Vikolwa 9:36 - KITABU KITAKATIFU

³⁶ Ya li mu Yopa mwegidzwi mulala wa langwa Tabitha, ligirunkanywa lyalyo ni Dorkasi, naho Kisusu: mukali uyu ya li ni yizula miyinzi milahi na gyetsimbabasi ya kola halala nokukonya vadaka.

Vikolwa 9:36 ပူးပေါင်းရင်းမြစ်များ

2 Kyetsinyinga 2:16

na kwinye ku la tema misala kutwula Lebanon, kuduka kuli we nyanga; ku ku letere ku lyereminya ku inyanza kuduka Yopa; na ive u la gyi hila Yerusalemi.

Ezara 3:7

Kandi va leta ifetha ku avombaki noku vabadzi; na vyokulia, na vyokunwa, na ma guta, kuvo Vasidone, noku Vaturo, va lete misala gyemitaragwa kutwula Lebanon ku inyanza, kuduka Jopa, kuli Kurusi mwami wa Persia ya va ha munwa.

Tsing'ano 5:19

Kuli imboongo yobuyanzi na ingya indahi, Na tsimbeere tsitsye tsi ku duhire tsinyinga tsyosi; Na ubuyanzi bwibwe bu ve lisangala lilyo madiku gosi.

Lwimbu lwa Solomoni 2:9

Muyanze wange a veye kuli kisusu kinga imboongo isoleli: Henza, a singiranga inyima welidigi lyetu; A henzereranga mu madirisha; Yelolekidza mwene mu vibao vyomu madirisha.

Lwimbu lwa Solomoni 3:5

Nzisuhidza mwinye avakana va Yerusalemi, Ku visusu noku tsimboongo tsyomigendanyama, Mu ta sagannya, kandi mu ta vukidza muyanze wange, Kuduka a yanza mwene.

Lwimbu lwa Solomoni 8:14

U kole bwangu, muyanze wange, U ve kuli kisusu kinga kuli mboo ngo isoleli Ku vigulu vyevifunyanga mwayu.

Jona 1:3

Navutswa Jona ya vuka kwiruka kutsia Tarshishi kutwula imbiri wa Yahova; na ya sulunguta kutsia Yopa, na a lola yo liato li tsitsanga Tarshishi: ma ya tunga mitungu gyalyo, na a tsia mulyo, a tsie Tarshishi halala navo kutwula imbiri wa Yahova.

Matayo 25:17

Kandi ndiyo uyo wa hebwa viviri ya nyola vindi viviri.

Yohana 15:5

Inze mbeye muzabibu, na mwinye mu veye tsisya. Uyu u menya mu inze, na inze muye, yamanga amakuyu manyingi: kigira bugira inze si mu nyala kukola kindu kali hakuzu.

Yohana 15:8

Ku yikyo Dada wange a kuminyangwa, mwame makuyu manyingi; na mwinye mu la va avegidzwi vange.

Vikolwa 10:23

Kunangwa ya vingiridza mu inyumba, na a va ha hokugona. Mugamba ya twula na a tsia halala navo, navandu vandi ku vamitu velidala lya Yopa va tsia halala naye.

Vikolwa 10:31

naye ya mbolera, Kornilyo, lisaala lilyo li hulirwa, netsisadaka tsitsyo tsidzulitswa imbiri wa Nyasaye.

Vikolwa 10:8

kandi lwa ya mala kuvavolera vindu yivi vyosi, ya va tuma va tsie Yopa.

Vikolwa 11:13

kandi ya ku volera kuli wa ya lola ingelosi na a singiye mu inyumba yeye, na a mu volera, U tume avandu va tsie Yopa, va lange Simoni welieta lindi Petro;

Vikolwa 11:5

Nda li mu lidala lya Yopa ni nsaala: mu ligirunkanywa lyomwoyo gwange na nda lola liloto, kindu kikidzwa ku tsinziga tsine ki twula migulu kuli ingubo inene; kidza kali ku inze.

Vikolwa 9:38

Kandi kigira Luda lya li himbi na Yopa, navegidzwi va hulira Petro a veyo, va tuma avandu vaviri kuye kumusaala U ta linda, udze wetu bwangu.

Vikolwa 9:42

Ga duka kumanywa mu lidala lyosi lya Yopa: kandi vanyingi va suuvira Mwami.

Vafeso 2:10

Kigira kwinye ku veye miyinzi gyigye, kwa lomberwa mu Kristo Yesu ku duke kukola miyinzi milahi, gya Nyasaye ya tanga kulomba ku duke kugenda mugyo.

Vafilipi 1:11

mwizuywe amakuyu gobulungi aga veye kigira Yesu Kristo, kuduka ku bukumi noku lidzominywa lya Nyasaye.

Vakolosai 1:10

nokugenda kuli wa ga dukanga ku Mwami nokuduka ku liyanzidza lyosi, nokwama makuyu mu miyinzi gyosi milahi, nokumedeka mu limanya lya Nyasaye.

1 Vatesalonike 4:10

kigira mwinye mu kola likuva yili ligali ku vamwavo vosi va veye mu Makedonia. Navutswa kwinye ku mu tsuva mu kole kukira ligali;

1 Timoteo 5:10

wa lolekidzwa kuva nemiyinzi milahi; na a va ni ya leranga avana, na a va ni yingiridzanga avageni, na a va ni ya savidzanga virenge vyavatakatifu, na a va ni ya konyanga ava kupa kiva, na a va ni ya londanga miyinzi gyosi milahi nobugulu.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Tito 2:7

Ku vindu vyosi welang'aminye u ve kyokuhenzera ku kyemiyinzi milahi; mu megidzo gogo u lang'aminye aga tonekanga nobugoosi,

Tito 3:8

Livola yili li veye lyokusuuvirwa, kandi ku vindu yivi inze nyenya ive u luvirire kuvola, kuduka yava ava suuvira Nyasaye va guluhe kumenya mu miyinzi milahi. Vindu yivi vi veye vilahi kandi avandu va nyola vyambeti kuvyo:

Vahebraina 13:21

a mu kole mu ve ava dukiru mu vindu vyosi vilahi kukola ubulaliri bwibwe, nokukola mu mwinye ki yanzekanga imbiri wewe, ku Yesu Kristo; wobukumi bu ve kuye mihiga nemihiga. Amini.

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.

Joshua 19:46

na Mejarikon, na Rakon, halala na lwako lu henza Jopa.