Yakobo 1:12 - KITABU KITAKATIFU

¹² A veye nobugasu wikudziranga mu ligeridzwa: kigira na a mali kubugirirwa a la nyola itaji yelivamwoya yo Mwami ya lagira yavo ava mu yanzanga.

Yakobo 1:12 ပူးပေါင်းရင်းမြစ်များ

Litanga 22:1

Inyima wevindu yivi, Nyasaye ya geridza Abrahamu, na a mu voiera, Abrahamu; naye ya bugira yo Mbeye hano.

Nehemia 1:5

nda vola, O Yahova, Nyasaye womigulu, Nyasaye munene wokutihidza, wokudu kidza lilagana netsimbabasi ku yavo ava mu yanza nokugumira amalago gege, nku goonya, mwadza:

Ayubu 2:10

Na vutswa Ayubu ya volera mukali wewe, na a vola, Ive u volanga kuli mulala ku vakali vasiru a volanga. Ni ki ndiki? Ku nyole bulahi mmukono mwa Nyasaye, na ku vule kunyola ububi? Mmakuva yaga gosi Ayubu si ya kola bwoni neminwa gyigye mba.

Ayubu 5:17

Henza, a veye nobugasu mwldu wa Nyasaye a hedzanga mageli: Kigira yaga u ta lega amageli go Wanyala Vyosi.

Zaburi 11:5

Yahova a geridza avalungi; Navutswa mwoyo gwigwe gu dunyira mudamano, na uyu u yanza kirage.

Zaburi 119:67

Lwa nkikiri kusaliridzwa nda gendagenda; Navutswa kalunu ng'umiranga likuva lilyo.

Zaburi 119:71

Ga veye malahi ku inze kusaliridzwa; Nduke kwegidzwa amalago gogo.

Zaburi 119:75

Mmanya, O Yahova, likalaga lilyo li veye lilungi, Na u nsaliridzi mu busuuvirifu.

Zaburi 5:11

Navutswa vosi ava suuviranga ku ive va sangale Va kupe lwanga lwobuyanzi kazozo; kigira u va kinganga: Kandi yava ava yanza lieta lilyo va sangale mu ive.

Zaburi 94:12

A veye nobugasu mundu wa ive u hedzanga amageli, O Yahova, Na wa wegidzanga amalago gogo;

Kutwula 20:6

kandi mba vera tsimbabasi ava yanza inze ni va gumira malago gange, kuduka tsielfu.

Tsing'ano 17:3

Ludavo lu veye lwefetha, na mahiga gethahabu; Navutswa Yahova a geridzangamyoyo.

Isaya 64:4

Kigira kutwula kale ava ndu va vula kuhulira, kandi si va manya na amatu, kandi imoni si ya lola Nyasaye wundi, lugano ku ive, u kolera uyu u mu lindiranga miyinzi.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Matayo 10:22

Avandu vosi va la mu dunyira kigira lieta lyange. Navutswa u dinya kuduka ku kiheri, uyu a la ka honnywe.

Matayo 25:34

Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa:

Luka 6:22

Mu veye nobugasu, mwinye, avandu lwa va li mu dunyira, kandi lwa va li mwesigana, nokumunyega, nokuta lieta lyenyu kuli li veye lidamano, kigira Mwana wa Adamu.

Varumi 5:4

kandi lyekudzira li leta libugirirwa; kandi libugirirwa li leta ubuluviriri:

Varumi 8:28

Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe.

1 Vakorintho 2:9

Navutswa kuli ga ng'odwa, Vindu vyemoni i ta lola, kandi ugutu si gu hulira, Kandi si vingira mu mwoyo gwomundu, Vindu vyosi vya Nyasaye ya lombera ava mu yanza.

1 Vakorintho 8:3

navutswa ku vosi mundu na a yanza Nyasaye, uyu a manyekana imbiri wewe.

1 Vakorintho 9:25

Ku vosi u veye neli gerana mu bukino yegayanga ku vindu vyosi. Yava va kola ndiyo va nyole itaji yonekanga, navutswa kwinye kunyola itaji i tonekanga.

Kwidzulitsa 13:3

u ta hulira amakuva gomuprofeti zana mba, kinga muloti wamaloto: kigira Yahova Nyasaye wenyu a mu geridzanga, a duke kumanya ni mu va ni mu yanzanga Yahova Nyasaye wenyu nomwoyo gwenyu gwosi naroho gyenyu gyosi.

Kwidzulitsa 7:9

Kunangwa u manye Yahova Nyasaye wowo, niye Nyasaye, Nyasaye musuuvirifu, u dukidzanga lilagana netsimbabasi ku va mu yanzanga, ava gumiranga malago gege kuduka makula tsielfu,

Kwidzulitsa 8:2

Na u lidzulitsa inzira yosi ya Yahova Nyasaye wowo ya kwimirira mihiga makumi gane mu kyangalangwi, a duke kukugehidza, nokukugeridza, a manye aga veye mu mwoyo gugwo, kuli ni wenyanga kugumira amalago gege, naho mba.

2 Timoteo 2:15

Wedinyiridze kwevika mu libugirirwa imbiri wa Nyasaye, mukoli wemiyinzi u vula kulegannywa, u tumekiranga bulungi likuva lyageligali.

2 Timoteo 4:8

Lwenyima mbikeywi itaji yobulungi, yo Mwami mukalagi wobulungi, a li mpa mu lidiku yilyo; navutswa si a li inze tsyeng'ine navutswa yava vosi ava yanza lilang'ama lilye.

Vahebraina 10:32

Navutswa mwidzulire madiku ga vita, ga mwa kolerwa mu ubulavu, mwikudzira ku mahangali manene gobusaliri;

Vahebraina 11:17

Ku lisuuvira Abrahamu, lwa ya geridzwa, ya twulidza Isaka, a ve kisyuviriru: yee, uyu ya vugula lisuuviridzwa nobuyanzi ya li na a twulidza mwana wewe muderwa;

Vahebraina 12:5

kandi mwiviriye limannywa li volerana nemwinye kuli navana, Mwana wange, u ta ganagana liha amageli lyo Mwami ni likekeke, Kinga u ta kudza mwoyo lwa a ku gondekera;

Vahebraina 6:15

Kandi ndiyo inyima wobwikudziri bwibwe ya nyola lisuuviridza zana.

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

Yakobo 5:11

Henza, ku lola yava kuva nobugasu avikudzira: mu huliye amakuva gobwikudziri bwa Ayubu, kandi mu loli litwekidza lyo Mwami, kuli Mwami wizuye tsimbabasi, nelivererera.

1 Petro 3:14

Navu tswa ni mu va ni mu saliridzwa kigira ubulungi, mu veye nobugasu: kandi mu ta tia litihidza lyavo, kandi mu ta henda myoyo;

1 Petro 4:13

navutswa kuli mu veye avasangi mu busaliri bwa Kristo, mu sangale; mu lilang'aminya lyobukumi bwi bwe mu duke kusangala nobusangali ubunene.

1 Petro 4:14

Ni mu va ni mu nyegwa kigira lieta lya Kristo, mu veye nobugasu; kigira Roho wobukumi kandi Roho wa Nyasaye a menya ku mwinye.

1 Petro 5:10

Kandi Nyasaye wetsimbabasi tsyosi wa langa mwinye mu duke kunyola ubukumi bwibwe bwemihiga nemihiga mu Kristo, lwa mu mali kusaliridzwa inyinga inkekeke, mwene a la mu kola avadukanu, nokumusingeridza, nokumuvika tsingulu.

1 Petro 5:4

Kandi Mwayi munene lwa a lang'aminywa, mu la vugula itaji yobukumi i ta kamuluka.

1 Yohana 4:19

Kwinye ku yanza kigira ya tanga kukuyanza.

Likunula 2:10

U ta tia vindu vvenya kukugwira: henza Ibilisi a veye himbi kuvika valala ku mwinye mu buhambe, mu duke kugeridzwa, kandi mu la va nelidambidzwa madiku likumi, U ve musuuvirifu kuduka likudza, na inze nda ku ha itaji yelivamwoyo.

Likunula 3:19

Ku vosi ava nyanzi, mba gayanga nokuvaha amageli: kunangwa u ve nobugulu nokweganira.

Likunula 3:21

Uyu u guutanga, kuli inze nda guuta, nokwikala halala na Dada mu intebe, nda mu ha yikale halala na inze mu intebe yange.