Vikolwa 8:12 - KITABU KITAKATIFU

¹² Navutswa lwa va suuvira lilwadza lya Filipu lyamakuva malahi gobwami bwa Nyasaye, na gelieta lya Yesu Kristo, va batidzwa avasatsa navakali.

Vikolwa 8:12 ပူးပေါင်းရင်းမြစ်များ

Matayo 28:19

Kigira yaga mu tsie kukola avegidzwi ku tsihiri tsyosi, mu va batidze mu lieta lya Dada, nomu lyo Mwana, nomu Iva Roho Mtakatifu:

Luka 9:2

Kandi ya va tuma kwilwadza ubwami bwa Nyasaye, nokuhonnya avalwaye.

Luka 9:60

Navutswa ya mu volera, Leka avakudzu va te avakudzu vavo; navutswa ive u tsie kwilwadza ubwami bwa Nyasaye.

Vikolwa 1:3

Kandi ya loleka kuvo mwene a veye mwoyo, ku vilolekidzu vyeligali vinyingi, inyima yobusaliri bwibwe, na a loleka kuvo inyinga yamadiku makumi gane, na a va volera amakuva gobwami bwa Nyasaye.

Vikolwa 11:20

Navutswa avandi ku vo, avandu va Kuporo na Kurene, lwa va duka Antiokia va volera Avagreki kandi, vilwadza amakuva go Mwami Yesu.

Vikolwa 18:8

Kandi Krispo, munene welisomero, ya suuvira Mwami, halala navenyumba yeye vosi; kandi avanyingi ku Vakorintho va hulira ni va suuvira, ni va batidzwa.

Vikolwa 19:5

Kandi lwa va hulira yaga v a batidzwa mu lieta lyo Mwami Yesu.

Vikolwa 2:38

Petro ya va rolera, Mweganire, mu batdziwe mwosi mu lieta lya Yesu Kristo, mu nyole ubusamehi bwobwoni bwenyu; kandi mu la vugula kihaanwa kya Roho Mutakatifu.

Vikolwa 2:41

Yavo ava vugula likuva lilye, va batidzwa: kandi lidiku yilyo va daswa avandu kuduka himbi tsielfu tsivaka.

Vikolwa 20:21

nda loleki dzira Avayuda na Vagreki, lyeganira ku Nyasaye, nelisuuvira Mwami wetu Yesu Kristo.

Vikolwa 20:25

Kandi kalunu henza, mmanya mwinye mwosi ava mbo donkana mu ni nzilwadza ubwami si mu li ndola kandi tsimoni tsyange.

Vikolwa 28:31

ni yegidza amakuva go Mwami Yesu Kristo nobuluviriri bwosi, si ha li nowa mu gaya.

Vikolwa 5:14

kandi avasuu viri va daswa ligali ku luvega lwo Mwami viduma vyavasatsa nava kali:

Vikolwa 8:4

Kigira yaga yava ava salana va vodonkana ni vilwadza likuva yili.

Varumi 10:10

Kigira mundu a suuvira nomwoyo a duke ku bulungi; ni yeyama nomunwa a duke ku buhonnyi.

1 Vakorintho 11:11

Navutswa ha lala na yaga wekikali si a nyala kulega wekisatsa, kandi wekisatsa si a nyala kulega wekikali mu Mwami.

Vagalatia 3:28

Si ha li no Muyuda kinga Mugreki, kinga mutugwa, kinga muboholole, kinga mu satsa kinga mukali; kigira mu veye mulaia mu Kristo Yesu.

1 Petro 3:21

aga honnya mwinye kalunu ku lugano zana libatidza, si ga li kya twulidza liko lyomubiri, navutswa ga veye ku lyenya litivula lyomwoyo mulahi ku Nyasaye, kigira lisimugukidzwa lya Yesu Kristo;