Yakobo 1:27 - KITABU KITAKATIFU

²⁷ Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.

Yakobo 1:27 ပူးပေါင်းရင်းမြစ်များ

Zaburi 119:1

Va veye nobugasu yavo ava veye nobudukiru ku inzira, Ava gendanga mu likalaga lya Yahova.

Zaburi 146:9

Yahova a lindanga avamenya; A hedzanga avabisandu tsingulu; Navutswa inzira yavadamano a gi goyannya.

Zaburi 68:5

A veye dada wa avabisandu, na mukalagi wavakunzakali, Ni Nyasaye mu ubumenyi bwibwe butakatifu.

Isaya 1:23

Avanene vovo vebaaye, va veye avakye va avivi; sa mulala a yanza vikukula, nokulonda litungwa: si va kalagira avabisandu bulungi mba, kinga makuva ga vakunzakali si ga dukanga kuvo mba.

Matayo 12:32

Ku vosi u la vola likuva ku Mwana wa Adamu, a la samefwa; navutswa ku vosi u li nyega Roho Mtakatifu, si a li samefwa mba, mu lirova lya kalunu, kinga mu lirova lidzanga.

Matayo 5:8

Va veye nobugasu ava veye nemyoyo milavu: kigira va la lola Nyasaye.

Luka 1:6

Navo vombi va li ava lungi imbiri wa Nyasaye, ni va gendera mu makuva gosi nomu malago go Mwami bugira kindu kuvo.

Varumi 12:2

Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.

Varumi 2:13

kigira si va li ava huliranga lilaga ava veye nobulungi imbiri wa Nyasaye, navutswa yavo ava kolanga lilaga nivo ava li volwa va veye nobulungi;

Vagalatia 1:4

wehaana kigira ubwoni bwetu, a duke kukuhonnya mu inyinga ya kalunu indamano yiyi, kuli ubulaliri bwa Nyasaye wetu, Dada wetu:

Vagalatia 3:11

Ga veye habulavu si ha veye nomundu u volangwa kuva nobulungi imbiri wa Nyasaye mu lilaga: kigira, Wobulungi a la va mwoyo kigira lisuuvira;

Vagalatia 5:6

Kigira mu Kristo Yesu likevwa si li konya kindu, kinga livula kukevwa; navutswa lisuuvira li kolanga miyinzi kigira ubuyanzi.

Vagalatia 6:14

Navutswa li ve hale ku inze liidzominya ni li ta li ku musalaba gwo Mwami wetu Yesu Kristo, kugwo vyelirova vi gwiye vibambe ku inze, na inze ngwiye mubambe ku vyelirova.

Vafeso 2:2

bwa mwa gendera mu ku matsyambiri kuli liva lyetsinyinga tsyelirova yili, kuli mwami wetsingulu tsyobwerefu, wa roho gu yinziranga kalunu mu vana vobutingu.

Kwidzulitsa 14:29

na uyu Mulevi, kigira si a veye nekidieli kinga miyandu halala nive, nomugeni, nombisandu, nomukunzakali, ava veye mu viribwa vivyo, vadze kulia vi gute; Yahova Nyasaye wowo a duke ku kugasidza ku miyinzi gyosi gyomukono gugwo gu kolanga.

1 Timoteo 1:5

Na vutswa ubudukiru bwelilaga bu veye ubuyanzi bu twula mu mwoyo mulahi, nomu tsiganagani tsindahi, nomu lisuuvira li ta li nobugadi:

1 Timoteo 5:4

Navutswa ku vosi mukunzakali u veye navana kinga avisukulu, va tange kweyegidza litibwa lya Nyasaye ku venyumba vavo, nokugwuha avivuli vavo: kigira yili li yanzeka imbiri wa Nyasaye.

Tito 2:12

nokwegidza kwinye, kuduka kwinye kwambakane ubudamano nelikayirwa lyevyelirova, ku menye nobugeeri obwere, nobulungi nelitibwa, lya Nyasaye mu inyinga yiyi;

Yakobo 3:17

Navutswa ubugeeri bu twulanga igulu, mu litanga bu veye buniiu, nobwemirembe, nobwobuhokya, nobwobuhuliridzi, nobwezuye tsimbabasi na makuyu malahi, obu ta li nelyahulannya, obu ta li nobugadi.

Yakobo 3:9

Ku gasidzanga Mwami nalwo naye ni Dada; kandi ku laamanga avandu nalwo ava lombwa ku lifwana lya Nyasaye:

Yakobo 4:4

Avobuheyi, si mu manya ubulina bwevyelirova bu veye ubusigu ku Nyasaye? Uyu wenya kuva mulina wevyelirova yekolanga musigu wa Nyasaye.

2 Petro 1:4

ku yaga ya ku ha lisuuviridza lilye lilahi nelinene ligali; ku yilyo mu duke kuva avasangi aveliva lyo Bunyasaye, kigira mu hononoki ku bwoneku bu veye mu lirova kigira likayirwa.

2 Petro 2:20

Kigira niva inyima yokutwula mu vindu vyekifwabwi kyelirova ku limanya Mwami Muhonnyi Yesu Kristo, ni virana kuhambwa kandi nokuguutwa mukyo, liva lyavo lyenyima li gwiye lidamano kuvita lyembiri.

2 Petro 3:14

Kunangwa, avayanze, kigira mu lindirira vindu yivi, mu kole ubugulu mu duke kunyolerwa mu mirembe, bugira kuva netsimbala kandi bugira kindu ku mwinye imbiri wewe.

1 Yohana 5:18

Ku manya, ku vosi wivulwa kutwula ku Nyasaye si a kola ubwoni; navutswa wivulwa ku twula ku Nyasaye yelinda, na mudamano si a mu dira mba.