Vikolwa 8:14 - KITABU KITAKATIFU

¹⁴ Kunangwa, avatumwa va li mu Yerusalemi lwa va hulira Samaria va bugirira likuva lya Nyasaye, va va hilira Petro na Yohana.

Vikolwa 8:14 ပူးပေါင်းရင်းမြစ်များ

1 Avami 13:32

Kigira livola lya ya hanzuka ni likuva lya Yahova ku bwali ha Betheli, noku tsinyumba tsyosi tsva hadiguluku tsi veye mmadala ga Samaria, ligali li la duka.

Matayo 13:23

Na uyu wa midzwa mmarova malahi, uyu niye u hulira likuva na a li manya; ni yama ligali, avalala va kola mia, navandi makumi gatanu nelilala, navandi amakumi gavaka.

Luka 22:8

Ya tuma Petro na Yohana, na a vola, Mu tsie, mu ku lombere lipasaka, ku lie.

Yohana 12:48

Mundu u nyambakana, na a ta bugirira amakuva gange, a veye nomulala u mu kalagira: livola lya nda vola li la mu kalagira ku lidiku lyekiheri.

Vikolwa 11:1

Avatumwa navamitu ava li mu Buyuda va hulira ave Tsihiri kandi va mali kugumira likuva lya Nyasaye.

Vikolwa 15:4

Kandi lwa va duka Yerusalemi na livugana navatumwa navakulundu va vingiridza, vilwadza amakuva gosi ga Nyasaye ya kola navo.

Vikolwa 17:11

Yava va li kukuminywa kuvita ava Tesalonike, kigira va bugirira likuva bwangu, ni venya kazozo mu mang'oda kulola amakuva ga ve ageligali naho.

Vikolwa 2:41

Yavo ava vugula likuva lilye, va batidzwa: kandi lidiku yilyo va daswa avandu kuduka himbi tsielfu tsivaka.

Vikolwa 8:1

Tsindolo. Kandi Saulo ya bugirira likudza lilye. Ku lidiku yilyo lidambidzwa linene lya duka ku livugana lya li mu Yerusalemi; navo va salanywa vosi mu kivala kye Buyuda nekya Samaria, bugira avatumwa.

Vagalatia 2:9

navo lwa va manya tsimbabasi tsya nda hebwa, Yakobo na Kefa na Yohana, yava ava volwa kuva tsitiru, va ha inze kandi Bara naba makono malungi agobusangi, kwinye ku tsie ku Tsihiri, navo va tsie ku vakevwa;

1 Vatesalonike 2:13

Kigira yaga kwinye kandi ku santidzanga Nyasaye bugira kulekera, kigira lwa mwa nyola ku kwinye likuva lyobutumwa nalyo ni likuva lya Nyasaye, mwinye si mwa li gumira kuli li veye likuva lyavandu, navutswa kuli li veye ligali likuva lya Nyasaye, li kola kandi mu mwinye ava suuvira.

1 Vatesalonike 3:2

kandi kwa tuma Timoteo, amitu wetu, mutumwa wa Nyasaye mu ivangeli va Kristo, a duke kuha mwinye tsingulu, nokumuleminya myoyo mu lisuuvira lyenyu;

2 Vatesalonike 2:10

nobugadi bwosi bwobudamano ku yava ava divanga; kigira si va vugula ubuyanzi bwageligali, va duke kuhonnywa.