira va henzanga ku myoyo gyenyu, kuli ava li haana livalidza; va duke kuhaana nobuyanzi, si ga li nelihuguma: kigira yaga si ga li nobukonyi ku mwinye.

Yakobo 1:16

Mu ta gadwa mba, avamitu avayanze.

Yakobo 1:19

Avamitu avayanze, mu manya likuva yili. Navutswa mundu sa mulala a ve mwangu kuhulira, nomwihuliridzi ku livola, mwikudziri ku butima:

Yakobo 3:10

ligasidza nelilaama li twula ku munwa mulala. Avamitu, si bu li bulahi vindu yivi vi ve ndiyo.

1 Petro 5:3

kandi ga ta va kuli mwekola avanene ku va vikwa ku mwinye, navutswa mwekole kuva avokuhenzera ku vekyayo.