Yakobo 1:9 - KITABU KITAKATIFU

⁹ Navutswa amitu u veye muyingu yiidzominye mu linenehidzwa lilye;

Yakobo 1:9 ပူးပေါင်းရင်းမြစ်များ

Zaburi 62:9

Ligali avandu ava hanzahanza va veye vyavutswa, na avandu avanene va veye ububehi: Mu tsiratili va la gingika; Vosi halala va veye avahuhu kuvita mwika.

Tsing'ano 17:5

Ku vosi u kolera mudaka kihenyahenye a leganga Mulombi wewe; Na uyu u sangalira budivi si a la vula kukalagirwa.

Tsing'ano 19:1

Mudaka u gendanga mu bulungi bwibwe a veye mulahi Kuvita weminwa gyigye gyi veye mikyamu naye a veye mu siru.

Isaya 29:19

Avahokya va la meda ubusangali bwavo mu Yahova, navadaka mu avandu va la sangala mu Uyu Mutakatifu wa Israeli.

Luka 1:52

Waguluye avagali ku tsintebe tsyavo, Kandi u nenehidzi avakekeke.

Luka 10:20

Navutswa mu ta yanza kigira roho gyegehidza ku mwinye, navutswa mu yanze kigira ameta genyu ga ng'odeywi migulu.

Luka 14:11

Kigira ku vosi weginga a la gehidzwa; nowegehidza mwene a la nenehidzwa.

Luka 9:48

na a va volera, Ku vosi u li bugirira mwana mukekeke uyu kigira lieta lyange, a bugirira inze; kandi ku vosi u li bugirira inze, a bugirira wa ntuma: kigira u veye mukekeke ku mwinye vosi, uyu niye munene.

Varumi 8:17

ni ku va ni ku veye avana, ku veye ava nyola miyandu; ava nyola miyandu gya Nyasaye, kandi ava nyola miyandu halala na Kristo; ni ku va ni ku salira halala naye, ku duke kukuminywa kandi halala naye.

2 Vakorintho 6:10

kuli ava verera, navutswa ava sangalanga kazozo; kuli avadaka, navutswa ku kolanga avanyingi avatugi; kuli ava ta li nekindu, navutswa ku veye nevindu vyosi.

Kwidzulitsa 15:11

Kigira avadaka si va la hera mu kivala: kunangwa nda ku laga, nokukuvolera, U kumile ligali mukono gugwo ku amwavo wowo, mwegombi wowo, nomudaka wowo, mu kivala kikyo.

Kwidzulitsa 15:7

Ni ba va ni ha veye nomundu mudaka halala nive, mulala ku vamwavo wowo, mu kilala ku viribwa vivyo mu kivala kikyo kya Yahova Nyasa, e wowo a ku ha, u ta kola mwoyo gugwo mudinyu, kinga u ta dinnya mukono gugwo ku amwavo wowo mudaka;

Kwidzulitsa 15:9

Welinde na u vule kuva netsiganagani tsindamano mmwoyo gugwo, ku livola, Gu ve himbi muhiga gwe gyitano na gyiviri, muhiga gweliboholola; ma imoni yoy o i ve indamano ku amwavo w owo mudaka, u vule kumuha kindu; na a la lira ku Yahova kigira ive, na bu la va ubwoni ku ive.

Vafilipi 3:14

nzidinyeridza kutsia kuduka ku lwako lwamadanyi geliiangwa lye igulu lya Nyasaye mu Kristo Yesu.

Vafilipi 3:3

kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

Likunula 2:9

Mmanya lidambidzwa lilyo, nobudaka bubwo (navutswa u veye mutugi), kandi mmanya linyega lya yavo avevolanga va veye Avayuda, navutswa si va li ndiyo, navutswa va veye avelivugana lya Setani.

1 Samweli 2:8

A ginganga mudaka nokumutwulidza mulugukyi, A ginganga mwegombi nokumutwulidza mu isina, Nokuvakola vikale halala navanene, Nokunyola miyandu intebe yobukumi: Kigira tsitiru tsyelirova tsi veye tsya Yahova, Uyu wa singeridza lirova kutsyo.