Vikolwa 7:51 - KITABU KITAKATIFU

⁵¹ Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Vikolwa 7:51 ပူးပေါင်းရင်းမြစ်များ

2 Avami 17:14

Navutswa va sula kuhulira, ni va kola magoti gavo madinyu, kuli magoti ga vadada vavo, va vula kusuuvira Yahova Nyasaye wavo.

2 Kyetsinyinga 30:8

Ku nangwa mu ta kola magoti genyu madinyu, kuli vaguga venyu mba; navutswa mwivike ku Yahova, mwi ngire hatakatifu hehe, ha ya ta kasa mihiga nemihiga, mu tumekire Yahova Nyasaye wenyu, ubutima bwibwe bululu bu twule ku mwinye.

Nehemia 9:16

Navutswa yavo na vaguga vetu va kola noluyai, na va kola amagoti gavo kuva madinyu, na va vula kuhulira amalago gogo,

Nehemia 9:30

Navutswa wekudzira kuvo mihiga minyingi, na wa lolekidza kuvo na Roho wowo ku vaprofeti vovo: navutswa si va yanza ku tegidza amatu: kigira yaga wa va vika mmakono gavandu vevivala yivyo.

Zaburi 75:5

Mu ta ginga ulwiga lwenyu igulu; Mu ta vola neligoti lidinyu.

Zaburi 78:8

Na va vule kuva kuli avaguga vavo Ava li kisukululwi kyobwebaali na kyokutinguha, Kisukululwi kya vula kulungikidza mwoyo gwakyo, Na mwoyo gwakyo si gwa dinya ku Nyasaye mba.

Kutwula 32:9

Kandi Yahova ya volera Musa, Ndoli avandu yava, na henza, va veye avandu aveligoti lidinyu:

Kutwula 33:3

kuduka mu kivala ki gangalukanga amaveere na ubwuki: kigira inze si ndanegira hagati henyu; kigira mu veye avandu ava magoti madinyu; gase nda mu dividza ku inzira.

Kutwula 33:5

Na Yahova ya volera Musa, U volere avana va Israeli, Mwinye mu veye avandu ava magoti madinyu; inze, ni mba ni ngenda hagati henyu idakika indala, nda mu dividza: kunangwa mu navule vyokwisiaha, nduke kumanya kya mmukolera.

Kutwula 34:9

Naye ya vola, Kalunu ni mba ni nyoye liverererwa imbiri wowo, O Mwami, nku goonya, Mwami, u gende hagati hetu; kigira va veye avamagoti madinyu; na u samehe mahyolo getu na ubwoni bwetu, na u ku vugule kuva miyandu gyigyo.

Isaya 48:4

Kigira nda manya u veye mutingu, ne ligoti li veye lyekivya, nobweni bubwo bu veye mugasa;

Isaya 63:10

Navutswa va kola ubwebaali, ni va verereridza Roho Mutakatifu wewe: kigira yaga ya girunkana a duke kuva musigu wavo, naye ya lwana navo.

Jeremia 17:23

Navutswa si va hulira mba, kinga kutegidza amatu gavo, navutswa va kola magoti gavo kuva madinyu, va vule kuhulira, va vule kugumira megidzo.

Jeremia 4:4

Mwekevere ku Yahova, mu twulidze magodo gemyoyo gyenyu, mwi nye avasatsa va Yuda, navamenyi Yerusalemi; gase ubutima bwange kuli muliru, bu laaka, a luhe a vule kuva ho u nyala kubusiminya, kigira ubudamano bwelikola lyenyu.

Jeremia 6:10

Inze mbolerane na bwaha nokumulolekidza, va hulire? Henza, gutu gwavo si gu veye gwa kevwa, na si va nyala kuhulira: henza, likuva lya Yahova li gwiye linyega kuvo; si va veye nobuyanzi kulyo.

Ezekieli 2:4

Navana avommoni mu ta li netsisoni navemyoyo midinyu: nku tumanga u tsie ku vandu yava; na u la va volera, Mwami Nyasaye a vola ndi.

Ezekieli 44:7

kigira mwinye mwa leta avageni, nokuvavika mugati, avasindi vemyoyo, navasindi vemibiri, va ve hango hange hatakatifu, kuduka kwononnya ho kali inyumba yange, lwa mu haana nga ubukima bwange, na maguta na masahi, navo vononnya lilagana lyange, kuduka kumeda kivihiri kyenyu kyosi.

Ezekieli 44:9

Mwami Nyasaye a vola ndi, Ha ta va nomugeni, u veye musindi womwoyo, nowomubiri, u lingira hatakatifu hange kali mulala, ku avageni vosi ava veye hagati ha avana va Israeli.

Kyavalevi 26:41

inze kandi nda genda mu lihing'ana kuvo, na nda va leta mu kivala kyavasigu vavo: hene yaho myoyo gyavo gya vula kukebwa, ni gyi va ni gyi gehidzwa, navo va bugirira amageli gobwoni bwavo;

Livalidza 27:14

kigira mwa tinguha ku munwa gwange mwigendanyama lya Zin, mu kivihiri kyelivugana, kigira si mwa nkuminya ha amadzi imbiri wetsimoni tsyavo. (Yaga ga veye amadzi ga Meriba ga Kadesh mwigendanyama lya Zin.)

Vikolwa 6:10

Navutswa si va nyala kuguuta ubugeeri na Roho wa a vola naye.

Vikolwa 7:27

Navutswa uyu wononnya mutende wewe ya mu luguta, na a mu teva, Ibwaha ya ku vika u ve munene nomukalagi ku kwinye?

Vikolwa 7:35

Musa uyu wa va sula, va vola, Ibwaha ya ku vika u ve munene nomukalagi? Niye wa Nyasaye ya tuma a ve munene nomubohololi, nomukono gwengelosi wa loleka kuye mu kasala.

Vikolwa 7:39

Vaguga vetu si va bugirira kumuhulira uyu navutswa va mu luguta a twule kuvo kandi mu myoyo gyavo virana Egepeti,

Vikolwa 7:9

Avaguga vetu yavo va li nembodoka ku Yosefa, ni va mu gula a tsie Egepeti: kandi Nyasaye ya li halala naye,

Varumi 2:25

Kigira likevwa li konya ligali, ive nu u londa lilaga: navutswa nu wononnya lilaga likevwa lilyo li gwiye li vula kukevwa.

Vafeso 4:30

Kandi mu ta vereridza Roho Mutakatifu wa Nyasaye wa mwa vikirwa ku muhuri, mu luhe mu duke ku lidiku lyelitungirwa.

Kwidzulitsa 10:16

Kunangwa mu keve ligodo lyomwoyo gwenyu, na mu vule kuva nemyoyo midinyu kandi.

Kwidzulitsa 30:6

Na Yahova Nyasaye wowo a la keva mwoyo gugwo, nomwoyo gwa avana vovo, u duke kuyanza Yahova Nyasaye wowo nomwoyo gugwo gwosi, na roho gugwo gwosi, u duke kuva mwoyo.

Kwidzulitsa 31:27

Kigira mmanya ubutingu bubwo, neligoti lilyo lidinyu: henzi, inze nkikiri myoyo halala nemwinye lero mu gwiye avatingu ku Yahova, nasindi lwa mmala kukudza?

Kwidzulitsa 9:13

Yahova ya volera inze kandi, na a vola, Ndoli ihiri yiyi, kandi, henza, i veye ihiri yomwoyo mudinyu:

Kwidzulitsa 9:6

Kunangwa u manye, Yahova Nyasaye wowo si ya ku ha kivala kilahi yiki kuva miyandu gyigyo kigira butakatifu bubwo; kigira u veye ihiri yomwoyo mudinyu.

Vafilipi 3:3

kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.

Vakolosai 2:11

Wa mu mali kukeverwa mu nelikevwa li ta kolwa namakono, mu lifwuvula lyomubiri gwenyama, mu likevwa lya Kristo;