Yakobo 1:26 - KITABU KITAKATIFU

²⁶ Mundu ni yeganagana a veye wedini, naye na a ta boha lulimi lwilwe nelijamu, navutswa a gada mwoyo gwigwe, mundu uyu, idini yeye neya vutswa.

Yakobo 1:26 ပူးပေါင်းရင်းမြစ်များ

Ayubu 15:13

U luhe u girunkannyi mwoyo gugwo kuhing'ana ku Nyasaye, Nokuleka makuva kuli yaga kutwula mu munwa gugwo?

Ayubu 30:11

Kigira uyu u boholoye umugoye gwigwe, nokumbika ku kivi; Navo va boholoye lijamu imbiri wange.

Zaburi 141:3

O Yahova, u vike ubulindi imbiri womunwa gwange; U linde kiliango kyeminwa gyange.

Zaburi 32:9

Mu ta va kuli iparasi, kinga kuli inyumbu, tsi ta ii nelimanya; Tsyeminwa gyatsyo gyi dukirwa kugayidzwa nelijamu na ulu kova, Tsi la duka himbi ku ive.

Zaburi 34:13

Twulidza ululimi lulwo ku budamano, Na u gaye minwa gyigyo gyi ta vola ubugadi.

Tsing'ano 10:19

Mu bunyingi bwamakuva si ga vula kuva mu mahyolo Navutswa uyu u gayanga minwa gyigye, a veye wobugeeri.

Tsing'ano 10:31

Munwa gwomulungi gu sibukanga ubugeeri; Navutswa ululimi lwobukyamu lu la kalagwa.

Tsing'ano 14:12

Inzira i veye ho i loleka ku mundu kuva inungi; Navutswa kiheri kyayo ki veye tsinzira tsyelikudza.

Tsing'ano 15:2

Ululimi lwomugeeri lu volanga limanya lilungi; Navutswa munwa gwomusiru gu sundulanga ubusiru.

Tsing'ano 16:10

Likalaga lilahi li vedzanga mu minwa gyomwami; Munwa gwigwe si gu la hyola mu likalaga.

Tsing'ano 16:25

I veye ho inzira i lolekanga ku mundu kuva inungi, Navutswa kiheri kyayo ki veye tsinzira tsyelikudza.

Tsing'ano 19:1

Mudaka u gendanga mu bulungi bwibwe a veye mulahi Kuvita weminwa gyigye gyi veye mikyamu naye a veye mu siru.

Tsing'ano 21:26

A veye ho mwimani u kayirangwa mbasu bei; Navutswa mulungi a haananga na a vula kwimana.

Isaya 1:13

Mu ta leta kandi visyuviriru vya vutswa; kimuli ki sambwa ki veye kyokumbihiridza; kulonda mweli muhya, ne lisabato, nokuvugana, inze si nyala kubugirira ubudamano nelivugana lyelisalisa.

Isaya 44:20

Uyu a litsanga ligoke; mwoyo gwa gadwa gu mu girunkannyi haluvega; si a nyala kwehonnya mwene, kandi si nyala kuvola, Inze si mbeye nobubehi mmukono gwange mulungi?

Malaki 3:14

Mwinye mu vola, Litumekira Nyasaye si li veye nevya mbeti; kandi lilinda lya kwinye ku linda bulindi bwibwe li konya ki, na ligenda lyokugenda neliverera imbiri wa Yahova wa mahe, li konya ki?

Matayo 15:9

Navutswa va nsigamira vutswa, Na vegidza migidzo ga vandu.

Marko 7:7

Navutswa lisigama lyavo li veye lya vutswa, Vegidza miima gyavandu kuva megidzo gavo.

Luka 8:18

Kigira yaga mwilinde kuli mu hulira: kigira u veve nakyo, a la hebwa; no ta veye nakyo, a la nyagwa kya a ganagana a veye nakyo.

1 Vakorintho 15:15

Kandi kwinye ku loleywi kuva avaloli vobubehi va Nyasaye; kigira kwa lolekidza ku Nyasaye ya simugukidza Kristo wa ya vula kusimugukidza, avakudzu ni va va ni va vula kusimugukidzwa.

1 Vakorintho 15:2

kandi niyo ya mu honnyeywi mu, ni mu gumira ligali likuva lya nda mwilwadzira, ni mu ta mwa suuvira vutswa.

1 Vakorintho 3:18

Ku vosi mundu kali mulala a tegada. Ku vosi mundu na a va na a ganagana a veye mugeeri ku mwinye mu tsinyinga yitsi, a gwe musiru, a duke kugwa mugeeri.

Vagalatia 2:6

Navutswa ava volwa va veye avanene (va li nobunene ki si ki veye kindu ku inze: Nyasaye si a bugirira ligondo lyomundu) yava ava volwa va veye kindu si va dasa ku inze kindu:

Vagalatia 2:9

navo lwa va manya tsimbabasi tsya nda hebwa, Yakobo na Kefa na Yohana, yava ava volwa kuva tsitiru, va ha inze kandi Bara naba makono malungi agobusangi, kwinye ku tsie ku Tsihiri, navo va tsie ku vakevwa;

Vagalatia 3:4

Mu saliridzwe vindu vinyingi vya mu gwira vutswa? Ni ga va ni ga veye ga vutswa ligali.

Vagalatia 6:3

Kigira mundu ni yeganagana a veye kindu inyinga ya a ta va kindu, yegada mwene.

Vafeso 4:29

Likuva lidamano kali lilala li ta twula minwa gyenyu, navutswa yili li veye lilahi ku lyombaka, kuli lyenya li veye, kandi li duke kuha yava ava hulira liverererwa.

Vafeso 5:4

kandi kifwabwi, kinga kuvola vya vutswa, kinga kukupa tsimbaka tsindamano, vi ta li vilahi: navutswa nubulahi kusantidza.

Kwidzulitsa 11:16

Mwelinde mwinye avene, gase myoyo gyenyu gyi la gadwa, nokugirunkana, nokutumekira avanyasaye vandi, nokuvasigamira;

Vakolosai 4:6

Livola lyenyu li ve netsimbabasi madiku gosi, li hambiridzwe nomunyu, mu duke kumanya kuli ga mu dukira kutivuiira mundu sa mulala.

Yakobo 1:19

Avamitu avayanze, mu manya likuva yili. Navutswa mundu sa mulala a ve mwangu kuhulira, nomwihuliridzi ku livola, mwikudziri ku butima:

Yakobo 1:22

Navutswa mu ve avakoli velikuva, mu ta va avahuliri vutswa navigadi avene.

Yakobo 2:20

Navutswa u la manya, Ive mundu u ta li kindu, lisuuvira bugira likola li veye ligumba?

1 Petro 3:10

Kigira, Uyu u li yanza livamwoyo, Nokulola madiku malahi A gaye lulimi lwilwe ku budamano, Kandi minwa gyigye ku livola ubugadi: