Yakobo 1:19 - KITABU KITAKATIFU

¹⁹ Avamitu avayanze, mu manya likuva yili. Navutswa mundu sa mulala a ve mwangu kuhulira, nomwihuliridzi ku livola, mwikudziri ku butima:

Yakobo 1:19 ပူးပေါင်းရင်းမြစ်များ

Nehemia 8:18

Halala na yaga lidiku nelidiku, kutwula ku lidiku lyoku tanga kuduka ku lidiku lyekiheri, ya soma mu kitabu kyelilaga lya Nyasaye. Na va singeridza lisavo madiku gatano na gaviri; noku lidiku lya gatano na kavaka ha li nelivugana lyokwegehidza ligali kuli lilaga.

Nehemia 9:17

na va sula kugakola, kandi si va ganagana vyokugenya vya wa kola hagati havo, navutswa va kola amagoti gavo kuva madinyu, nomu bwebaali bwavo ve tovolera munyampara va duke kwira na mu butugwa bwavo. Navutswa h ive u veye Nyasaye wetegeki kusame ha, wetsimbabasi, na wizula liverere ra, wa galaha ku butima, nowobunyi ngi bwetsimbabasi, si wa va leka mba.

Nehemia 9:3

Na va singira mbugono bwavo, ni va soma mu kitabu kyelilaga lya Yahova Nyasaye wavo kidonye kya kane kye lidiku; kandi kidonye kindi kya kane kyelidiku veyama, nokusigamira Yahova Nyasaye wavo.

Ayubu 32:16

Na inze ninde, kigira livula kuvola lyavo, Kigira va singira makiriri, si va tivula kandi?

Tsing'ano 10:19

Mu bunyingi bwamakuva si ga vula kuva mu mahyolo Navutswa uyu u gayanga minwa gyigye, a veye wobugeeri.

Tsing'ano 13:3

Uyu u lindanga munwa gwigwe a lindanga livamwoyo lilye; Narutswa uyu u kunulanga minwa gyigye a la nyola lidiva.

Tsing'ano 14:17

Uyu u vihirirangwa bwangu a la kola agobusiru; Na mundu wetsiganagani tsindamano a dunyirangwa.

Tsing'ano 14:29

Uyu mwikudziri wobutima a veye nelimanya linene; Navutswa uyu womwoyo gwa bwangubwangu a kuminyanga ubusiru.

Tsing'ano 15:18

Mundu mululu a viridzanga lihing'ana; Navutswa uyu mwikudziri wobutima a gayidzanga lihing'ana.

Tsing'ano 15:2

Ululimi lwomugeeri lu volanga limanya lilungi; Navutswa munwa gwomusiru gu sundulanga ubusiru.

Tsing'ano 16:32

Uyu mwikudziri ku butima a veye mulahi kuvita avaluviriri; Na uyu wamehanga mwoyo gwigwe a veye mulahi kuvita u vugulanga lidala.

Tsing'ano 17:14

Litanga lyelihing'ana li veye kuli mundu a hudulanga ha amadzi ga veye: Kunangwa mu leke lihangalidzana lwa li kikiri kuva ubulwani.

Tsing'ano 17:27

Uyu u gehidza makuva gege a veye nelimanya; Na uyu u veye nomwoyo gwa galaha a veye mundu welimanya.

Tsing'ano 18:13

Uyu u tivulira lwa a kikiri kuhulira, Ga veye ubusiru na tsisoni kuye.

Tsing'ano 18:21

Likudza na livamwoyo vi veye mu tsingulu tsyolulimi; Navo ava lu yanza va la lia makuyu galwo.

Tsing'ano 19:11

Liganagana bulahi lyomundu li mu kola kuva mwekudziri ku butima; Na bu veye ubukumi bwibwe kusunda mahyolo.

Tsing'ano 19:19

Mundu wobutima bunene a la ginga kivi kikye; Kigira nu u va nu u mu honnya ga la ku dukira kukola hali kaviri.

Tsing'ano 21:23

Ku vosi uyu u gayanga munwa gwigwe na ululimi lwilwe Yelinda mwoyo gwigwe ku lidambidzwa.

Tsing'ano 25:28

Uyu womwoyo gwigwe gu ta veye neligaywa A veye kuli lidala li tsomwa hasi, na si li veye nelidigi.

Tsing'ano 29:20

U lola mundu welikola bwangu bwangu ku makuva gege? Ha veye nelisuuviru ku musiru kuvita uyu.

Livalidza 22:27

Na isukiri ya lola ingelosi wa Yahova, na ya gona hasi isi wa Balaam: na ubutima bwa Balaam bwaaka na ya kuya isukiri nempimbo yeye.

Matayo 5:22

navutswa inze mmu volera, ku vosi u vihirirwa amwavo wewe yenya kukalagirwa; kandi ku vosi u volera amwavo wewe, Thu, yenya kuyalwa; kandi ku vosi u mbolera, Kisiru ive, yenya kuduka mmuliru gwegehena.

Marko 12:37

Daudi mwene ya mu gulika Mwami; a nyala ndi kuva mwana wewe? Vanyingi ku vandu va mu hulira nobuyanzi.

Marko 2:2

Nonoho vanyingi va vugana va luha va vula kunyola ha vikaia, kali ha kiliango; na a va volera likuva.

Luka 15:1

Avasolola ubushutu navoni vosi va li ni visunda kuye va duke kumuhulira.

Luka 19:48

navutswa si va nyala kulola ga va nyala kukola; kigira avandu vosi va dinya kuye ni vihuliridza.

Vikolwa 1:15

Mu madiku yago Petro ya singira mu vamwavo hagati (va li avandu vosi halala va duka mia indala na makumi gaviri), na a vola,

Vikolwa 10:33

Nonoho nda tuma avandu ku ive; na ive u koli bulahi udzi. Kalunu kwinye kwosi ku veye hano imbiri wa Nyasaye, kuhulira gosi go Mwami a ku laga.

Vikolwa 13:48

Avetshihri lwa va hulira yaga va tsantsalika ni vidzominya likuva lya Nyasaye: ni va suuvira vosi ava vikwa ku livamwoyo li ta hera mba.

Vikolwa 17:11

Yava va li kukuminywa kuvita ava Tesalonike, kigira va bugirira likuva bwangu, ni venya kazozo mu mang'oda kulola amakuva ga ve ageligali naho.

Vikolwa 2:42

Ni va hongera mu megidzo gavatumwa nomu lisanga, nomu limegannya ubukima, nomu lisaala.

Vafeso 4:26

Mu vihirirwe, kandi mu ta kola ubwoni; mu ta leka liuva li yere ni mu veye nobutima:

Vafeso 4:31

Ubululu bwosi, nobutima, nelivihirirwa, neliyoga, namanyego, vi twu lidzwe ku mwinye, halala nembodoka yosi:

Vakolosai 3:15

Kandi mu leke mirembe gya Kristo gyamehe mu myoyo gyenyu, mwinye mwa langirwa mu mubiri mulala mu duke kugyinyola, kandi mu ve nelisantidza.

Vakolosai 3:8

Navutswa kalunu mwinye kandi mu te vyosi ihale: ubutima, nelivihirirwa, nembodoka, namanyego, namakuva madamano mu minwa gyenyu:

1 Vatesalonike 2:13

Kigira yaga kwinye kandi ku santidzanga Nyasaye bugira kulekera, kigira lwa mwa nyola ku kwinye likuva lyobutumwa nalyo ni likuva lya Nyasaye, mwinye si mwa li gumira kuli li veye likuva lyavandu, navutswa kuli li veye ligali likuva lya Nyasaye, li kola kandi mu mwinye ava suuvira.

Yakobo 1:16

Mu ta gadwa mba, avamitu avayanze.

Yakobo 1:2

Mu lole bu veye ubuyanzi bwere, avamitu, inyinga mu gwa mu ligeridzwa tsing'ano netsing'ano.

Yakobo 1:26

Mundu ni yeganagana a veye wedini, naye na a ta boha lulimi lwilwe nelijamu, navutswa a gada mwoyo gwigwe, mundu uyu, idini yeye neya vutswa.

Yakobo 2:1

Avamitu, mu ta va nelisuuvira lyo Mwami wetu Yesu Kristo uyu niye Mwami wobukumi, nelyeridza ku vandu.

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

Yakobo 3:10

ligasidza nelilaama li twula ku munwa mulala. Avamitu, si bu li bulahi vindu yivi vi ve ndiyo.

Yakobo 4:11

Mu ta monyana avene navene, avamitu, Uyu u monya amwavo wewe, kinga kumukalagira, a monya malago, kandi a kalagira malago: navutswa ive nu u kalagira malago, si u veye mukoli wamalago, navutswa u veye mukalagi.

Yakobo 5:12

Navutswa kuvita vyosi, avamitu, mu tisuha ku ligulu kinga lirova kinga lisuha lindi ku lyosi: navutswa yee wenyu a ve yee, kandi auwa wenyu a ve auwa, gase mu la gwa mu likalagirwa.

Yakobo 5:19

Avamitu, mulala ku mwinye na a gota nokuleka ageligali, na wundi na a mu girunkannya;

1 Yohana 2:21

Si nda mu ng'odera kigira mu vula kumanya ageligali navutswa kigira mu ga manya, kandi kigira si ha li nobubehi kali bulala bu twula ku ageligali.