Ma nda tivula, nokuvavolera, Uyu Nya saye womigulu, a la ku gasidza kigira yaga kwinye avatumekiri veve ku la vuka nokwombaka: navutswa mwinye si mu veye nekidieli, kinga kindu, kinga lidzulitswa mu Yerusalemi.
Ive mwana womundu, avandu yava va viki vifwananyi vyavo mu myoyo gyavo, va viki kyokwikigitala kyobudamano bwavo imbiri wommoni mwavo: ga ndukira yavo va nteve ku makuva gosi?
Ya mu volera hali kavaka, Simoni wa Jona, U nyanza? Petro ya verera kigira ya mu teva hali kavaka, U nyanza? Ya mu volera, Mwami, ive u manya vindu vyosi; u manya nku yanza. Yesu ya mu volera, U lagiridze amagondi gange.
Kigira mu manya ligali yaga, muheyi, kinga mudamano, kinga mukayirwi, u veye wemisambwa, si a veye nemiyandu kali mulala mu bwami bwa Kristo na Nyasaye.
Kandi mu la sangala imbiri wa Yahova Nyasaye wenyu, mwinye, navayai venyu, navakana venyu, navatugwa venyu avayai navakana, no Mulevi u veye mu viribwa vyenyu, kigira ya vula kuva nekidieli kinga nemiyandu halala nemwinye.
Kandi si ha li nekilombe ki ta li habulavu imbiri wewe: navutswa vindu vyosi vi veye kyahonyo nokulang'aminywa imbiri wetsimoni tsya uyu wa ku veye ku namakuva.
Kigira Yahova ya kola mugera wa Yordani kuva lwako hagati hetu nemwinye, avana va Rubeni, navana va Gadi: si mu veye nekidieli ku Yahova: ni ndiyo nkano avana venyu va kola avana vetu kuleka kutia Yahova.
Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.
A veye nobugasu nobutakatifu uyu u veye nelisanga mu lisimugukidzwa lyokutanga: ku yavo likudza lyakaviri si li veye netsingulu; navutswa va la va avasalisi va Nyasaye nava Kristo, kandi va lameha halala naye mihiga elfu.
kandi ku vosi mundu na a va na a twulidza ku makuva gekitabu kyobuprofeti yibu, Nyasaye a la twulidza lisanga lilye ku musala gwelivamwoyo, nomu lidala litakatifu, vi ng'odeywi mu kitabu yiki.