Vikolwa 8:7 - KITABU KITAKATIFU

⁷ Kigira roho midamano gya twula mu vanyingi, ni gyi hanzuka ni gyi lira: navanyingi va fwogoya, na va leema, va honnywa.

Vikolwa 8:7 ပူးပေါင်းရင်းမြစ်များ

Isaya 35:6

Hene yaho umuhenyeri a la tumatuma kuli imboongo, nolulimi lyedimbidi lu limba; kigira mmigendanyama madzi ga la senuka, notugera tu la senuka mu kyangalangwi.

Matayo 10:1

Ya langa avegidzwi veve likumi navaviri, na a va ha tsingulu ku roho midamano, kugyitwulidza, kandi kuhonnya ubudekeranu bwosi nobulwaye bwosi.

Matayo 11:5

vaboku va hebwa kulola, navaleema va genda, navagere va honnywa, navahana amatu va hulira navakudzu va simugukidzwa, navadaka vilwadzirwa ivangeli.

Matayo 4:24

Amakuva gege ga landa mu Siria yosi: ni va mletera avalwaye vosi, ava li netsinkudzo lugano lugano, nobusaliri, navo ava li na mademone, na va li nendulume, navaleema; naye ya va honnya.

Marko 9:26

Gwa hanzuka ni gu mu tandula munonono, gu twula mu muyai na a gwa na a fwana mukudzu; avanyingi kuvo va luha va vola, U kudzi.

Luka 10:17

Ava li amakumi gatanu na gaviri virana nobuyanzi, ni va vola, Mwami, kali amademone ga li ku kwegehidzira ku lieta lilyo.

Yohana 14:12

Ligali, ligali mmu volera, Uyu u suuvira inze miyinzi gya nkolanga naye kandi a la gyi kola; kandi a la kola minene ku vita yigyi; kigira inze ntsitsa wa Dada.

Vikolwa 5:16

Kandi kiduma kya vugana kya twula mu madala ga li himbi ne Yerusalemi, va leta avandu avalwaye, kandi navo va gumirwa na roho midamano: kandi va honnywa vosi.

Vikolwa 8:6

Viduma vya huliridza nomwoyo mulala amakuva ga Filipu ya vola, lwa va hulira ni va lola vilolekidzu vya ya kola.

Vahebraina 2:4

Nyasaye kandi ya lolekidza halala navo, ku vilolekidzu, noku vyokugenya, noku tsingulu tsinyingi, noku vihaanwa vya Roho Mutakatifu kuli ubulaliri bwibwe.