31 Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.
Yahova Nya saye wenyu si a veye halala ne mwinye? Na si a mali kumuha ubusosi ku vasigu venyu tsimbega tsyosi? Kigira u viki ava menyanga mu kivala mmukono gwange; nekivala yiki ki gehidzeywi imbiri wa Yahova, ne imbiri wavandu veve.
Henza, mwana muyai a livulwa ku ive, u li va mundu wokwelemeridza; na inze nda mu sosidza ku vasigu veve vosi tsimbega tsyosi; kigira lyeta lilye li la va Solomoni, na nda ha Israeli mirembe nobusosi mu madiku gege.
Navutswa avamehi avimira imbiri wange va li avandu va tungangwa, navo va vugula ubukima bwavandu, newaini, halala netsishe keli amakumi gane tsyefetha; yee, kali avatumekiri vavo veyamehidza ku vandu: navutswa inze si nda kola ndiyo mba, kigira nda tia Nyasaye.
Kandi nda vola, Inkuva ya mu kolanga yiyi si i veye indahi mba: si ga mu dukira kugenda mu litibwa lya Nyasaye wetu, kigira amanyego aga vetsihiri avasigu vetu?
Ga la va ku lidiku yilyo, kitinya kya Jesse, ki singiranga kuva kilolekidzu kyavandu, tsihiri tsi la tsia ku uyu; na hokusosa hehe ha la va ho ubukumi.
Tsindolo. Kandi Saulo ya bugirira likudza lilye. Ku lidiku yilyo lidambidzwa linene lya duka ku livugana lya li mu Yerusalemi; navo va salanywa vosi mu kivala kye Buyuda nekya Samaria, bugira avatumwa.
Ni kindu ki, avamitu? Lwa mu vugani halala mundu sa mulala a veye na zaburi, a veye nelyegidza, a veye nelivuula, a veye netsinimi, a veye neligirunkannya. Vindu vyosi vi kolwe kigira liyombaka.
Mu ganagana kutwula inyinga yeyo kwevera ku mwinye. Navutswa ku vola imbiri wa Nyasaye mu Kristo. Navutswa vindu vyosi vi veye kigira lyombakwa lyenyu, avayanze vange.
Kigira yaga ng'oda vindu yivi ni nta veye ho, lwa mbeye ho nduke kuvula kutumekira ubululu, kuli tsingulu tsyo Mwami ya mpa kwombaka, kandi si tsi veye tsyokusambula.
kutwula kuye mubiri gwosi gu hambanyeywi bulahi kandi gu nywereridzeywi halala kigira kyungu sa kilala, ki leta kuli miyinzi gyekidieli sa kilala, ki leta kigero kyakyo, i ndinangwa mubiri gu virukidzangwa ku lyombaka lyagwo mu buyanzi.
Likuva lidamano kali lilala li ta twula minwa gyenyu, navutswa yili li veye lilahi ku lyombaka, kuli lyenya li veye, kandi li duke kuha yava ava hulira liverererwa.
Navutswa lwa mwambuka Yordani, nokumenya mu kivala kya Yahova Nyasaye wenyu a mu kola avemiyandu, na lwa a mu sosidza kumutwulidza ku avasigu venvu vosi tsimbega tsyosi, mu duke kumenya nemirembe;
Kunangwa ni li ve ho litsuuva mu Kristo kali likekeke, kinga lileminya mwoyo mu buyanzi, kinga lisanga lya Roho kinga tsimbabasi tsyeligali kinga livererera,
kandi va ta hulira tsing'ano tsya kale tsya vutswa, nevitabu vyameta gamakula ga ta li nekiheri, aga letanga lihing'ana kuvita, lileta ubulindi bweli ndira Nyasaye obu veye mu lisuuvira; kandi kalunu nku laga ndiyo.
Na Yahova ya va ha bwelemeridzi ku tsimbega tsyakyo tsyosi, kuli yaga gosi aga yesuhira avaguga vavo: na ku vasigu vavo vosi mundu kali mulala si ya singira imbiri wavo; Yahova ya vika vasigu vavo vosi mmakono gavo.