Vikolwa 8:24 - KITABU KITAKATIFU

²⁴ Simoni ya tivula na a vola, Mu nsaalire mwinye ku Mwami, vindu yi vi vya mu vola vi ta duka ku inze.

Vikolwa 8:24 ပူးပေါင်းရင်းမြစ်များ

Litanga 20:17

Na Abrahamu ya saala Nyasaye; na Nyasaye ya honya Abimeleku, nomukali wewe, navakana vatugwa veve; navo vivula avana.

Litanga 20:7

Kunangwa wiranyire mundu mukali wewe; kigira a veye muprofeti, naye a la ku saalira, na ive u la hindira: kandi nu u va nu u vula kumwiranya, u manye ligali u la kudza, ive, na vovo vosi.

1 Avami 13:6

Na mwami ya tivula na a volera mundu wa Nyasaye, Kalunu u goonye Yahova Nyasaye wowo, u saalire inze, nduke kwiranyirwa mukono gwange kandi. Na mundu wa Nyasaye ya goonya Yahova, na mukono gwomwami gwi ranywa kandi, ni gu va kuli gwa li ku matsyambiri.

Ezara 6:10

va duke kuhaana vihaanwa ku Nyasaye womigulu kuva muhomo gwokuya nzidza, nokusaalira livamwoyo lyo mwami, nelyavana veve.

Ezara 8:23

Kunangwa kwa honga lilia noku sava Nyasaye wetu ku likuva yili: naye ya ku hulira.

Ayubu 42:8

Kunangwa kalunu, mu vugule tsing'ombe tsitano na tsiviri, namagondi makole gatano na gaviri, mu tsie navyo ku mutumekiri wange Ayubu, mu haane vi ve vyemyoyo gyenyu kihaanwa kyokusambwa; na mutumekiri wange Ayubu a la mu saalira; kigira nda bugirira uyu, mbule kukolera mwinye kuli ubusiru bwenyu; kigira si mwa vola ku inze makuva gobulungi kuli mutumekiri wange Ayubu ya vola.

Kutwula 10:17

Kunangwa kalunu, mwadza, mu samehe ubwoni bwange inyinga indala vutswa, mu saale Yahova Nyasaye wenyu, a twulidze ku inze likudza yili lyeng'ine.

Kutwula 12:32

Kandi mu hile magondi genyu, na tsing'ombe tsyenyu, kuli mu voye, mu tsie; na mu ngasidze kandi.

Kutwula 8:8

Hene yaho Farao ya langa Musa na Haruni, na a vola, Mu saale Yahova, a twulidze makere ku inze, noku avandu vange; na nda lakula avandu va tsie kulombera Yahova isadaka.

Jeremia 37:3

Na mwami Zedekia ya tuma Jehukali mwana wa Shelemia, na Zefania mwana wa Maaseia, musalisi va tsie ku Jeremia muprofeti, kuvola U ku saalire kalunu ku Yahova Nyasaye wetu.

Jeremia 42:2

ni va volera Jeremia mu profeti, Mwadza, lisaala lyetu li bugirirwe imbiri wowo, na ive u ku saavire ku Yahova Nyasaye wowo, livola li veye ku yavo vosi avatigala: kigira ku tigala vakekeke mu va li avanyingi, kuli tsimoni tsitsyo tsi lolanga kwinye,

Livalidza 21:7

Na avandu va tsia ku Musa, nokuvola, Ku koli ubwoni, kigira ku hing'ani na Yahova, na ive; u saale Yahova a twulidze tsinzoka ku kwinye. Na Musa ya saalira avandu.

Yakobo 5:16

Mweyamirane ubwoni bwenyu avene navene, mu saalirane avene navene mu duke kuhonnywa. Lisaala lyomundu mulungi li konya ligali mu likola lyalyo.

1 Samweli 12:19

Navandu vosi va volera Samweli, U saalire kwinye avatumekiri vovo ku Yahova Nyasaye wowo, ku vule kukudza; kigira ku medi ku bwoni bwetu bwosi, ubudamano yibu, bwokweyenyera kwinye avane, umwami.

1 Samweli 12:23

Halala na yaga, ga ta va ku inze kukolera Yahova ubwoni ku lileka kusaalira mwinye: navutswa nda mwegidza mu inzira indahi nenungi.