Vikolwa 7:59 - KITABU KITAKATIFU

⁵⁹ Ni va lasa Stefano magina, naye ya manya ni yanira ku Mwami, na a vola, Mwami Yesu, vugula mwoyo gwange.

Vikolwa 7:59 ပူးပေါင်းရင်းမြစ်များ

1 Avami 21:13

Navandu vaviri, avana va yingu, vingira na vikala imbiri wewe: ma avandu va yingu va lolekidza kuye, ku Nabothu imbiri wavandu, ni va vola, Nabothu ya nyega Nyasaye nomwami. Hene yaho va mu hila kyova welidala, nokumulasa magina na a kudza.

Zaburi 31:5

Mbika mwoyo gwange mmukonogugwo: Ive u ntungiye, O Yahova, ive Nyasaye weligali.

Kohelethu 12:7

nolugukyi kwirana ku lirova kuli lwa li, nomwoyo kwirana ku Nyasaye wa tanga kuguhaana.

Joeli 2:32

Na ga la va, ku vosi u lyanira ku lieta lya Yahova a la honnywa: kigira mu kigulu kya Zioni, na mu Yerusalemi, va la va ho yavo avalala ava hona, kuli Ya hova ya vola, na mu yava ava tigaye va la va ho ava Yahova a langa.

Luka 23:46

Kandi Yesu ya hanzuka nomwoyo munene, na a vola, Dada, mbika mwoyo gwange mu makono gogo. Lwa ya mala kuvola yaga ya lakula mwoyo gwigwe.

Vikolwa 2:21

Kandi ga la va, ku vandu vosi u lyanira ku lieta lyo Mwami a la honnywa.

Vikolwa 22:16

Kalunu u linda ki? Singira u batidzwe, wisinge ubwoni bubwo, wanire lieta lilye.

Vikolwa 9:14

kandi hano a veye netsingulu tsi twula ku vasalisi vanene kuboha vosi avanira lieta lilyo.

Vikolwa 9:21

Vosi ava mu hulira va genya, ni va vola, Uyu si a veye wa dambidza avanira lieta yili mu Yerusalemi? Kandi yadza hano kigira a duke kuvahila va boheywi imbiri wavasalisi avanene.

1 Vakorintho 1:2

ibaruwa yetu yiyi i dukire livugana lya Nyasaye li veye mu Korintho, yava ava takaswa mu Kristo Yesu, ava langwa va ve avatakatifu, halala na yavo vosi ava veye mu tsimbega tsyosi avanira ku lieta lyo Mwami wetu Yesu Kristo, Mwami wavo kandi wetu.

2 Timoteo 2:22

Navutswa wiruke likayirwa lidamano lyobuyai, navutswa u londe ubulungi, nobusuu virifu, nobuyanzi, nemirembe, halala na yavo avaniranga Mwami mu myoyo milahi.