Vikolwa 7:44 - KITABU KITAKATIFU

⁴⁴ Vaguga vetu va li nelihema lyokulolekidza mu kyangalangwi, kuli wa ya laga, wa volera Musa, a li lombe li fwanane nekya ya lola.

Vikolwa 7:44 ပူးပေါင်းရင်းမြစ်များ

1 Kyetsinyinga 28:11

Ma Daudi ya ha Solomoni mwana wewe, lifwana lyolusimbu na lutelitempeli, na lyetsinyumba tsyalyo, na lyamavikiru galyo ga akiba, na lyetsinyumba tsyegulu tsyalyo, na tsyetsinyumba tsyomugati, na lyobu gono bwentebe yetsimbabasi;

1 Kyetsinyinga 28:19

Yaga gosi, Daudi ya vola, Yahova ya mmannya ku ling'oderwa nomu kono gwa Yahova, kali miyinzi gyosi gyelifwana yili.

2 Kyetsinyinga 24:6

No mwami ya langa Jehoiada munene, na a mu volera, Kigira ki u vuli kwenya ku Valevi va solole ku Yuda noku Yerusalemi, lisolola lya Musa mutumekiri wa Yahova, nowelivugana lya Israeli, ua letere lihema lyelilolekidza?

Kutwula 25:40

Na u la henza bulahi u duke kuvilomba kuli lifwana lyavyo lya wa mannyirwa mu kigulu.

Kutwula 26:30

Na u la singeridza lihema kuli lifwana lyalyo lya wa mannywa mu kigulu.

Kutwula 27:8

U la lomba ubwali netsimbao, bu la va nobwiyangu mubwo: kuli wa mannywa mu kigulu u la bu lomba ndivo.

Kutwula 38:21

Livalidza lyeviju vyosi vya lomberwa lihema, lihema lyelilolekidza ni yili, kuli vya validzwa, kuli lilaga lya Musa, vyobutumiki bwa Valevi, ku mukono gwa Ithamaru, mwana wa Haruni musalisi.

Livalidza 10:11

Na ga duka mu muhiga gwa kaviri, mu mweli gwa kaviri, ku likudiku lya makumi gaviri, lilesi lya gingwa kutwula igulu welihema lyelilolekidza.

Livalidza 18:2

Kandi avamwavo vovo avehiri ya Levi, ihiri ya dada wowo u va lete himbi halala na ive, va hambanywe ku ive, nokukutumekira: navutswa ive na avana vovo halala na ive mu la va imhiri welihema lyelilolekidza.

Livalidza 9:15

Na ku lidiku lyelihema lya singeridzwa, lilesi lya kunika lihema, kali lihema lyelilolekidza: na mgolova lya li igulu helihema, na liloleka lyalyo lya li kuli muliru, kuduka mugamba.

Vahebraina 8:2

mutumiki wa hatakatifu, nowelihema lyeligali, lyo Mwami yombaka, si a li mundu wa lyombaka.

Vahebraina 8:5

yavo ava tumekiranga kifwananyi nekiriri kyevindu vyomigulu, kuli Nyasaye ya mannya Musa inyinga yenya kulomba lihema: kigira a vola, Henza, u lombe vindu vyosi kuli ku lugano lwa wa mannywa mu kigulu.

Joshua 18:1

Ni livugana lyosi lya avana va Israeli vevungidza halala ha Shilo, ni va singiridza lihema lyokuvugana mu ha zana: nekivala zana kya guutwa imbiri wavo.

Joshua 3:14

Na ga duka, lwa vandu yavo va twula mmahema gavo, va duke kwambuka Yordani, avasalisi ava ginga lisanduku lyelilagana va li imbiri wavandu;