Yakobo 1:25 - KITABU KITAKATIFU

²⁵ Navutswa uyu u henzanga malago madukiru ageliboholola, nokumenya mu, uyu si a veye muhuliri wivirira navutswa mukoli wemiyinzi, mundu uyu a la va nobugasu ku likola lilye.

Yakobo 1:25 ပူးပေါင်းရင်းမြစ်များ

Zaburi 106:3

Va veye nobugasu ava gumira likalaga lilungi Na uyu u kolanga ubulungi tsinyi nga tsyosi.

Zaburi 119:32

Nda nyagula ku inzira yamalago gogo, Lwa u li nenehidza mwoyo gwange.

Zaburi 119:45

Kandi nda genda mu ubwiyangu; Kigira nyenyi megidzo gogo.

Tsing'ano 14:15

U ta manya a suuvira makuva gosi; Navutswa wobugeeri a henzanga ligali ligenda lilye.

Isaya 8:20

Mu tsie ku malago nokulilolekidza ni i va va ta vola ga leng'ana ne likuva yili, ligali ubulavu si bu veye kuvo.

Luka 11:28

Navutswa ya vola, Yee, navutswa va veye nobugasu ava hulira likuva lya Nyasaye, na va li gumira.

Yohana 13:17

Mwinye ni mu manya vindu yivi, mu veye nobugasu ni mu vi kola.

Yohana 8:36

Kigira yiki Mwana na a va na a mu boholola mu la va avabohololwi veligali.

Vikolwa 13:43

Livugana lwa lyavukana, Avayuda vanyingi navizamiri valahi va londa Paulo na Baranaba; ava volerana navo ni va veganehidza va menye mu tsimbabasi tsya Nyasaye.

Vikolwa 2:42

Ni va hongera mu megidzo gavatumwa nomu lisanga, nomu limegannya ubukima, nomu lisaala.

Vikolwa 26:22

Navutswa kigira nda nyola ubuhonnyi bwa twula ku Nyasaye, nsingira hano kuduka kali lero nokulolekidzira avakekeke navanene, kandi si mbola kindu, geng'ine ga vyavaprofeti na Musa va vola vi ladza;

Varumi 11:22

U henze ubulahi nobululu bwa Nyasaye: ku yavo ava gwa ubululu; navutswa ku ive ubulahi bwa Nyasaye, nu u va nu u menya mu bulahi bwibwe: navutswa ni ga ta veye ndiyo ive kandi u leseganwa.

Varumi 2:13

kigira si va li ava huliranga lilaga ava veye nobulungi imbiri wa Nyasaye, navutswa yavo ava kolanga lilaga nivo ava li volwa va veye nobulungi;

Varumi 7:12

Na ndiyo lilaga li veye litakatifu, kandi amalago ga veye matakatifu, kandi malungi, kandi ma lahi.

Varumi 8:15

Kigira si mwa vugula roho gwobutugwa gu duke kandi mu butii; navutswa mwa vugula roho gwelibugirirwa kuva avana va Nyasaye. Ku yigu, gwa kwanirira ku, Abba, Dada.

Varumi 8:2

Ki gira lilaga lya Roho welivamwoyo mu Kristo Yesu li mali kumboholola kutwula mu lilaga lyobwoni nelyelikudza.

1 Vakorintho 15:58

Kunangwa avamitu ava yanze vange, mu dinye, mu ta nyalika kusundwa, mu kole miyinzi gye Mwami nobugulu tsinyinga tsyosi, kigira mu manya liyinzira lyenyu si li veye lya vutswa mu Mwami. Kalunu ku isadaka i vungidzi.

2 Vakorintho 13:5

Mwehenze mwinye avene, ni mu va ni mu veye mu lisuuvira; mwegeridze mwinye avene. Naho si mu manya amakuva genyu avene, Yesu Kristo a veye mu mwi nve? Ni ga ta li mwa sulwa.

Vagalatia 2:4

navutswa kigira avamitu vobubehi ava letwa makiriri, avingira makiriri kuluta libohololwa lyetu lya ku veye nalyo mu Kristo Yesu, va duke kukuvika mu butugwa:

Vagalatia 5:1

Mu libohololwa lya Kristo ya ku boholola nalyo, mu singire mu budinyu, kandi mu ta gumirwa hali kaviri nenira yobutugwa.

Vagalatia 6:2

Mu konyane ku maliduhu mundu sa mulala nowakye, na ndiyo mu la dukidza miima gya Kristo.

Vakolosai 1:23

ni mu va ni mu menya mu lisuuvira, nokuvikwa muse kuli vikongo, nokuva nobwidinyiridzi, kandi mu ta girunkanywa mu myoyo kuleka lisuuviridzwa lyevangeli lya mwa hulira, yilwadzwa mu vilombe vyosi vi veye musi mweligulu; ya inze Paulo nda kolwa mutumwa.

1 Timoteo 2:15

navutswa a la honnyirwa ku livula avana, ni va va va menya mu lisuuvira nomu buyanzi nomu butakatifu nomu lyelinda.

1 Timoteo 4:16

Welinde mwene, kandi u linde lyegidza lilyo. U menye mu vindu yivi; kigira mu likola yaga u lehonnya mwene, kandi ava ku hulira.

Vahebraina 12:15

mu henze bulahi gase a la va ho mundu kali mulala u geheye tsimbabasi tsya Nyasaye; gase kitinya kyobululu ki la sibuka nokumunyangidza, na ku yiki vanyingi va kolwe vadamano;

Yakobo 2:12

Mu vole ndiyo, nokukola ndiyo kandi, kuli avandu va li kalagirwa ku malago gelibubohololwa.

1 Petro 2:16

Kuli avaboholole navutswa mu vuli kutumekira libohololwa bwenyu bu ve kikuniko kyobudamano, navutswa kuli avatagwa va Nyasaye.

1 Yohana 2:24

Mwinye aga mwa hulira kutwula mu litanga, mu ga leke ga menye mu mwinye. Aga mwa hulira kutwula mu litanga, ni ga menya mu mwinye, mu la menya mu Mwana, nomu Dada.

Likunula 14:13

Kandi nda hulira mwoyo gwa twula migulu, gu vola, U ng'ode, Va veye nobugasu avakudzu ava kudziranga mu Mwami kutwula kalunu: yee, Roho a volanga, va duke kusosa kutwula mu miyinzi gyavo; kigira miyinzi gyavo gyi londekana navo.

Likunula 22:14

Va veye nobugasu avogidzanga tsingubo tsyavo, va duke kuva netsingulu kuduka ku musala gwelivamwoyo, nokwingira mu viribwa kuduka mu lidala.

1 Samweli 12:14

Ni mu va ni mu tia Yahova, nokumutumekira, nokuhulira mwoyo gwigwe, ni mu yula kutinguha ku lilaga lya Yahova, kandi ni mwinye halala nomwami wamehanga ku mwinye ni mu va avalondi va Yahova Nyasaye wenyu, nobulahi: