Yakobo 1:21 - KITABU KITAKATIFU

²¹ Kigira yaga ku livika ha luvega kifwabwi kyosi, nobunyingi bwobudamano, mu vugule nobuhooma likuva li simikangwa li nyala kuhonnya myoyo gyenyu.

Yakobo 1:21 ပူးပေါင်းရင်းမြစ်များ

Zaburi 25:9

A limirira avahoma mu bulungi; Na a legidza avahoma inzira yeye.

Isaya 2:20

Mu lidiku yilyo avandu va la sikisira tsimbuku na manyinya, vifwananyi vyavo vyefetha na vyethahabu, vya velombera avene kusigamira;

Isaya 29:19

Avahokya va la meda ubusangali bwavo mu Yahova, navadaka mu avandu va la sangala mu Uyu Mutakatifu wa Israeli.

Isaya 30:22

Na mu lononnya kyakunika ku vifwananyi vivyo vya vadzwa vyefetha, na kyafuma ku vifwananyi vivvo vya longwa vyethahabu: u la vi syuva kuli kindu kidamano; na u la vola, Twula hano.

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Ezekieli 18:31

Mu te amahyolo ge nyu gosi, aga mwa hyola mugo; mwelombere myoyo mihya na roho muhya: kigira ki mu la kudza, O inyumba ya Israeli?

Ezekieli 36:25

Na nduha ama dzi malahi ku mwinye, na mu la va avanifu: nda mwogidza ububi bwenyu bwosi, na vifwananyi vyenyu vyosi.

Zefania 2:3

Mwenye Yahova, mwinye vosi avahokya velirova, ava gumiranga likalaga lilye; mwenye ubulungi, kandi mwenye ubuhokya: namusia mu la viswa mu lidiku lyobutima bwa Yahova.

Matayo 5:5

Va veye nobugasu ava veye nobuhooma: kigira va la va nemiyandu gyelirova.

Yohana 6:63

Ni roho gu haana livamwoyo; inyama yomubiri si i konya kindu: amakuva ga mmu voleye ga veye roho, kandi livamwoyo.

Yohana 6:68

Simoni Petro ya mu tivulira, Mwami, ku tsia ku bwaha? Ive u veye namakuva gelivamwoyo li ta hera mba.

Vikolwa 10:33

Nonoho nda tuma avandu ku ive; na ive u koli bulahi udzi. Kalunu kwinye kwosi ku veye hano imbiri wa Nyasaye, kuhulira gosi go Mwami a ku laga.

Vikolwa 13:26

Mwinye avamitu, avana velikula lya Abrahamu, navo ku mwinye ava tia Nyasaye, likuva lyobuhonnyi yibu li letwa ku kwinye.

Varumi 1:16

Kigira si mbeye soni nevangeli, kigira i veye tsingulu tsya Nyasaye i duke ku buhonnyi ku vosi ava suuvira, kutanga ku Vayuda kandi ku Vagreki.

Varumi 11:17

Navutswa tsisya tsindi ni tsi vunanywa, nive u veye mzeituni gwomulitu wa hambanywa hagati havo, kandi wa sanga halala navo kitinya kyobunetu bwomzeituni;

Varumi 6:17

Navutswa Nyasaye a santidzwe, kigira kuli lwa mwa li avatugwa vobwoni mwa hulira nemyoyo gyenyu lugano lwelyegidza yilyo lya mwa vikwa mu;

1 Vakorintho 15:2

kandi niyo ya mu honnyeywi mu, ni mu gumira ligali likuva lya nda mwilwadzira, ni mu ta mwa suuvira vutswa.

2 Vakorintho 7:1

Kunangwa kigira ku v eye nelisuuviridza yili, avayanze vange, kwelombe kutwula ku ubudamano bwosi bwomubiri nobwomwoyo, mudukidze ubutakatifu mu ubutii bwa Nyasaye.

Vafeso 1:13

Muye mwinye kandi, lwa mu mali kuhulira likuva lyeligali, nalyo nevangeli yobuhonnyi bwenyu, lwa mwa mala kumusuuvira mwa vikwa muhuri gwa Roho Mutakatifu welisuuviridza,

Vafeso 4:22

ku lugano lwe vindu vyelimenya lya kale, mu twulidze mundu wa kale, wonekanga kigira likayirwa lyobugadi;

Vafeso 4:25

Kigira yaga mu sule ububehi, sa mulala a volere wakye ageligali: kigira ku veye vivero avene navene.

Vafeso 5:4

kandi kifwabwi, kinga kuvola vya vutswa, kinga kukupa tsimbaka tsindamano, vi ta li vilahi: navutswa nubulahi kusantidza.

1 Vatesalonike 1:5

kigira ivangeli yetu si ya duka ku mwinye mu amakuva amere, navutswa mu tsingulu, nomu Roho Mutakatifu, nomu limanyiridza linyingi; kuli wa mu manya lugano lweliva lyetu ku mwinye kigira mwinye.

1 Vatesalonike 2:13

Kigira yaga kwinye kandi ku santidzanga Nyasaye bugira kulekera, kigira lwa mwa nyola ku kwinye likuva lyobutumwa nalyo ni likuva lya Nyasaye, mwinye si mwa li gumira kuli li veye likuva lyavandu, navutswa kuli li veye ligali likuva lya Nyasaye, li kola kandi mu mwinye ava suuvira.

Tito 2:11

Kigira tsimbabasi tsya Nyasaye tsi mali kuloleka, tsi letanga ubuhonnyi ku vandu vosi,

Vahebraina 12:1

Kunangwa kigira yaga, kwinye kandi kigira ku lola ku kumbiridzeywi nelilesi linene lyavalolekidzi, ku vike ha luvega imisigo gyosi miliduhu, nobwoni bu ku kumbiridza ligali, ku nyagule nobwikudziri ku ligerana li vikeywi imbiri wetu,

Vahebraina 2:3

kwinye ku la hona ndi ni ku va ni ku legeridza ubuhonnyi ubunene ndi? Bwo Mwami ya tanga kuvola, kandi bwa yava ava bu hulira va bu kola bwetsingulu ku kwinye;

Vahebraina 4:2

Kigira kwinye kwilwadzwa ivangeli kuli yavo, navutswa likuva lya va hulira si lya va konya, kigira va vula ku tsuganya lisuuvira halala nelihulira.

Yakobo 4:8

Mwisunde himbi ku Nyasaye, naye a lisunda himbi ku mwinye. Mu lavidze makono genyu, mwinye avoni; mu takase myoyo gyenyu, mwinye avemyoyo gyiviri.

Yakobo 5:20

a manye uyu u girunkannya mwoni kutwula mu ligovera lyenzira yeye, a la honnya mwoyo gwomundu mu likudza, nokukunika ubwoni bunyingi.

1 Petro 1:22

Kigira mu mali kwitakasa myoyo gyenyu mu lihulira ageligali, kuduka ku liyanza avamitu li ta li nobugadi, mu yanzane avene navene ligali mu mwoyo.

1 Petro 1:9

nokunyola ubudukiru bwelisuuvira lyenyu, livola li veye ubuhonnyi bwemyoyo gyenyu.

1 Petro 2:1

Kunangwa ku li vika ha luvega ubudamano bwosi, nobusyemi bwosi nobugadi, nembodoka, nelivola lyosi lidamano,

1 Petro 2:11

Avayanze, ng'oonya mwinye avamenyi kandi avageni, mwiyahule ku likayirwa lyomubiri, li hing'ana nomwoyo;