Vikolwa 7:32 - KITABU KITAKATIFU

³² ni gu vola, Inze mbeye Nyasaye wavaguga vovo, Nyasaye wa Abrahamu, na Isaka, na Yakobo. Musa ya degera, kandi si ya lema mwoyo kuhenza.

Vikolwa 7:32 ပူးပေါင်းရင်းမြစ်များ

Litanga 26:24

Na Yahova ya loleka kuye ubudiku zana, na a mu volera, Inze mbeye Nyasaye wa dada wowo Abrahamu: u ta tia mba, kigira inze mbeye halala nive, na nda ku gasidza, na a nda meda kisukululwi kikyo kigira mutumekiri wange Abrahamu.

Litanga 50:24

Kandi Yosefa ya volera avamwavo veve, Nkudzanga, navutswa ligali Nyasaye a la duka ku mwinye, nokumuleta kwanegira kutwula mu kivala yiki kutsia mu kivala kya yisuhira Abrahamu, na Isaka, na Yakobo.

1 Avami 19:13

Kunangwa ga duka, lwa Elija ya hulira mwoyo yigwo, ya boha mmoni mwimwe mu tsingubo tsitsye, na a tsia kyova, na a singira ha bwingiriru bwoluhangaywa. Na, he nza, mwoyo gwadza kuye ni gu vola U kola ki hano, Elijai

Ayubu 4:14

Ubutii bwa ngwira, nokudegera, Bwa kola vigumba vyange vyosi kudengeya.

Zaburi 89:7

Nyasaye welitihidza mu livugana lyavatakatifu, Nokutibwa kuvita yavo vosi ava mu kumbiridza?

Kutwula 3:15

Kandi Nyasaye ya volera Musa, U la volera avana va Israeli inkuva yiyi, Yahova, Nyasaye wa avaguga venyu, Nyasaye wa Abrahamu, Nyasaye wa Isaka, na Nyasaye wa Yakobo, u ntumi ku mwinye: yili ni lieta lyange mihiga nemihiga, kandi ni lyokunzidzulitsira kuduka makula gosi.

Kutwula 3:6

Kandi ya vola, Inze mbeye Nyasaye wa dada wowo, Nyasaye wa Abrahamu, Nyasaye wa Isaka, na Nyasaye wa Yakobo. Na Musa ya visa mmoni mwimwe; kigira ya tia kuhenza Nyasaye.

Kutwula 33:20

Kandi ya vola, Si u nyala kundola mmoni mwange; kigira mundu si a la ndola nokuva mwoyo.

Kutwula 4:5

va duke kusuuvira ni Yahova, Nyasaye wa vaguga vavo, Nyasaye wa Abrahamu, Nyasaye wa Isaka, na Nyasaye wa Yakobo, u loleki ku ive.

Matayo 17:6

Avegidzwi lwa va gu hulira, va gwa mammama ni va tia muno.

Matayo 22:32

Inze ni Nyasaye wa Ahrahamu, ni Nyasaye wa Isaka, ni Nyasaye wa Yakobo? Nyasaye si a li Nyasaye wavakudzi navutswa wa va veye mwoyo.

Matayo 22:46

Si ha li nomulala wa nyala kumutivulira likuva, kandi kutwula lidiku yilyo si ha li nomundu wa luvirira kumuteva kindu.

Luka 5:8

Navutswa Petro lwa ya lola ndiyo, ya gwa hasi ku malu ga Yesu, na a vola, Twula ku inze; kigira mbeye mundu mwoni, O Mwami.

Vikolwa 3:13

Nyasaye wa Abrahamu, nowa Isaka, nowa Yakobo, Nyasaye wavaguga vetu, u kuminyi Mutumekiri wewe Yesu; wa mwa zama nowa mwambakana imbiri wa Pilatu, lwa ya saavira kumuboholola.

Vikolwa 7:31

Kandi Musa lwa ya gu lola, ya genya lilola yilyo; ni yenya kwisunda himbi kuhenza, mwoyo gwo Mwami gwadza,

Vahebraina 11:16

Navutswa kalunu venyanga kivala kilahi kuvita, nakyo ki veye migulu; kigira yaga Nyasaye si ya lola tsisoni kulangwa Nyasaye wavo; kigira u va lombeye lidala.

Likunula 1:17

Inyinga nda mu lola, nda gwa ha virenge vivye kuli u kudzi. Naye ya vika mukono gwigwe mulungi ku inze, na a vola, U ta tia mba; Mbeye wokutanga nowekiheri,