Vikolwa 8:39 - KITABU KITAKATIFU

³⁹ Kandi lwa va mala kusenuka kutwula mu madzi, Roho wo Mwami ya hulula Filipu: na kitsiri si ya mu lola kandi, na ya londa inzira yeye nobuyanzi.

Vikolwa 8:39 ပူးပေါင်းရင်းမြစ်များ

1 Avami 18:12

Na ga la duka, nonoho lwa nda tsia kutwula ku ive, Roho wa Yahova a la ku hila ha nta manya; na lwa ntsia kuvolera Ahabu, naye lwa a vula kukulola, a la nziita: navutswa inze mutumekiri wowo nda tia Yahova kutwula bwana buke.

2 Avami 2:16

Na va mu volera, Henza, kalunu va veye ho halala nekwinye avatumekiri vovo, avandu avetsingulu makumi gatano; ku goonya ive, leka va tsie kwenya munene wowo, namusia Roho wa Yahova u mu gingi, nokumusikisa mu kigulu kilala, kinga mwivona lilala. Ya vola, Mu ta va tuma mba.

Zaburi 119:111

Lilolekidza lilyo mbuguye kuva miyandu gyange mihiga gyosi; Kigira li veye lyokusangalidza mwoyo gwange.

Zaburi 119:14

Nsangali ku inzira yelilolekidza lilyo, Kuli nsangala mu ubuhinda bwosi.

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Ezekieli 11:1

Kandi Roho ya ng'inga igulu, na ya ndeta kuduka mu kiribwa kyevugwe kyenyumba ya Yahova, ki henza ku luvega lwevugwe: henza, va li ho ha kiliango kyekiribwa avasatsa makumi gaviri na vatano; na hagati havo nda lola Jaazania mwana wa Azuri, na Pelatia mwana wa Benaia, avanene vavandu.

Ezekieli 11:24

Na Roho ya ng'inga igulu, nokumbila mu malola mu Kalidei, netsingulu tsya Roho wa Nyasaye, kuduka ku yava avelyadikidzwa. Kunangwa malola ga ndalola ga twula ku inze.

Ezekieli 37:1

Mukono gwa Yahova gwa li ku inze, na ya mbila kyova mu Roho wa Yahova, na ya mbika hagati helivona; nalyo lya li ni lizula vigumba.

Ezekieli 43:5

Na Roho ya mbugula, ni ya mbika mmugidzi gwomugati; henza, ubukumi bwa Yahova bwizula inyumba.

Ezekieli 8:3

Naye ya nyira lifwana lyomukono, nokugumira inze ku luyove lulala lwelisu lyoku mutwe gwange; na Roho ya ng'inga hagati helirova neligulu, na ya mbilira mu malola ga Nyasaye kuduka Yerusa lemi; kuduka ku muliangu gwekiribwa kyomugidzi gwomugati gu henza ku luvega lwa kasikasini; ha zana ya li ho intebe yekifwananyi kyelikendeka, ki vukidzanga likendeka.

Matayo 13:44

Ubwami bwomigulu bu fwanana na kiba ya viswa mu mulimi; yomundu lwa a nyola ma a visa; mu buyanzi bwibwe a tsia na a gulidza vyosi vya a veye navyo na a gula mulimi yigwo.

Matayo 3:16

Na Yesu, lwa ya batidzwa, ya twula mmadzi nonoho: kandi henza, ligulu lya mkunulirwa, na a lola Roho wa Nyasaye yika ni yadza kuye kuli likuulu;

Marko 1:10

Lwa ya twula mu madzi, nonoho ya lola ligulu li gulika, na Roho kuli likuulu yika kuye:

Vikolwa 13:52

Kandi avegidzwi vizula ubuyanzi na Roho Mutakatifu.

Vikolwa 16:34

Kandi ya vanegiridza kuduka mu inyumba yeye, na a vihula vyokulia, na a yanza munonono halala navenyumba yeye, kigira u mali kusuuvira Nyasaye.

Vikolwa 8:29

Kandi Roho ya volera Filipu, Wisunde himbi u hambane neligari yili.

Vikolwa 8:38

Ya haana munwa ligari li singire: navo vombi vika mu madzi, vombi Filipu na kitsiri; na a mu batidza.

Vikolwa 8:8

Ma bwa li ubuyanzi ubunene mu lidala yilyo.

Varumi 5:2

Ku nyoleye ku uyu inzira kigira lisuuvira lyokvwingira mu tsimbabasi yitsyi tsya ku singiye mu; nokusangala mu lisuuviridzwa lyobukumi bwa Nyasaye.

Vafilipi 3:3

kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.

Vafilipi 4:4

Mu sangale mu Mwami kazozo: kandi nda vola, Mu sangale.

Yakobo 4:16

Navutswa kalunu mwiidzominya mu bwigingiri bwenyu: liidzominya lyosi kuli yili li veye lidamano.