Vikolwa 7:5 - KITABU KITAKATIFU

⁵ kandi si ya mu ha mu miyandu, kali gya a vika ku kirenge: na a lagana naye a la mu ha kivala yiki ki ve kikye kandi kyavana veve venyima, lwa ya li na a ta li nomwana.

Vikolwa 7:5 ပူးပေါင်းရင်းမြစ်များ

Litanga 12:7

Kandi Yahova ya loleka ku Abram, na a mu volera, Inze nda ha kisukululwi kikyo kivala yiki: naye yombakira ho Yahova ubwali, wa loleka kuye.

Litanga 13:15

kigira kivala yiki kyosi kya u lolanga, nda ha ive, ne kisukululwi kikyo mihiga nemihiga

Litanga 15:18

Mu lidiku yilyo Yahova ya kola lilagana na Abram, na a vola, Mmali kuha visukululwi vivyo kivala yiki, kutwula ku mu gera gwa Egepeti kuduka ku mugera munene gwa Farati:

Litanga 16:2

Na Sarai ya volera Abram, Henza, Yahova u ngayi ntivula mba; mwadza, u tsie kuva nomukana mutugwa wange: mbula nda nyola avana kuye. Na Abram ya hulira livola lya Sarai.

Litanga 17:8

Kandi nda ha ive na visukululwi vivyo inyima wowo, kivala kya limenya lilyo, kivala kyosi kya Kanani, ki ve miyandu gyemihiga nemihiga; na nda va Nyasaye wavo.

Litanga 23:4

Inze mbeye mugeni nommenya halala na mwinye: mu mbe hokuta ha ve kilindwa, nduke kuta ho mukudzu wange a twule imbiri wange.

Litanga 26:3

wikale mu kivala yiki, na inze nda va halala nive, na nda ku gasidza kigira nda ha ive na kisukululwi kikyo, vivala yivi vyosi, kandi nda singeridza lyesuha lyange lwa ndisuhira Abrahamu dada wowo;

Nehemia 9:8

na wa lola mwoyo gwigwe kuva nobusuuvirifu imbiri wowo, na wa lomba lilagana halala naye kumuha kivala kya Mu kanani, na Muhiti, na Muamori, na Muperizi, na Mujebusi, na Mugiri gashi, kukihaana ku kisukululwi kikye, na u dukidzi makuva gogo; kigira ive u veye mulungi.

Ezekieli 33:24

Ive mwana womundu, avandu va menyanga aha lekwa vyanyi mu kivala kya Israeli va volanga makuva, kuvola, Uyu Abrahamu ya li mulala, naye ya nyola kivala yiki kuva miyandu gyigye: navutswa kwinye ku veye avandu vanyingi; kivala yiki kwa hebwa kuva miyandu gyetu.

Kwidzulitsa 10:11

Na Yahova ya mbolera, Vuka, u gumire lugendo lulwo imbiri wa avandu; navo va lingira kugumira kivala, kya ndisuhira avaguga vavo nda va ha.

Kwidzulitsa 11:9

na mu duke kukola madiku genyu kuva manyingi mu kivala, kya Yahova yesuhira avaguga venyu a la va ha nevisukululwi vyavo, kivala ki gangalukanga amaveere nobwuki.

Kwidzulitsa 2:5

mu ta hing'ana navo; kigira si nda mu ha ku kivala kyavo, kali kuduka kya mu sena ku induvatiru yekirenge; kigira nda ha Esau kigulu kya Seiru kuva miyandu gyigye.

Kwidzulitsa 34:4

Na Yahova ya mu volera, Yiki ni kivala kya ndisuhira Abrahamu, ne Isaka, na Yakobo, ni mbola, Nda ha visukululwi vivyo: ligali mmali kukumannya, navutswa si u lambuka yo mba.

Kwidzulitsa 9:5

Si ga li kigira butakatifu bubwo, kinga bulungi bwomwoyo gugwo, ive wingira kugumira kivala kyavo; navutswa ga veye kigira ubudamano bwetsihiri yitsi Yahova Nyasaye wowo a va kunganga kutwula imbiri wowo, a duke kusingeridza makuva ga Yahova yisuhira vaguga vovo, Abrahamu, na Isaka, na Yakobo.