Vikolwa 7:60 - KITABU KITAKATIFU

⁶⁰ Kandi ya sigama na a hanzuka na a vola, Mwami, u ta vika kuvo ubwoni yibu. Kandi lwa ya mala kuvola yaga, ya gona.

Vikolwa 7:60 ပူးပေါင်းရင်းမြစ်များ

Ezara 9:5

Inyinga yokuhaana kihaanwa kyomgolova nda singira kutwula ku lyegehidzira lyange, kali nengubo yange nejoho yange tsi tanduki; na nda gwa ku masigamo gange, noku nyira makono gange ku Yahova Nyasaye wange;

Danyeli 12:2

Kandi avanyingi ku yavo ava gonanga mu lugukyi lwelirova va la vuka, avalala kuduka mu buhindiri bu ta hera mba na avandu kuduka mu tsisoni na liiegwa li ta hera mba.

Danyeli 6:10

Na lwa Danyeli ya manya mang'oda ga vikeywi lieta, ya tsia mu inyumba yeye (nu u manyi madirisha gege ga li malamu mu inyumba yeye kuhenza ku luvega lwa Yerusalemi); naye y a sigama hali kavaka ku lidiku, na a saala, na a santidza imbiri wa Nyasaye wewe, kuli wa ya kolanga ku matsyambiri.

Matayo 27:52

vilindwa vya kunuka; nemibiri minyingi gya vandu vatakatifu ava li ni va gona gya simugukidzwa;

Matayo 5:44

navutswa inze mmu volera, Mu yanze avasigu venyu, kandi mu saavire ava mu dambidza,

Luka 22:41

Mwene yavukana navo kuli ha u nyala kulasa ligina; na a sigama na a aala,

Luka 23:34

Kandi Yesu ya vola Dada u va samehe, kigira si va manya ga va kola. Va gavana tsingubo tsitsye ni va kola ikura.

Luka 6:28

mu saavire ubugasu ava mu nyega, kandi mu saalire ava mu kolera ubudamano.

Yohana 11:11

Ya vola vindu yivi: nenyima ya yivi ya va volera, Lazaro mulina wetu a gonanga tsindolo; navutswa inze ntsitsa kumuvukidza.

Vikolwa 13:36

Kigira Daudi, lwa ya mala kutumekira mu likula lilye ku makuva ga Nyasaye, ya gona tsindolo, na a daswa ku vaguga veve na a lola ubwoneku:

Vikolwa 20:36

Lwa ya mala kuvola ndi, ya sigama na a saala halala navo vosi.

Vikolwa 21:5

Kandi lwa kwa mala madiku, kwa twula ni ku tsia ulugendo lwetu; navo vosi halala navakali navana vavo, va ku hereka kali kuduka kyova welidala: ni ku sigama ku luginga ni ku saala ni ku siivulana;

Vikolwa 9:40

Navutswa Petro ya va hila kyova vosi, na a sigama na a saala; ma ya girunkanira mubiri, na a vola, Tabitha, vuka. Naye ya kunula tsimoni; kandi lwa ya lola Petro, yikala.

1 Vakorintho 11:30

Kigira yaga avanyingi ku mwinye va veye avadedekere navalwaye nava gonanga si va li vakekeke.

1 Vakorintho 15:18

Kandi yava ava mali kugona mu Kristo va divi.

1 Vakorintho 15:20

Navutswa kalunu Kristo u mali kusimuguka kutwula mu vakudzu, ubuhya bwa yavo ava gonanga.

1 Vakorintho 15:51

Henzi, mbolera mwinye inkuva i viseywi: Kwinye si ku la gona vosi, navutswa ku la giru nkanywa vosi,

1 Vakorintho 15:6

kandi ya loleka ku avamitu ava vita tsimia tsitano halala avobunyingi bwavo bu kikiri ho kali kalunu, navutswa avalala kuvo va mali kugona;

1 Vatesalonike 5:10

wa ku kudzera ni ku va ni ku linda, kinga ni ku va ni ku gona, ku ve mwoyo halala naye.

2 Timoteo 4:16

Mu litivula lyange lyoku tanga, si ha li nomundu wa nkonya, navutswa vosi va ndeka: yaga ga ta volwa kuvo.

2 Petro 3:4

nokuvola, Lisuuviridza lyeliduka lilye li veye haliha? Kigira kutwula vaguga vetu va gona tsindolo, vindu vyosi vi veye ho kuli wa vya li kutwula inyinga ya vya lombwa.