Yakobo 2:19 - KITABU KITAKATIFU

¹⁹ Ive u suuvira Nyasaye a veye mulala; u kola bulahi: amademone kandi ga suuvira, ni ga degera.

Yakobo 2:19 ပူးပေါင်းရင်းမြစ်များ

Isaya 43:10

Mwinye mu yeye avaloli vange, Yahova a vola, mutumekiri wange wa nda tovola; mu duke kumanya nokusuuvira inze, nokumanya inze niye: imbiri ku inze Nyasaye si a lombwa yo mba, kandi inyima ku inze si a la va yo wundi mba.

Isaya 44:6

Yahova a vola yaga, Mwami wa Israeli, Mutungiri wewe, Yahova wa mahe: inze mbeye wokutanga, nowekiheri; si ha veye na Nyasaye wundi ku inze.

Isaya 44:8

Mu ta tia, kandi mu ta kola ubutii: si nda ku yolera yaga kutwula kale, nokukuvuulira? Na mwinye mu veye avaloli vange. A veye ho Nyasaye wundi lugano ku inze? Yee, si ha veye no Lwanda; si manya wundi mba.

Isaya 45:6

va duke kumanya kutwula ku litwula lyeliuva, nokutwula madioli, si ha veye nowundi na a ta li inze; inze mbeye Yahova, si ha veye nowundi.

Isaya 46:9

Mwidzulitie vindu vya ma tsyambiri: kigira inze mbeye Nyasaye, si ha veye nowundi; inze mbeye Nyasaye, si ha veye nowundi u veye kuli inze;

Jona 4:4

Na Yahova ya mu teva, Ga veye malahi ku ive kuvihirirwa?

Jona 4:9

Na Nyasaye ya teva Jona, Ga veye malahi ku ive kuva nobutima kigira liungu? Naye ya tivula, Yee, ga veye malahi ku inze kuvihirirwa, kali kuduka likudza.

Zekaria 14:9

Na Yahova a la va Mwami welirova lyosi: mu lidiku yilyo Yahova a la va mulala, na lieta lilye lilala.

Matayo 8:29

Kandi henza, va hanzuka ni va vola, Ku veye ndi nive, Yesu, Mwana wa Nyasaye? Udzi hano kukukupidza kivi inyinga i kikiri kuduka?

Marko 1:24

na a vola, Ku veye ndi nive, Yesu Munazareti? U dzi kukwononnya? Nku manya u veye Mutakatifu wa Nyasaye.

Marko 12:29

Yesu ya mu tivulira Li vita gandi gosi ni yili, Mu hulire Israeli; Mwami Nyasaye wetu, Mwami nu mulala:

Marko 5:7

na a hanzuka, na a vola, Ku veye ndi nive, Yesu Mwana wa Nyasaye Uveye Igulu wa Vyosi? Nkwisuhidza ku Nyasaye u ta nda mbidza mba.

Marko 7:9

Kandi ya va volera, Ligali mu sula malago ga Nyasaye, mu duke kugumira miima gyenyu.

Luka 4:34

Ai kwinye ku veye ndi nive Yesu Munazareti? Udzi kukwono nnya? Nku manya u veye ibwaha, Mutakatifu wa Nyasaye.

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Vikolwa 16:17

Naye ya londa Paulo na kwinye, na a hanzuka na a vola, Avandu yava navatumwa va Nyasaye U Veye Igulu Ligali, ava mwilwadzira inzira yobuhonnyi.

Vikolwa 19:15

Mwoyo mudamano gwa tivula ni gu va volera, Yesu mmanya, kandi Paulo mmanya, navutswa mwinye mu veye avandu ki?

Vikolwa 24:25

Paulo lwa yilwadza ku bulungi, kandi ku kwelinda bulahi, nelikalaga lidzanga, ubutii bunyingi bwa gumira Felike, kandi ya tivula na a vola, Kalunu u tsie; na inze lwa na ndole ubwiyangu na nku lange.

Varumi 3:30

kunangwa Nyasaye na a va na a ve mulala, kandi a la ha avakevwa ubulungi nelisuuvira, kandi a la ha ava vula kukev va ubulungi kigira lisuuvira.

1 Vakorintho 8:4

Kunangwa amakuva yaga agokulia vindu vi salisirangwa misambwa, ku manya si ha veye nekifwananyi ki veye kindu mu lirova, kandi ku manya si ha veye na Nyasaye wundi, navutswa mulala yeng'ine.

1 Vakorintho 8:6

navutswa ku kwinye a veye ho Nyasaye mulala, Dada, wevindu vyosi vi twula kuye, kandi kwinye ku veye aveve; kandi Mwami a veye mulala yeng'ine, Yesu Kristo, wevindu vyosi vi twula kuye, halala nekuinye.

Vagalatia 3:20

Navutswa muhambannyi si a li womulala yeng'ine; navutswa Nyasaye a veye mulala.

Kwidzulitsa 6:4

O Israeli, u hulire: Yahova Nyasaye wetu, Yahova a veye mulala:

1 Timoteo 2:5

Kigira Nyasaye a veye mulala, nomuhambannyi wa Nyasaye navandu a veye mulala, mwene a veye mundu, Kristo Yesu,

Yakobo 2:8

Navutswa ni mu dukidza malago gobwami kuli mang'oda, U yanze mutende wowo kuli weyanza mwene, mu koli bulahi:

Yudasi 1:4

Kigira ha veye navandu valala ava seta kwingira galaha, ava tanga kung'oderwa likalagirwa yili, ava vula kutia Nyasaye, ava girunkannya tsimbabasi tsya Nyasaye wetu tsi duke kuva kifwabwi, avambakana nga Munene wetu muderwa naye no Mwami wetu Yesu Kristo.

Yudasi 1:6

Kandi tsingelosi ava vula kulinda liva lyavo lyokutanga, navutswa va leka ubumenyo bwavo avene, a va lindanga mu libofwa lyamadiku gosi, mu kisundi kuduka mu likalagirwa lyelidiku linene yilyo.

Likunula 20:10

Kandi Ibilisi wa va gada ya tebwa mu inyanza yomuliru neyekibiridi, ha inyama nomuprofeti wobubehi va veye; navo va la saliridzwa mbasu nobudiku kuduka mihiga nemihiga.