36 Mundu uyu ya vimirira kutwula, inyima wa ya kola vyokugenya nevilolekidzu mu Egepeti, nomu Inyanza Inzakanyu, kandi mu kyangalangwi imihiga amakumi gane.
wa lolekidza vilolekidza vinyingi nevyokugenya ku Farao, noku vatumekiri veve vosi, noku avandu vosi avekivala kikye; kigira ive u manya va va kolera nobwigingiri na wenyolera lieta, kuli li veye lero.
Na Musa ya nyira mukono gwigwe ku inyanza; na Yahova ya kola inyanza kwirana inyima nembuudza yetsingulu itwula ivugwe ubudiku bwosi, na ya kola inyanza kuva kivala kiumu, na amadzi gavukanywa.
Na avana va Israeli va lagira mana mihiga makumi gane, kuduka inyinga va duka mu kivala ki veye navandu; va lagira mana, kuduka inyinga ya vingira mu tsinzako tsye kivala kya Kanani.
Kandi Yahova ya volera Musa Mu twule, mwanegire, ive na avandu ava wa leta kutwula mu kivala kya Egepeti, mu tsie mu kivala kya ndesuhira Abrahamu, na Isaka na Yakobo, nokuvola, Nda ha kisukululwi kikyo kivala yiki:
Navutswa Nyasaye ya girunkana na a va leka va tumekire lihe lyomigulu; kuli ga ng'odwa mu kitabu kyavaprofeti Mwa ndetera tsinyama tsinziite netsisadaka Imihiga makumi gane mu kyangalangwi, mwinye venyumba ya Israeli?
Si ga la va kuli lilagana lya nda kola halala navadada vavo Mu lidiku lya nda gumira amakono gavo kuvemirira va twule mu kivala kya Egepete; Kigira si va menya mu lilagana lyange, Na inze nda va lola si va veye kindu, Mwami a vola.