Yakobo 1:17 - KITABU KITAKATIFU

¹⁷ Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

Yakobo 1:17 ပူးပေါင်းရင်းမြစ်များ

Litanga 41:16

Na Yosefa ya tivulira Farao, na a vola, Si ga veye mu inze: Nyasaye a la ha Farao litivula lyemirembe.

1 Kyetsinyinga 22:12

Na Yahova a ku he tsiganagani nelimanya, kandi a ku he lyeganehi dza ku Israeli; ku yaga u duke kugu mira amalago ga Yahova Nyasaye wowo.

1 Kyetsinyinga 29:19

na u he Solomoni mwana wange mwoyo mudukiru, a duke kugumira lilagana lilyo, nelilolekidza lilyo, namalago gogo, nokukola vindu yivi vyosi, nokwombaka inyumba yobwami yiyi, ya nda vikira akiba yiyi.

Zaburi 102:27

Navutswa ive u veye mulala mwere Na mihiga gyigyo si gyi veye nekiheri mba.

Zaburi 122:6

Mu saalire Yerusalemi mirembe: Va la gasidzwa ava ku yanza.

Zaburi 136:7

Ku uyu wa lomba bulavu bunene; Kigira tsimbabasi tsitsye tsi veye ho mihiga nemihiga:

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Zaburi 85:12

Yee, Yahova a la haana kyobulahi; Na kivala kyetu ki la haana lyama lyakyo.

Tsing'ano 2:6

Kigira Yahova a haananga ubugeeri; Limanya na limanyeridza ri twulanga ku munwa gwigwe.

Isaya 28:26

Kigira Nyasaye wewe a mu laga nga bulungi, nokumwegidza.

Isaya 45:7

Inze nomba ubulavu, nokukola kisundi; nda leta mirembe, na nda lomba bubi inze mbeye Yahova, wa kola vindu yivi vyosi.

Isaya 46:10

u lolekidzanga kiheri kutwula ku litanga, kandi kutwula ku matsyambiri nda vuula vindu vi kikiri kukolwa; ni mbola, Makuva gange ga la singira, na nda kola vyosi vya nyanzanga;

Isaya 60:19

Liuva li la vula kuva ubulavu bubwo kandi inyinga yombasu; kandi ku bung'e reng'anu yibwo mweli si gu la ku ha ubwaaku kandi: navutswa Yahova a la va ubulavu bwemihiga nemihiga ku ive, Nyasaye wowo a la va bukumi bubwo.

Malaki 3:6

Kigira inze, Yahova, si ngirunkannyangwa mba; kigira yaga mwinye, avana va Yakobo, si mu sambwa mba.

Livalidza 11:17

Na inze ndika nokuvolerana nive ha zana: na nda vugula ku Roho u veye ku ive, nokuvika kuvo, navo va Ia ginga musigo gwa avandu halala nive, ive u vule kuguginga weng'ine.

Livalidza 11:25

Na Yahova yika mu lilesi, na a mu volera, na a vugula ku Roho wa li ku Musa, na a mu vika ku avakulundu makumi gatano na gaviri: na ga duka, lwa Roho yika kuvo, va profeta, navutswa si va kola ndiyo kandi.

Livalidza 23:19

Nyasaye si a veye mundu, a vole ububehi, Kandi si a veye mwana womundu, yeganire: A vole, ma a vule kukola? Kinga u tivuye likuva, na a la vula kulidukidza?

Matayo 7:11

Mwinye ava veye avadamano, ni mu manya kuha avana venyu vindu vilahi, nasindi Dada wenyu u veye migulu a la kira kuhaana vindu vilahi kuvo ava msaala?

Luka 11:13

Mwinye ava veye avadamano, ni mu manya kuha avana venyu vihaanwa vilahi, na si ndi Dada wenyu u veye migulu a la vitira kuli ha kuhaana Roho Mutakatifu kuvo ava mu saala?

Yohana 1:9

Bwa li ho ubulavu bweligali, bwingira mu lirova ni bu ha avandu vosi ubulavu.

Yohana 3:27

Yohana ya tivula na a vola, Mundu si a nyala kuvugula kindu na a ta hebwa ki twula migulu.

Yohana 3:3

Yesu ya tivula na a mu volera, Ligali, ligali, nku volera Mundu na a tivulwa livulwa lyomigulu, si a nyala kulola ubwami bwa Nyasaye.

Yohana 8:12

Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.

Vikolwa 11:18

Kandi lwa va hulira yaga va kiring'ana, ni vidzominya Nyasaye, ni va vola, Kali ku Tsihiri, Nyasaye u mali kuvaha Iveganira li leta livamwoyo.

Vikolwa 5:31

Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

Varumi 6:23

Kigira madanyi gobwoni ni likudza; navutswa kihaanwa kya Nyasaye ki veye livamwoyo lyemihiga nemihiga mu Kristo Yesu Mwami wetu.

1 Vakorintho 4:7

Kigira nibwaha wavukannya ive? Kandi u veye na kindu ki kya wa vula kuhebwa? Navutswa ive nu u va ni wa hebwa wiidzominyira ki kuli wa vula kuhebwa?

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

Vafeso 1:18

tsimoni tsyemyoyo gyenyu tsi lavidzeywe, mu duke kumanya lugano lwelisuuvira lwelilanga lilye, kandi lugano lwobutugi bwobukumi bwemiyandu gyigye mu vatakatifu,

Vafeso 2:8

Kigira mu honnyeywi netsimbabasi kigira lisuuvira; nalyo si lya twula ku mwinye avene, li veye kihaanwa kya Nyasaye;

Kwidzulitsa 4:19

kandi gase u la ginga tsimoni tsitsyo migulu, na inyinga u lola liuva nomweli netsing'ereng'ani, kali lihe lyosi lyomigulu u la gotidzwa na u la vi sigamira, nokuvitumekira, yivi vya Yahova Nyasaye wowo ya gavanya ku tsihiri tsyosi tsi veye isi weligulu lyosi.

Vafilipi 1:29

Kigira ku mwinye mwa hebwa kigira Kristo, si ga li ku lisuuvita kuye lyeng'ine, navutswa kandi kusalirira kuye:

1 Timoteo 6:16

u veye neliwla kukudza yeng'ine, u menyanga mu bulaw obu tisundwa himbi; womundu a ta lola kali mulala, kandi si ha veye nomundu u nyala kumulola: kuye lidzominywa netsingulu tsi ve kuye mihiga nemihiga. Amini.

Vahebraina 13:8

Yesu Kristo a veye lero nolwave, yee, kuduka mihiga nemihiga, mulala mwere.

Yakobo 1:5

Navutswa mulala ku mwinye na a va na a daki ubugeeri, a saale Nyasaye, u hedzanga avandu vosi nobuhaani kandi si a vunzulanga: naye a la hebwa.

Yakobo 3:15

Ubugeeri yibu si bu veye bu twulanga igulu, navutswa nobwa hasi, nobwomwoyo gwomundu, nobwa mademone.

Yakobo 3:17

Navutswa ubugeeri bu twulanga igulu, mu litanga bu veye buniiu, nobwemirembe, nobwobuhokya, nobwobuhuliridzi, nobwezuye tsimbabasi na makuyu malahi, obu ta li nelyahulannya, obu ta li nobugadi.

1 Yohana 1:5

Yaga namakuva ga kwa hulira kuye, naga ku mwilwadzira, Nyasaye a veye bulavu, kandi si a veye nekisundi muye kali hakuzu.

1 Yohana 4:10

Ubuyanzi bu veye ku yaga, kigira si kwa li kwinye kwa yanza Nyasaye, navutswa niye wa ku yanza, na a tuma Mwana wewe kuva kyokwisayasayira ku bwoni bwetu.

Likunula 21:23

Kandi lidala zana si li veye nelyenya liuva, kinga mweli, okwaaka kulyo: kigira ubukumi bwa Nyasaye bwa li lavidza, kandi itaya yalyo i veye Mwana Weligondi.

Likunula 22:5

Kandi ubudiku si bu la va ho kandi mba; kandi si va veye nelyenya ubulavu bwetaya, kinga ubulavu bweliuva; kigira Mwami Nyasaye a la va laviranga: kandi va lameha mihiga nemihiga.

1 Samweli 15:29

Na kandi kuvita yaga, Munyali wa Israeli si a la veha kinga si a leganira; kigira si a veye umundu, a duke kweganira.