Yakobo 2:8 - KITABU KITAKATIFU

⁸ Navutswa ni mu dukidza malago gobwami kuli mang'oda, U yanze mutende wowo kuli weyanza mwene, mu koli bulahi:

Yakobo 2:8 ပူးပေါင်းရင်းမြစ်များ

1 Avami 8:18

Navutswa Yahova ya volera Daudi dada wange, Kigira ga veye mu mwoyo gugwo kwombakira lieta lyange, inyumba, wa kola bula hi ku liva lya li mu mwoyo gugwo:

2 Avami 7:9

Hene yaho va volerana avene navene, Aga ku kolanga si ga veye malahi mba; lidiku lya lero yili nl lidiku lya makuva malahi, na kwinye ku kiring'ani: ni ku lindagira bu luhe bu kye, ubudamano bu la ku nyola; kunangwa genda ku tsie, ku volere avandu venyumba yomwami.

Kyavalevi 19:18

U ta vanza kisalya, kandi u ta va nobusigu ku avana va avandu vovo; navutswa u la yanza mutende wowo kuli weyanza: inze mbeye Yahova.

Kyavalevi 19:34

Umgeni u menyanga halala na mwinye a la va ku mwinye kuli wivulwa iwenyu, na u la mu yanza kuli weyanza; kigira mwa li avamenya mu kivala kya Egepeti: inze mbeye Yahova Nyasaye wenyu.

Jona 4:4

Na Yahova ya mu teva, Ga veye malahi ku ive kuvihirirwa?

Jona 4:9

Na Nyasaye ya teva Jona, Ga veye malahi ku ive kuva nobutima kigira liungu? Naye ya tivula, Yee, ga veye malahi ku inze kuvihirirwa, kali kuduka likudza.

Matayo 22:39

Lya kaviri li fwanana nalyo ni yili, U yanze mutende wowo kuli weyanza.

Matayo 25:21

Mwami wewe ya mu volera, U koli bulahi, mutugwa mulahi nomsuu viridzi: wa linda bulahi vindu vikekeke, nda ku vika ku vindu vinyingi; wingire mu buyanzi bwomwami wowo.

Matayo 25:23

Mwami wewe ya mu volera, U koli bulahi, mutugwa mulahi nomsuuviridzi: wa kola bulahi ku vindu vikekeke, nda ku vika ku vindu vinyingi; wingire mu buyanzi bwomwami wowo

Matayo 7:12

Ku vyosi vya mwenya avandu va mu kolere, mwinye mu va kolere ndiyo kandi: kigira yaga ga veye malago navaprofeti.

Varumi 13:10

Ubuyanzi si bu kola ubudamano ku mutende: kunangwa ubuyanzi bu veye kyokwizulitsira lilaga.

Vagalatia 5:14

Kigira lilaga lyosi li dukidzireywi mu likuva lilala, nalyo ni yili, U yanze mutende kuli weyanza mwene.

Vagalatia 6:2

Mu konyane ku maliduhu mundu sa mulala nowakye, na ndiyo mu la dukidza miima gya Kristo.

Vafilipi 4:14

Navutswa mwa kola bulahi ligali lwa mwa sanga halala na inze mu busaliri bwange.

1 Vatesalonike 4:9

Navutswa mu buyanzani bwavamwavo si mu veye nelyenya inze mmu ng'odere: kigira mwinye avene Nyasaye u mali kumwegidza kuyanzana avene navene;

Yakobo 1:25

Navutswa uyu u henzanga malago madukiru ageliboholola, nokumenya mu, uyu si a veye muhuliri wivirira navutswa mukoli wemiyinzi, mundu uyu a la va nobugasu ku likola lilye.

Yakobo 2:12

Mu vole ndiyo, nokukola ndiyo kandi, kuli avandu va li kalagirwa ku malago gelibubohololwa.

Yakobo 2:19

Ive u suuvira Nyasaye a veye mulala; u kola bulahi: amademone kandi ga suuvira, ni ga degera.

Yakobo 4:11

Mu ta monyana avene navene, avamitu, Uyu u monya amwavo wewe, kinga kumukalagira, a monya malago, kandi a kalagira malago: navutswa ive nu u kalagira malago, si u veye mukoli wamalago, navutswa u veye mukalagi.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya: